एहुना 3:22 - Korwa Bible

²² हनते ईसू आँयग चेलाकू सुदा एहूदिया छतर तोराय। अरू हंडा हाँय हँकू सुदा दोहोकियानखन होड़कू बतिसमाय एमेवाकुःआ।

एहुना 3:22 ပူးပေါင်းရင်းမြစ်များ

एहुना 2:13

दो एहूदाकूराः पसहा परोब लेनेसान निचकाःआ दो ईसू मरंग सहर एरुसलेम अगीय रकबनेना।

एहुना 2:2

दो ईसू अरू आँयगरिकुःआ चेलाकू हों हना बियाहरे टिवाकू एमेवातेडकुःआ।

एहुना 3:23

सालिम गाँवराः लेसान एनोनरे बगरा दाः सूतीकून दोहोना। हनालगा एहुना हंडा होड़कू बतिसमाय एमेवाकुःआ।

एहुना 3:26

अरू चेलाकू एहुना एचेरे सेनेडखनकू कताया, “ने गुरुजी, एरदन नई मार परोम आम सुदाय दोहोना हाँयग होड़, अरू हाँय बदीरे हिदइतमे एमेतेरा हाँय, होड़कू बतिसमाय एमेवाकूतना अरू मुरुक बगरा होड़कू हाँय एचेरेकू सेनतना।”

एहुना 7:3

ईसूरिकुःआ बोपोहकूतेन हाँय एचेरेकू कताया, “नाःआ छतर अते एहूदिया छतरमे सलाव जुवाः। दो बयाव जुवाः इयाःआ बुताम बुताता हना बुता आमरिकुःआ चेलाकू होंकू ञेल अवेयता।