एहुना 6:2 - Korwa Bible

² ईसू बेमरियाकूय नपायतेरा हना बयाव जुवाः इयाःआ बुताकून होड़कू ञेलतेरा। हनालगा हाँय देह दूर मुरुक बगरा होड़कू ओतोंग सेना।

एहुना 6:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:15

दो ईसू नाःआ कताय सुदीगोतेड अरू हाँय हंडाते एटाः ततेर तोराय। अरू मुरुक बगरा होड़कू हाँय देह दूरकू ओतोंग वेगा अरू हाँय हँकुःआ जमा होड़कू अँकूराः बेमरियातेय नपायतेडकुःआ।

मती ओजाःतेरा भगवानराः नपाय सरवन 13:2

अरू ईसू एचेरे मुरुक बगरा होड़कू जुमावयान दो, हाँय डोंगारे देगनेनखने दुड़ुःयान अरू जमा होड़कू समुंदर धरीरेकू चड़ाँकुःआ।

मती ओजाःतेरा भगवानराः नपाय सरवन 14:14

ईसू डोंगा अतेय उतरावनेन दो आँयग अगी मुरुक बगरा होड़कू वेगतोय ञेलतेडकूखने सोगावातेडकुःआ अरू बेमारीतेकू दोहोना हँकुःआ होड़कूय नपायतेरा।

मती ओजाःतेरा भगवानराः नपाय सरवन 8:1

ईसू पहाड़तेय उतरावनेन दो हाँय देह दूर मुरुक बगरा होड़कू सेनेडा।

मरकूस 1:45

मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।

मरकूस 6:33

हँकुःआ होड़कू सेन मेला मुरुक होड़कू ञेलतेडकुःआ अरू सिनहागोतेडकूकू। अरू जमा सहररिकुःआ होड़कू जुमावनेनखनकू बतकाव सेनेडा अरू हँकू अते मड़ंग हना रिंग-रोंग ततेररेकू सोदोरयान।

एहुना 11:47

हनते मरंग पुजउरीकू अरू फरीसी होड़कू अँकूराः मरंग पंचाइत राःतेडखनकू कताया, “अबू नाँय करा इयाबू करजेय? नाँयग होड़ दो मुरुक बयाव जुवाः इयाःआ बुताकूने एचेयतना।

एहुना 12:18

हाँय नाःआ बयाव जुवाः इयाःआ बुताय एचेतेरा। हनालगा हाँय सुदा जुमाः लगा मुरुक होड़कू हंडाकू वेगनेना।

एहुना 12:37

होड़कू तलारे ईसू मुरुक बयाव जुवाः इयाःआ बुताकूने एचेतेरा, मनदो हँकू हाँय एचेरे मेरकू बिसवासगाड।

एहुना 2:11

गलील छतरराः काना सहररे ईसू आँयगराः मड़ंगाः बयाव जुवाः इयाःआ बुता एचेतेडखन मान मरजइतगेयीग माःआने एचे उदुःनेना अरू आँयगरिकुःआ चेलाकू हाँय एचेरेकू बिसवासतेरा।

एहुना 2:23

ईसू पसहा परोब मेला एरुसलेमरेय दोहोना अरू हाँय मुरुक बयाव जुवाः इयाःआ बुताय एचेतेरा। हना ञेलतेडखन मुरुक होड़कू हाँय एचेरेकू बिसवासतेरा।

एहुना 20:30

ईसू आँयग चेलाकू मड़ंगरे मुरुक बगरा बयाव जुवाः इयाःआ बुताकूने एचेतेरा। मनदो हना जमाकून नाःआ कागदरे ओजाःतो कोवानेःआ।

एहुना 3:2

दो हाँय मी दिन, रइत मेला ईसू एचेरे सेनेडखने कताया, “ने गुरुजी, भगवान आम सुदा मेरेय दोहोकुः दो, आम एचेयता हना बयाव जुवाः इयाःआ बुता तोनोंगीग ओरोय एचे अवेतेरा। हनालगा अले सुसुदीतना आम भगवान अगीते अले चेडले लगाम वेगकिया।”

एहुना 6:14

ईसूराः बयाव जुवाः इयाःआ नाःआ बुता होड़कू ञेलतेडखनकू कताया, “सतायरे नाँयग होड़ चउंदीसरे वेग लगाय दोहोना हाँयग भगवानराः बड़रा कतायीग होड़ हवे।”

एहुना 6:22

एटाः दिन हुडिंग समुंदरराः मार परोमकू दोहोना, हँकुःआ होड़कू सुदीगोतेड नंडा मिनीटोंग डोंगा इदा अरू ईसू आँयग चेलाकू सुदा डोंगारे मेरेय देगगान, मनदो हँकू अँनकू एकलाकू सेनेडा।

एहुना 6:26

दो ईसू कतातेड, “अपे ईंगपे अयूम! अपे बयाव जुवाः इयाःआ बुतापे ञेलतेरा, हनलगा अपे मेरपे ञामिंगतना। मनदो अपे रुटीपे जोम बीनेना, हनालगापे ञामिंगतना।

एहुना 6:30

दो हँकू हाँय एचेरेकू होंबोरतेड, “दो आम चिला बयाव जुवाः इयाःआ बुताम उदुःवालेता, जेमहा अले आम एचेरेले बिसवास अवेय?