एहुना 18:37 - Korwa Bible

³⁷ हनते पिलातूस कतातेड, “दो आम राजा हवे जा?” दो ईसू कतातेड, “आम कतायतना, ईंग राजा हवे। ईंग सतायराः बदीरे कनाता लगा नाःआ चउंदीसरे जनमावनेनखनिंग वेगकिया। सतायरेय बिसवासगेता हाँयग होड़ ईंगराः कताय मनाःता।”

एहुना 18:37 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:64

दो ईसू कतातेड, “आम अनम कताकेरा। मनदो ईंग अपे एचेरेयिंग कतायतना, अपे मनुवारीग बेटात, अगम जंगरदार भगवानराः खउना गतर दुड़ुःतो अरू सेरमो देस अते बदरीरे उतराव वेगतोपे ञेलेयता।”

मती ओजाःतेरा भगवानराः नपाय सरवन 27:11

दो ईसू एहूदिया छतररीग मरंग हातपात होड़ पिलातूस मड़ंगरेय चड़ाँनेन दो हाँय ईसू एचेरेय होंबोरतेरा, “आम एहूदाकूरीग राजा हवे जा?” दो ईसू कता कुदातेरा, “हाव, हनन इयाम कताकेरा।”

मरकूस 14:62

दो ईसू कतातेड, “ईंग हवे अरू अपे मनुवारीग बेटात अगम जंगरदार भगवानराः खउना गतर दुड़ुःतोय अरू सेरमो देस अते बदरीरे उतराव वेगतोपे ञेलेयता।”

मरकूस 15:2

दो पिलातूस होंबोरतिरिया, “एहूदाकूरीग राजा अनम हवे जा?” दो ईसू हाँये कतावाड, “हाव, आम अनम कतायतना।”

लूका 22:70

दो हँकू होंबरेया, “दो आम भगवानरीग बेटा हवे, जा?” दो ईसू कता कुदातेड, “अँननपे कतायता, ईंग हवे।”

लूका 23:3

दो पिलातूस ईसू एचेरेय होंबोरतेरा, “आम एहूदाकूरीग राजा हवे जा?” ईसू हाँय एचेरेय कताया, “आम अनम नाःआ इयाम कतायतना।”

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।

एहुना 14:6

दो ईसू कतातेड, “दूर, सताय अरू जीव इनिंग हवे। ईंग अड़ाःकेडखन ईंग अपांग भगवान एचेरे तोनोंगीग ओरोय सेने अवेनेना।

एहुना 3:32

हाँय अयूमकेरा अरूय ञेलतेरा हना कता बदीरेय कता उदुःगेतना। मनदो तोनोंगीग हाँयराः कता मनाः लगा मेरकू चहाःता।

एहुना 7:17

तोनोंगीग होड़ भगवानराः ओंगोल इया एचेय लगाय चहाःता दो हाँय सुदीगोडता, ईंगराः चेड भगवान अगीते इदा जा ईंग इनिंग ओंगोलतेयिंग कतायतना, माःआन।

एहुना 8:14

दो ईसू हँकू एचेरेय कता कुदातेरा, “ईंग करा अगीतेयिंग वेगकिया अरू करा अगीयिंग सेनता हनायिंग सुदीतना। हनालगा ईंग इनिंग बदीरे हिदइत कता उदुः होले ईंगराः हिदइत सताय होयाःता। मनदो अपे मेरपे सुसुदीतना ईंग करा अगीतेयिंग वेगकिया अरू करा अगीयिंग सेनता।

एहुना 8:45

ईंग सताय बड़रायिंग कतायता होले अपे ईंग एचेरे मेरपे बिसवासगेता।

एहुना 8:46

तोनोंगीग ईंगराः कसूरपे एचे उदुः अवेयता जा? ईंग सतायिंग कतायतना दो चिला लगा अपे ईंग एचेरे मेरपे बिसवासगेतना?

एहुना 8:47

भगवानरीगे दोहोनता हाँयग होड़ भगवानराः कताय मनाःता। अपे भगवानरिकुःआ होड़कू ना लवे। हनालगा अपे ईंगराः कता मेरपे मनाःता।”

1 तिमुतियूस 6:13

जेहो सकालाः इदा हना जमाकून लगा जीवे एमेयता हाँयग भगवान अरू पुंतियूस पिलातूस मड़ंगरे सताय बदीरे नपायतेय कबुलावनेना हाँयग ईसू, हँकिन मड़ंगरे

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 एहुना 2:21

ईंग अपे सताय कता मेरपे सुदीयतना माःआन ओंगोलकेडखन मेरिंग ओओजाःतना। मनदो अपे सताय कतापे सुदीयतना माःआन ओंगोलकेडखनिंग ओओजाःतना। अपे नाःआ होँपे सुदीयतना सताय बड़राते तोनोंग लबरा कता मेर उडुंगगुःता।

1 एहुना 3:14

अबू अँननबू बिसवासी वपक-बोपोहकू सुदाबू अलार-दुलारतना। नान अते अबू सुदीयता अबू गोएगतो होड़कू इया कोवाबुःआ मनदो अबू ओरो टुटीगनेना हना जीवबू पवावकिया। होड़कू मेरकू अलार-दुलारकूता हँकुःआ होड़कू गोएगतो होड़कू इया इदानकुःआ।

1 एहुना 3:19

नाःआते अबू सुदीयता अबू सताय भगवानरिकुःआ होड़कू हवे। भगवान अबूराः ओगोलते हों मरंग इदानिया अरू हाँय जमालेःआय सुदीयता।

1 एहुना 4:6

अबू दो भगवानरिकुःआ होड़कू हवे अरू भगवानकू सुदीता हँकुःआ होड़कू अबूराः कताकू मनाःता। मनदो भगवान मेरकू सुदीता हँकुःआ होड़कू अबूराः कता मेरकू मनाःता। ननन अते सुदीगोडताबू इये इयेकू भगवानराः सुद बिरुवा अते सताय बड़राकू चेडकिया अरू इये इयेकू कलउ अते लबरा बड़राकू चेडकिया, माःआन।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

उदुःतो कताकून 3:14

लउदिकिया सहरराः कलसियारीग बराहील लगा नाःआ चिठीम ओजाः, बिसवासगेयीग अरू सताय हिदइतदार अरू जमा जिया-जउतकून अते मनाड़ंगते दोहोनीग हाँयग आमीन नाःआ इयाय कतायता,