एहुना 14:3 - Korwa Bible

³ हंडा ततेरिंग तुलागोड दो ईंग कुदा वेगकियानखन अपेयिंग गोःयापेता अरू ईंग दोहोनता हना ततेररे अपे होँपे दोहोनता।

एहुना 14:3 ပူးပေါင်းရင်းမြစ်များ

एहुना 12:26

तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।

एहुना 14:28

अपे ईंग कतातेरा हनापे अयूमतेरा, ईंग सलाःतना अरू अपे एचेरेयिंग कुदा वेगता, माःआन। ईंग अपांग ईंग अते मरंग इदानिया। हनालगा ईंग अपांग एचेरेयिंग सेनता अरू अपे ईंगपे दुलारकेःआ दो अपे नाःआ कताते बहाल जुवाःकुःआपे।

एहुना 14:4

अरू ईंग सलाःतना हना ततेर सुदरुराः दूर अपे सुदीयतना।”

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

मूक चेलाकू 1:11

अरू हँकिन कतातेड, “ने गलीलरिकुःआ होड़कू, अपे नंडा चड़ाँकियानखन चिला लगापे संगीलगेतना? अपे अते सेरमो देस अगी भगवान गोःयडिया हनाँयग ईसू करा इया तोराया हनन इयाय कुदा वेगता।”

रूमी 8:17

अबू हाँयरिकुःआ लनाइंकू हवे दो अबू हों ईसू सुदा भगवानरिकुःआ इताडदारबू बड़ाँवकिया। अरू ईसू मसी सुदा कटसियाबू सहाव दो हाँय सुदा मान मरजइत हों पनावाःताबू।

पिलिपी 1:23

ईंग जीव दो बार बंटायना। मी जीव कतायतना, गोएगकियानखन ईसू मसी सुदा दोहोन लगायिंग तरसाःतना। ननानाः ईंग लगा मुरुक ननपाय होयाकुःआ।

2 तिसलूनिका 1:12

जेमहा अबूरीग भगवान अरू परबू ईसू मसीराः मयाते अपे एचेरे ईसूराः मान मरजइत होयाः, अरू ईसू मसी अपे होंय मान मरजइत।

2 तिमुतियूस 2:12

अबू कटसियाबू सहावगोड ञवन दो, अबू हाँय सुदाबू राइजगेता। अबू हाँयबू एरांगवा दो, हाँय अबू होंय एरांगवाता।

इबरानी 9:28

हनन इया मसी हों मुरुक बगरा होड़कूराः कसूर बराव एंडागे लगा मिनी तुरहाय बलिदाननेना। दो मसी अरू मी तुरहाय वेगता। हाँय होड़कूराः कसूर, अरू चलाः एएंडा लगा ओरोय वेजेडा। मनदो हाँयकू टका ञवनता हँकुःआ होड़कू सडावकू लगाय वेगता।

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।