एहुना 17:13 - Korwa Bible

¹³ नुँहू ईंग आम एचेरेयिंग सेनता। नँकुःआ होड़कू इनिंग इया बहालतेकू दोहोन लगा चउंदीसरे दोनोहोन मेलायिंग अरजीतना।

एहुना 17:13 ပူးပေါင်းရင်းမြစ်များ

एहुना 13:3

अपांग जमाकूनराः हातपात ईंग एचेरेय जिमाकेरा अरू ईंग भगवान अतेयिंग वेगकिया अरू भगवान एचेरेयिंग कुदा सेनता माःआन ईसू सुदीकेडखन,

एहुना 15:11

ईंग मुरुक बहालरे इदानिंगा। हनन इया अपेराः जीव हों मुरुक बनाहाल जुवाः लगा नाःआ कता अपे एचेरेयिंग कताकेरा।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

एहुना 17:11

ईंग नाःआ चउंदीसरे ओरोयिंग दोहोनेना मनदो नँकू चउंदीसरेकू दोहोनता अरू ईंग आम एचेरेयिंग सेनता। ने सुद अपांग भगवान, अलंग मिनी इदानलंगा, हनन इया हँकू हों मिनीकू दोहोन लगा ईंगमे एमेवातेरा अनमराः ञावराः जंगरते हँकूम बनसावगोड ञवन।

एहुना 3:29

कनियानुनी बरवारीग हवे मनदो बरवारीग सउंगता सपड़ावकेडखन बरवाय तंगीता अरू हाँय बरवाराः अरो अयूमकेडखने बहाल जुवाःता। हनन इया नुँहू ईंग हों मुरुकिंग बहालयना।

एहुना 7:33

दो ईसू हँकू एचेरेय कतातेड, “ईंग तोनोंग दिन वरी अपे सुदायिंग दोहोनता अरू हना तयोमरे ईंगे वारकेरा हाँय एचेरेयिंग सलाव जुवाःता।

मूक चेलाकू 13:52

मनदो अंतकियारिकुःआ चेलाकू भगवानराः सुद बिरुवाते पेरेगतोकू दोहोना अरू हँकू मुरुक बहालतेकू दोहोना।

रूमी 14:17

भगवानराः राइज जोम ञूय बदीरे कोवानेःआ। मनदो हन भगवानराः ओंगोल इयाःआ सताय कता बदीरे अरू सुद बिरुवा एमेयता हना सलसत अरू बहाल बदीरे इदा।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

1 एहुना 1:4

नाःआ कताते अबू जमालेःआते बहालगुः लगाले ओओजाःतना।

2 एहुना 1:12

आम लगा मुरुक बड़रा ओओजाः लगा इदा। मनदो ईंग चिठीरे ओरोयिंग ओजाःतेरा। आम सुदा जुमाः लगायिंग असरागेतना। हननमेला आम सुदा मुहा-मूहिंग बुतुड़ुता, जेमहा अबू मुरुकबू बहाल जुवाः।