एहुना 6:35 - Korwa Bible

³⁵ हनते ईसू हँकू एचेरेय कता उदुःतेरा, “जीवराः रुटी ईंग हवे। ईंग एचेरेय वेगता, हाँय कहियो रंगेगतो ओरोय दोहोनेना अरू ईंग एचेरेय बिसवासगेता हाँय, कहियो ततंगतो ओरोय दोहोनेना।

एहुना 6:35 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:28

ने भजल-तकल अरू बोझारे इदानपेःआ होड़कू, अपे ईंग एचेरेपे वेग, दो ईंग अपे लोड़ोन लगायिंग एमेवापेता।

लूका 6:25

नुँहू अपे लगा उडु-बुडू इदा, मनदो अपे ठीक जुवाःतापे अरू रंगेगतेपे दोहोनता। नुँहू अपे बहालरे इदानपेःआ। मनदो अपे ठीक जुवाःतापे अरू अपेराः जीव हुडिंगगुः घड़ीनपे इयामता।

एहुना 4:15

हनते हाँयग अइमी कतातेड, “ने साहेब, हना दाः ईंग एमेवायिंगमे दो, ईंग ओरो ततंगतिरिंगा अरू दाः गोः लगा नाःआमिन तान वेग लगा ओरो परावनेना।”

एहुना 5:40

हनारे हों अपे ओरो टुटीगनेना हना जीव पवाः लगा ईंग एचेरे वेग लगा मेरपे चहाःता।”

एहुना 6:37

ईंग इनिंगराः ओंगोल इया एचेय लगा सेरमो देस अते मेरिंग वेगगना। मनदो ईंगे वारकिरिंगा हाँयराः ओंगोल इया बुता पुरावगे लगायिंग वेगकिया।

एहुना 6:41

ईसू नाःआते गुनहोन मड़ंगरेय कतातेरा, सेरमो देस अते उतरावकिया हना रुटी, ईंग हवे। हनालगा एहूदाकू हाँय बदीरेकू कुरबुराःआ।

एहुना 6:65

दो ईसू अरूय कताया, “ननानाः लगा ईंग अपे एचेरेयिंग कतातेरा, अपांग मेरेय मयावाय दो तोनोंगीग होड़ ईंग एचेरे ओरोय वेग अवेनेना।”

उदुःतो कताकून 22:17

सुद बिरुवा अरू कनिया कतायता, “वेगमे।” अरू अयुमेता हाँय कताय, “वेगमे।” अरू ततंगतो होड़कू वेग लगा इदा अरू चाहाःताय हाँयग होड़ बेगर दामते जीवराः दाःए ञूय।

उदुःतो कताकून 7:16

अरू हँकू कहियो ओरो रंगेगतेडकुःआ, अरू कहियो ओरो ततंगतेडकुःआ। बेर सहे कड़-कड़ सितोंगते ओरोकू लर-लूरावनेना