एहुना 4:48 - Korwa Bible

⁴⁸ दो ईसू कतातेरा, “अपे बयाव जुवाः इयाःआ बुताकून अरू चिनहाकून मेरपे ञेल वरी अपे ओरोपे बिसवासतेरा।”

एहुना 4:48 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:1

मी दिन फरीसी होड़कू अरू सदूकी होड़कू ईसू अंदजाव लगा हाँय एचेरे सेनेडखनकू कतातेड, “ने गुरुजी, आम सेरमो देसराः मीटोंग चिनहाम उदुःवाले।”

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मती ओजाःतेरा भगवानराः नपाय सरवन 27:42

“नाँय एटाःकूय बनसावा, मनदो अनँयग मेरेय बनसाव अवेतना। नाँय इसराएल होड़कूरीग राजा हवे दो, नाँय कुरूस अतेय उतराव वेग अरू अले नाँय एचेरेले बिसवासगेता।

मरकूस 13:22

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

लूका 10:18

दो ईसू हँकू एचेरेय कताया, “कलउ सेरमो अते बोंगा लोम उड़ी भगवान एचे कसड़गोतेडिया, हनायिंग ञेञेला।

लूका 16:31

इबराहीम हाँय एचेरेय कताया, मोसेस अरू भगवानराः बड़रा कता होड़कूराः सरवन हँकू मेरकू मनाः दो गोएगतो होड़कू अते तोनोंगीग जियाव रिमुः हों हँकू कसूर अते जीव ओनोरोकू कुदातेरा।”

एहुना 12:37

होड़कू तलारे ईसू मुरुक बयाव जुवाः इयाःआ बुताकूने एचेतेरा, मनदो हँकू हाँय एचेरे मेरकू बिसवासगाड।

एहुना 15:24

तोनोंगीग होड़ नुँहू वरी मेरेय एचेगरा हना बुता ईंग हँकू तलारे मेरिंग एचेकेः दो, हँकू एचेरे कसूरराः बोझा ओरो होयाकुःआ। मनदो हँकू ईंग अरू ईंगराः बुताकू ञेलकेरा अरू ईंग अरू ईंग अपांग बनरकू हिनइस-बिनइसवारा।

एहुना 2:18

हनते एहूदाकूरिकुःआ मूक होड़कू ईसू एचेरेकू कतातेरा, “नाःआ इया एचेय लगा आम इये हातपाते ओवाडमेःआ अरू हना अले सुदीबाःका लगा चिला चिनहाम उदुःवालेता?”

एहुना 20:29

हनते ईसू हाँय एचेरेय कतातेड, “आम ईंगमे ञेलकेरा, हनालगाम बिसवासकेरा जा? बेगर ञेलतेकू बिसवासगेता हँकुःआ होड़कूराः जीव भगवान ननपायगेता।”

एहुना 4:49

हनते राजारीग हातपात होड़ कताया, “ने साहेब, ईंगरीग बेटायिंग गुजुः अते मड़ंग ईंग सुदाम सेन।”

मूक चेलाकू 14:3

मनदो पउलूस अरू बरनाबास हंडा मुरुक दिन वरीकिन दोहोना अरू मुरुक डीड़ते भगवानराः मयाराः सरवनकिन कता उदुःतेरा। ईसू हँकिन मुरुक बयाव जुवाः इयाःआ बुताकून एचे लगाय संघरावाकिना अरू हनाते होड़कू सुदीगोतेड, नाःआ सरवन दो सनाताय हवे माःआन।

मूक चेलाकू 15:12

हना तयोमरे पउलूस अरू बरनाबास, भगवान बेगर एहूदाकू एचेरेय एचेतेरा हना जमा चिनहाकून अरू बयाव जुवाः इयाःआ बुताकूनकिन कता उदुःतेरा दो जमा बिसवासी होड़कू कलेकालयान अरू हँकिनराः बड़राकू अयूमतेरा।

मूक चेलाकू 2:19

ईंग सेरमोरे बयाव जुवाः इयाःआ चिहनाकूनिंग उदुःवाकूता अरू ओतरे चिनहाकूनिंग उदुःवाकूता, दो बलंगी, सेंगेल अरू मुरुक सोकोल होया जुवाःता।

मूक चेलाकू 2:22

ने इसराएल होड़कू, ईंगपे अयूम, अपे तलारे ञेनेल ञेलरे होड़कू नपाय जुवाःता हना बुता, मुरुक बयाव जुवाः इयाःआ बुताकून अरू चिनहाकून नसरत सहररीग ईसूते एचेतेडखन भगवान हाँये लुंबाड़ दोहोकिरिया, हना कता अपे नपायतेपे सुदीयतना।

मूक चेलाकू 2:43

ईसूरिकुःआ मूक चेलाकू मुरुक बयाव जुवाः इयाःआ बुताकूनकू एचेःआ अरू जमा होड़कू बयावनेनखनकू बोरोयान।

मूक चेलाकू 4:30

आम अले जंगरमे ओवाले, जेमहा आमरीग सुद सेवादार ईसूराः ञावते होड़कूले नपाय अवे अरू ञेनेल ञेलरेकू नपाय जुवाःता हना बयाव जुवाःआ बुताकूनले एचे अवेय।”

मूक चेलाकू 5:12

ञेनेल ञेलरे होड़कू नपाय जुवाःता हना चिनहाकून अरू बयाव जुवाः इयाःआ बुताकून होड़कू तलारे मूक चेलाकू मुरुककू एचेया। अरू जमा बिसवासी होड़कू भगवानराः ओड़ाःराः राचरे सुलइमान ञावराः परछी पेंदारेकू जुमाव हड़ाःआ।

मूक चेलाकू 6:8

दो इसतपनूस भगवानराः मया अरू जंगरते मुरुक बयाव जुवाः इयाःआ बुताकून अरू ञेनेल ञेलरे होड़कू नपाय जुवाःता हना बुताकून इसराएल होड़कू एचेरेय एचेतेरा।

मूक चेलाकू 7:36

हाँयग मोसेस हँकू मिसिरी देस अतेय एचे उडुंगतेडकुःआ अरू लाल समुंदररे अरू चालीस बरिस वरी टयंगाब ततेररे बयाव जुवाः इया बुताकूने एचेःआ।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

1 कुरिंती 1:22

एहूदाकू बयाव जुवाः इयाःआ चिनहाकूनकू ञामता अरू बेगर एहूदाकू कनहूनकूनकू ञामता,

2 कुरिंती 12:12

बयाव जुवाः इयाःआ बुताकून अरू चिनहाकून सहाव घड़ीन ईंग अपे तलारेयिंग एचे उदुःतेरा। हना अते अपे सुदीगोतेडपे जा, हाँय हों मी होड़ मूक चेला हवे, माःआन?

2 तिसलूनिका 2:9

हाँयग कसूर रबूद होड़ कलउराः जंगरतेय एचे ञिलुःता अरू जमा बयाव जुवाः इयाःआ चिनहाकूने एचे उदुःता अरू लबरा बुता, सताय बुता इयाय एचे उदुःगोडता।

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।