एहुना 4:14 - Korwa Bible

¹⁴ मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

एहुना 4:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

मती ओजाःतेरा भगवानराः नपाय सरवन 5:6

बेगर गारबार जीव जियाः लगा रंगेगतो अरू ततंगतो इदानकुःआ, हँकुःआ होड़कूराः जीव-जहन भगवान भलावाडखने नपायगेयता, अरू हँकुःआ होड़कू संतोक जुवाःता।

एहुना 10:10

इनिग होड़ इनिगगे लगा, अरू ञेड एएंडा लगा अरू लाय एएंडा लगाय वेगता। मनदो हँकू जीव पवाः लगायिंग वेगकिया अरू मुरुक बडे बगराकू पवाः।

एहुना 11:26

अरू जीयत इदानिया अरू ईंग एचेरेय बिसवासगेता हाँयग होड़ कहियो ओरोय गोएगनेना। नाःआ कता आम बिसवासगेतना जा?”

एहुना 4:10

हनते ईसू कतातेड, “भगवान एमेयता हना बदीरे अरू आम एचेरे दाः ञूय लगाय असेयतना हाँयग होड़ बदीरेम सुदीकेः दो, आम ईंग एचेरेम असेकेःआ अरू आम लगा जीवराः दाःयिंग एमेवाकेमेःआ।”

एहुना 4:11

हनते हाँयग अइमी कतातेरा, “ने साहेब, आम एचेरे दाः ओर उडुंगगे लगा हों कही कोवानेःआ अरू इंदोरा दो मुरुक गहीर इदा। दो जीव एमेयता हना दाः करा अगीते आम एचेरे इदा?

एहुना 4:13

दो ईसू हाँय एचेरेय कता कुदातेरा, “नाःआ दाःए ञू, हाँयग होड़ अनारू ततंगगेयता,

एहुना 4:36

इईरीग होड़ बुतातना अरू हनाराः मंजूरीय गोःगोतना अरू ओरो टुटीगनेना हना जीव लगाय बटुड़ाव अदेरगेतना। नाःआते वेवेरीग होड़ इईर होड़ सुदा बना होड़किन बहाल जुवाःता।

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

एहुना 6:35

हनते ईसू हँकू एचेरेय कता उदुःतेरा, “जीवराः रुटी ईंग हवे। ईंग एचेरेय वेगता, हाँय कहियो रंगेगतो ओरोय दोहोनेना अरू ईंग एचेरेय बिसवासगेता हाँय, कहियो ततंगतो ओरोय दोहोनेना।

एहुना 6:58

नाःआ रुटी सेरमो देस अते उतरावकिया हना रुटी हवे। अपेरिकुःआ खुटिपरिया होड़कू मनाहकू जोमा, हनारे होंकू गोएगयना, मनदो नाःआ रुटीय जोमता हाँयग होड़ सगर सइट जूग वरी जीयते दोहोनता।”

एहुना 7:37

मइद दिन दोहोना हना परोबराः चबान दिन, ईसू भगवानराः ओड़ाःरे चड़ाँनेनखन मुरुक सटीय कताया, “तोनोंगीग होड़ ततंगतो इदानिया दो हाँय ईंग एचेरेय वेग अरूय ञूय।

रूमी 5:21

जेमहा कसूरते जमा होड़कू एचेरे गुजुः सेड़यावयना हनन इया अबूरीग परबू ईसू मसीते बेगर गारबार होड़कूय बड़ाँवकेडबुःआ अरू ओरो टुटीगनेना हना जीवबू पवाः।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

2 कुरिंती 1:22

हाँय अबू अनँयगरिकुःआ हवे माःआन मीटोंग चिनहा इया अनँयगराः मोहोर लगावकेडखन अबूराः इंदरीरे सुद बिरुवा बयान इयाय एमेवाडबुःआ।

इपीसी 4:30

सुद बिरुवाराः चिनहाते टुटीगगुःराः दिन भगवान अपे जमालेःआतेय सडावपेता। दो सुद बिरुवा अहापे एचे अदरुजीगे।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

उदुःतो कताकून 7:16

अरू हँकू कहियो ओरो रंगेगतेडकुःआ, अरू कहियो ओरो ततंगतेडकुःआ। बेर सहे कड़-कड़ सितोंगते ओरोकू लर-लूरावनेना

उदुःतो कताकून 7:17

गदीराः तलारे इदानिया हाँयग भेड़ा होन, हँकूरीग सरवाहाय दोहोनता। अरू जीव एमेता हना दाःराः सूती अगीय गोःयाकूता, अरू भगवान हँकूराः जमा मेड दाःए जोड अमिंगगेता।”