एहुना 3:31 - Korwa Bible

³¹ “सेरमो देस अतेय वेगता हाँयग होड़ जमाकू अते मरंग इदानिया। चउंदीसरेय जनमावकिया हाँय नानाः चउंदीसराः कताकूने कतायता। हनालगा सेरमो देस अतेय वेगता हाँयग होड़ जमाकू अते अगम मरंगे दोहोनता।

एहुना 3:31 ပူးပေါင်းရင်းမြစ်များ

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

एहुना 1:15

बतिसमा एमे होड़ एहुना हाँय बदीरेय कतातेरा, ननाँयग होड़ बदीरे मड़ंगरेयिंग कता उदुःतेरा, ईंग तयोमतेय वेगता हाँय, ईंग अते मनाड़ंग वरीते इदानिया। हनालगा हाँय ईंग अते अगम मान मरजइतगेयीग इदानिया।

एहुना 1:27

हनाँयग होड़ ईंग तयोमतेय वेगता अरू हाँयराः चाटीराः डोरा लड़ा जुकूर हों ईंग कोवायिंगा।”

एहुना 1:30

ननाँय बदीरे मड़ंगरेयिंग कतातेरा, मी होड़ ईंग तयोमतेय वेगता अरू हाँय ईंग अते मनाड़ंग जूग वरीतेय दोहोना। हनालगा हाँय ईंग अते मान मरजइतगेयीग इदानिया।

एहुना 3:30

नाःआ इया होनोयाः लगा इदा, हाँय मरंग जुवाः अरू ईंग हुडिंग जुवाः।”

एहुना 6:33

सेरमो देस अते उतरावनेनखन चउंदीसरिकुःआ होड़कू लगा जीवे एमेता हनाँय हवे, भगवानराः रुटी।”

एहुना 6:51

सेरमो देस अते उतरावकिया, हना जीवराः रुटी इनिंग हवे। तोनोंगीग नाःआ रुटीय जोम दो, हाँय कहियो ओरोय गोएगनेना। अरू चउंदीसरिकुःआ होड़कू जियाः लगायिंग एमेयता, हना रुटी ईंगराः मास हवे।”

एहुना 8:23

हनते ईसू अरूय कताया, “अपे नानाः ओतरिकुःआ होड़कू हवे अरू ईंग सेरमोरीग हवे। अपे नाःआ चउंदीसरिकुःआ होड़कू हवे अरू ईंग ना लवे।

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

रूमी 9:5

इबराहीम, इसहाक अरू एकूब हँकूरिकुःआ खुटिपरिया होड़कू हवे अरू जमाकूरीग भगवान ईसू मसी होड़राः सुरइत मुरइतरे, हँकूरीग नइड़-बाँस होड़तेय जनमावनेना। सगर सइट होड़कू हाँयकू जागगोड ञवन। आमीन!

इबरानी 9:1

दो मड़ंगाः कता-जमकावतोरे होड़कू भगवानकू जाग लगा चउंदीसरे मीटोंग सुद ततेर अरू नियमकून हों दोहोना।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।

1 एहुना 4:5

नँकुःआ मुदइ होड़कू चउंदीसरिकुःआ होड़कू इयाकू कतायता। हनालगा चउंदीसरिकुःआ होड़कू हँकुःआ होड़कूराः बड़राकू बिसवासगेता।

उदुःतो कताकून 19:16

हाँयराः सोनहेरे अरू हाँयराः पिंडातेनरे मीटोंग नाःआ इया ञाव ओजाःतो इदा, राजाकूरीग राजा अरू परबूकूरीग परबू।