एहुना 4:22 - Korwa Bible

²² अपे जागगेयतना, हाँय अपे समरिया छतररिकुःआ होड़कू मेरपे सुदीगेयता। मनदो सडावदार एहूदाकू अतेय वेगता। हनालगा अले जागगेयतना, हाँयले सुदीयतना।

एहुना 4:22 ပူးပေါင်းရင်းမြစ်များ

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

मूक चेलाकू 17:23

ईंग नाःआ सहररेयिंग दँड़ा मेला अपेराः मुरतीकून तिंगीड घड़ीनिंग ञेलतेरा। हनमेला ईंग मीटोंग धामिंग ञेलतेरा अरू हना चोटरे नाःआ इया ओजाःतो इदा; होड़कू मेरकू सुदीयता हाँयग भगवान लगा। अपे बेगर सुदीतेपे जागगेयतना हनाँयग भगवानिंग परसार उदुःतना।

मूक चेलाकू 17:30

नानाः लगा होड़कू अनसिनहारकू दोहोना हना बेला भगवान मेरेय उहियारगाड। मनदो नुँहू हाँय चउंदीसरिकुःआ जमा होड़कू कसूर अते जीवकू कुदा लगाय हुकुमगेतना।

मूक चेलाकू 3:26

भगवान आँयग बेटात ईसू गोएगतो होड़कू अतेय जियाव रेमकिरिया अरू हाँय अपे अँननपेराः कसूर अते जीव एचे कुदाकेडखन अपेराः जीव ननपायगे लगाय वारतिरिया।”

रूमी 11:18

दो अपे अहापे बड़वार, भगवान हँकू तपेग एंडाकेडकूखन अलेय तोल जोड़ोवकेरा, माःआन। मनदो अपे नाःआ कतापे उहियारगोड ञवन, जेर जियाः लगा अपे दाःकून मेरपे एमेयतना मनदो अपे जियाः लगा जेनेर दाःकून एमेवापेतना।

इबरानी 7:14

अबू सुसुदीतना अबूरीग परबू एहूदा गोतोररेय जनमावनेना। अरू हना गोतोररिकुःआ होड़कू एचेरे पुजउरी बुता बदीरे मोसेस तोनोंगाः मेरेय कतागरा।