एहुना 6:37 - Korwa Bible

³⁷ ईंग इनिंगराः ओंगोल इया एचेय लगा सेरमो देस अते मेरिंग वेगगना। मनदो ईंगे वारकिरिंगा हाँयराः ओंगोल इया बुता पुरावगे लगायिंग वेगकिया।

एहुना 6:37 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:28

ने भजल-तकल अरू बोझारे इदानपेःआ होड़कू, अपे ईंग एचेरेपे वेग, दो ईंग अपे लोड़ोन लगायिंग एमेवापेता।

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

एहुना 17:11

ईंग नाःआ चउंदीसरे ओरोयिंग दोहोनेना मनदो नँकू चउंदीसरेकू दोहोनता अरू ईंग आम एचेरेयिंग सेनता। ने सुद अपांग भगवान, अलंग मिनी इदानलंगा, हनन इया हँकू हों मिनीकू दोहोन लगा ईंगमे एमेवातेरा अनमराः ञावराः जंगरते हँकूम बनसावगोड ञवन।

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

एहुना 17:6

नाःआ चउंदीस अते ईंगमे जिमावातेरा, हँकुःआ होड़कू एचेरे आमिंग एचे सुदीगोतेडा। हँकू आमरिकुःआ दोहोना अरू आम हँकू ईंगमे जिमावातेरा अरू हँकू आमराः सरवनकू मनेवारा।

एहुना 6:39

ईंगे वारकेरा हाँयराः ओंगोल ननानाः हवे; हाँय ईंग एचेरेय जिमाःकेडकुःआ हँकुःआ होड़कू अते तोनोंगीग होड़ ओरोयिंग केड़ेतेडकुःआ, मनदो टुटीग दिनराः फड़ियावरे हँकूयिंग जियाव रेमकूता।

एहुना 6:65

दो ईसू अरूय कताया, “ननानाः लगा ईंग अपे एचेरेयिंग कतातेरा, अपांग मेरेय मयावाय दो तोनोंगीग होड़ ईंग एचेरे ओरोय वेग अवेनेना।”

एहुना 9:34

हँकू हाँय एचेरेकू कतातेड, “आम दो जनमावनेन वरीते कसूर होड़ इदानमेःआ। अरू नुँहू अलेम चेडतना जा?” हनते हँकू हाँय अरजी ओड़ाः अते हिगारतिरीगखनकू एकला एंडागोतेडीग।

रूमी 5:20

होड़कू अँननकूराः कसूरकूनकू सुदी अवे लगा भगवान नियमकूने एमेतेरा। मनदो होड़कूराः कसूर बनागरायान, हनामिन भगवान हँकुःआ होड़कू अरू बनागराय मयावातेडकुःआ,

पिलिपी 1:29

अपे ईसू मसी एचेरे बिसवासगे लगा एकला कोवान, मनदो हाँय लगा कटसिया हों सहाव लगाय दहिनवाडपेःआ।

1 तिमुतियूस 1:16

हनारे हों ईसू मसी ईंग मयावाडखन ईंग मुरुके सहावकिरिंगा, जेमहा ओरो टुटीगनेना हना जीव लगा हाँय एचेरेकू बिसवासगेता हँकुःआ होड़कू लगा ईंग मीटोंग चिनहा इयायिंग दोहोन।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

इबरानी 4:15

दो हाँय अबूराः अबड़ाव जीव-जहन बदीरेय सोगा अवेवाबूता। हनालगा अबू कबुलाःता हना बिसवासरे बड़ियाड़बू दोहोन,

इबरानी 7:25

हाँयते भगवान एचेरेकू सेनता हँकुःआ होड़कू लगा अरजी घड़ीन सगर बेला जीयते दोनोहोनता। हनालगा हाँय हँकुःआ होड़कू जमालेःआतेय सडाव अवेकूता।

1 एहुना 2:19

नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।

उदुःतो कताकून 22:17

सुद बिरुवा अरू कनिया कतायता, “वेगमे।” अरू अयुमेता हाँय कताय, “वेगमे।” अरू ततंगतो होड़कू वेग लगा इदा अरू चाहाःताय हाँयग होड़ बेगर दामते जीवराः दाःए ञूय।