एहुना 4:47 - Korwa Bible

⁴⁷ ईसू एहूदिया छतर अते गलील छतररेय वेगकिया, हना अयूमतेडखन हाँय ईसू एचेरेय सेनेडा अरूय असेतेरा, “ईंग बेटा गुजुः इया इदानिया अरू आम ईंग ओड़ाःरे सेनेकियानखन ईंग बेटाम नपायगोडेय।”

एहुना 4:47 ပူးပေါင်းရင်းမြစ်များ

मती ओजाःतेरा भगवानराः नपाय सरवन 2:1

हरदोस, राजाय दोहोन मेला, एहूदिया छतरराः बेतलहेम सहररे ईसू जनमावनेना। दो तोनोंग दिन तयोमरे एहूदिया छतरराः पुरुब होराः देस अते एरुसलेम सहररे तोनोंग तोनोंग कनहूनदारकू सेनेडा।

मरकूस 10:47

नसरत सहररीग ईसू नानाः दूर दरवाया हना सरवन अयूमवाडखन हाँयग अंधा होड़ खिररीवाडखने कताया, “ने ईसू, दाऊद राजारीग नइड़-बाँस होड़, ईंगमे सोगावा।”

लूका 8:41

आईर ञावीग मी होड़ होड़ दोहोना। हाँय अरजी ओड़ाःरीग हातपात होड़े दोहोना। हाँयरीग मी होड़ बारह बरिसीग बिटीत दोहोना। हाँय गुजुः इयाय दोहोना दो आईर ईसू एचेरेय सेनेडा। हाँय ईसू मड़ंगरे उकुड़ोमवाडखन आँयग ओड़ाःरे सेन लगाय असेःआ। दो ईसू हाँय ओड़ाः सेन मेला, दूररे मुरुक होड़कू हाँय सुदा रेहेड-तेपेडकू सेनेडा।

एहुना 11:21

दो मारता ईसू एचेरेय कतातेरा, “ने परबू, आम नंडाम दोहोकुः दो ईंग वगायिंग ओरोय गोएगकुःआ।

एहुना 11:32

ईसू दोहोना हंडा सोदोरनेनखन मरियम ईसूय ञेलतेरा अरू हाँय काट कुटीरे तबेरनेनखने कताया, “ने परबू, आम नंडाम दोहोकुः दो वगायिंग ओरोय गोएगकुःआ।”

एहुना 4:3

हनते ईसू एहूदिया छतर अड़ाःतेडखन गलील छतररेय कुदायान।

एहुना 4:54

ईसू एहूदिया छतर अते गलील छतररे वेगनेनखने एचेतेरा हना बयाव जुवाः इयाःआ बुताकून अते नाःआ बुता बार नमारराः दोहोना।

मूक चेलाकू 9:38

जोपा सहर लुदा गाँवराः लेसानरे दोहोना। हनालगा चेलाकू पतरस लुदारे इदानिया माःआनकू अयूमतेरा। दो हँकू बार होड़ होड़किन हाँय एचेरेकू वारगोतेडकिन अरू हाँय एचेरेकू एचे कतातेड, “दोबू, अलिंग सुदा जोपा अगी ओहेनबू सेन।”