एहुना 4:23 - Korwa Bible

²³ मी बेला दरवाःआ अरू हनानाः बेला नुँहू बुँहड़ीयना। सतायते अपांग भगवानकू जागता, हँकुःआ होड़कू बिरुवा अरू सतायते हाँयकू जागता। अरू ननन इयाकू जागगेता हँकुःआ होड़कू भगवान ञामकूता।

एहुना 4:23 ပူးပေါင်းရင်းမြစ်များ

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।

एहुना 12:23

दो ईसू कता उदुःतेरा, “मनुवारीग बेटातराः मान मरजइत होयाःराः बेला सोदोरयना।

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

एहुना 16:32

ईंगपे अयूम! अपे जमाकू सितिर-बितिर जुवाःता अरू ईंग अड़ाः एंडाकेडखन अपे अँनपे अपेराः दूरपे सलाव जुवाःता हना बेला निचकाःतना। मनदो ईंग अपांग ईंग सुदा इदानिया, हनलगा ईंग ओरोयिंग एकलानेना।

एहुना 4:21

दो ईसू कतातेड, “ने दिदी, ईंग एचेरेम बिसवासगे। दरवाःआ हना बेलारे अपे भगवान नाःआ पहाड़रे सहे एरुसलेमरे ओरोपे जागतिरिया।

एहुना 5:25

अपे ईंगपे अयूम, मी बेला सुदुरुःता, अरू हनमेला गोएगतो होड़कू भगवानरीग बेटातराः अरोकू अयूमता अरूकू जियाःता। मनदो हना बेला नुनुँहू बुँहड़ीयना।

एहुना 5:28

मड़गटरे इदानकुःआ हँकुःआ होड़कू हाँयराः अरो अयूमकेडखन उडुंग वेगराः बेला सुदुरुःतना अरू अपे अहापे बयावगुः।

रूमी 1:9

जमा बेला अपे उहियारकेडपेखनिंग अरजीगोड ञवनतना माःआन भनगवान हमा ईंगरीग हिदइतदार हवे। अरू हनाँयग भगवानरीग बेटात ईसू मसीराः नपाय सरवन परसार घड़ीन मिनी जीवतेयिंग सेवायतना।

रूमी 8:15

अपे सुद बिरुवापे पवावकियानते पोंकाहा बेगारी होड़कू इया दोहोन लगा कोवानेःआ, मनदो भगवान आँयगराः बिरुवाते अनँयग लइंकू इयाय समुटावकेडपेःआ। नाःआते अबू हाँय, ने अबबा, ने अपांग, माःआन चइड़ घड़ीनबू राःगेयता।

रूमी 8:26

हनन इया सुद बिरुवा अबूय संघरावाबूता। अबू अबड़ इदानबुःआ, हनालगा अबू करा उड़ी अरजीगे लगा इदा हना मेरबू सुदी तजाः अवेयतना। हना कताकून सुद बिरुवा केहराः घड़ीन अरजीगे लगा अबूय संघरावाबूता।

गलातिया 4:6

नुँहू अबू भगवानरिकुःआ लइंकूबू बड़ाँवयना अते, हाँय अनँयग बेटातराः बिरुवा अबू जीवरेय वारकेरा। हनाँय बिरुवाते अबू हाँय, ने अबबा, ने अपांग, माःआन चइड़ घड़ीनबू राः अवेयता।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

पिलिपी 3:3

मनदो अबू भगवानराः बिरुवाते हाँय जाग घड़ीन ईसू मसीबू मान मरजइतता। अरू होड़कूराः खतना इयाःआ रिती-बिधीरे मेरबू भरसाता। हनालगा सताय खतनात होड़कू अँननबू हवे।

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।