एहुना 19:28 - Korwa Bible

²⁸ ईसू ईंगराः सेवा चबायना माःआने सुदीतेडखन भगवानराः कागदरे ओजाःतो इदा हना कता होनोयाः लगाय कतातेरा, “ईंग ततंगकिरिंगा।”

एहुना 19:28 ပူးပေါင်းရင်းမြစ်များ

लूका 12:50

मड़ंग ईंगके मीटोंग बतिसमा गोगोः लगा इदा। हना बतिसमा अरीन होयाः वरी ईंग जीव मुरुक कुंभलाःतना।

लूका 18:31

हनते ईसू आँयग बारहगोटोंग मूक चेलाकूय एटाःतेरा अरू हँकू एचेरेय कताया, “अयुमेपे, अबू एरुसलेम अगीबू सलाःतना। अरू भगवानराः बड़रा कता होड़कू मनुवारीग बेटात बदीरेकू ओजाःकेरा हना जमा होया जुवाःता।

लूका 22:37

भगवानराः कागदरे ईंग बदीरे ओजाःतो इदा, कसूर होड़कू सुदाकू मेसाकिरिया अरू अयुमेपे, भगवानराः कागदरे ओजाःतो इदा हनन इया ईंगराः जीवरे होयाःतना।”

लूका 9:31

हँकिन हों मरसल उड़ीकिन विड़चेड़नेना अरू ईसू एरुसलेम सहररे करा इयाय गुजुःता हना बदीरे हँकू बुतुड़ुःआ।

एहुना 13:1

पसहा परोब बुँहड़ीन अते मड़ंग ईसू सुदीगोतेडे, नाःआ चउंदीस अड़ाःकेडखन ईंग अपांग एचेरे सेन लगा बेला निचकाःतना। अरू चउंदीसरे इदानकुःआ आँयग निकता होड़कू हाँय मुरुके दुलारकेडकुःआ अरू हनन इया हँकू सगर सइटे दुलारकूता।

एहुना 17:4

ईंगमे जिमावातेरा हना बुता चनाबाबाःगोतेडिंग अरू नाःआते आमिंग एचे मान मरजइतकेरा।

एहुना 18:4

होनोयाः लगा दोहोना हना जमाकून ईसू सुदीतेरा अरू हँकू एचेरे सेनेडखने होंबोरतेडकुःआ, “अपे इयेपे ञामतना?”

एहुना 19:24

हनालगा हँकू अँननकू अँकू कता होड़ेंगनेना, “अबू नाःआ अहाबू सिरावगे। मनदो नाःआ सोनहे इयेराः होयाःता हना सुदी लगाबू चीट-पोटगेता।” भगवानराः कागदरे ओजाःतो इया होनोयाः लगा नाःआ इया होयानेना। हँकुःआ होड़कू ईंगराः सोनहे लगाकू चीट-पोटतेरा, अरू ईंगराः सोनहे अँननकू हटिंगयान। दो सइना होड़कू हनन इयाकू एचेतेरा।

एहुना 19:30

दो ईसू हना रस ञूयतेडखने कतातेरा, “ईंगराः बुतायिंग चबागोतेडा।” हनते हाँय बोः हुटूतेडखन आँयगराः हनसाय अड़ाःगोतेड।

एहुना 19:36

भगवानराः कागदरे ओजाःतो इदा हनन इया होनोयाः लगा नाःआ होयानेना। हाँयराः तोनोंगाः जांग ओरोकू टोटाःतेरा,

एहुना 4:34

दो ईसू हँकू एचेरेय कताया, “ईंगे वारकेरा हाँयराः ओंगोल इयायिंग सेन अरू बुतायिंग बुता पुराव। ननानाः हवे ईंगराः जोम जिनिस।

मूक चेलाकू 13:29

हाँयराः बदीरे भगवानराः कागदरे ओजाःतो दोहोना हना जमाकून पुरावनेन दो, हँकू हाँय हना कुरूस अतेकू उतरावतिरिया, अरू लात मड़गटरेकू मंडावतिरिया।