एहुना 20:28 - Korwa Bible

²⁸ दो तोमा कतातेड, “ने ईंगरीग परबू अरू भगवान।”

एहुना 20:28 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:33

नाःआ अते डोंगारेकू दोहोना हँकुःआ चेलाकू उकुड़ोमनेनखन ईसू एचेरेकू कताया, “सनातायरे अनम हवे भगवानरीग बेटा।”

लूका 24:52

दो हँकू हाँय जागतेडखन एरुसलेम अगी मुरुक बहालतेकू कुदा वेगयान।

एहुना 1:1

चउंदीस बुँहड़ीन अते मनाड़ंग सरवन दोहोना अरू हना सरवन भगवान सुदा दोहोना अरू सरवन भनगवान दोहोना।

एहुना 20:16

दो ईसू हाँय एचेरेय कताया, “ने मरियम।” हनते हाँय ईसू अगी उलटावनेनखने कतातेरा, “ने रबूनी!” (इबरानी भासीरे रबूनी लबदराः मतलोब, ने ईंग गुरुजी, माःआन हवे।)

एहुना 20:27

हनते हाँय तोमा एचेरेय कतातेरा, “आमराः अंगरी ईंग तिःईरे सोलोंग सोयमे अरू आमराः तिःई ईंग पंजररेम सोलोंगगे। आम बार जीव ओंगोल होड़ अहम होयाः अरू ईंग एचेरेम बिसवासगे।”

एहुना 20:29

हनते ईसू हाँय एचेरेय कतातेड, “आम ईंगमे ञेलकेरा, हनालगाम बिसवासकेरा जा? बेगर ञेलतेकू बिसवासगेता हँकुःआ होड़कूराः जीव भगवान ननपायगेता।”

एहुना 20:31

मनदो ईसू, भगवानरीग बेटात, मसी हवे माःआन अपे बिसवासगोड ञवन घड़ीन हाँयराः ञावते जीवपे पवाः लगा नाःआ जमा कताकून ओजाःतो इदा।

एहुना 5:23

नाःआते होड़कू अपातकू मान मरजइतता हनन इया बेटात होंकू मान मरजइतता। अरू बेटात मेरेय मान मरजइतगेयता हाँयग होड़, बेटाते वारकेरा हाँयग अपात हों मेरेय मान मरजइतगेयता।”

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।