एहुना 14:28 - Korwa Bible

²⁸ अपे ईंग कतातेरा हनापे अयूमतेरा, ईंग सलाःतना अरू अपे एचेरेयिंग कुदा वेगता, माःआन। ईंग अपांग ईंग अते मरंग इदानिया। हनालगा ईंग अपांग एचेरेयिंग सेनता अरू अपे ईंगपे दुलारकेःआ दो अपे नाःआ कताते बहाल जुवाःकुःआपे।

एहुना 14:28 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:18

अयुमेपे! नाँय ईंग सुनावकेरा ईंगरीग सेवकिया हवे, ईंग हाँयिंग दुलारगेयता अरू हाँय सुदा ईंग मुरुक राजू नमा इदानिंगा। हाँय एचेरे ईंगराः बिरुवा दोहोनता, अरू हाँय बेगर एहूदाकू एचेरे हों नपाय फड़ियाव बदीरेय कता उदुःगेता।

एहुना 10:38

दो ईंग इनिंग अपांगराः बुतायिंग एचेता अरू अपे ईंग एचेरे मेरपे बिसवासगेता होले, ईंगराः बयाव जुवाः इयाःआ बुतारेपे बिसवासगे। हनाते अपे सुदीगोडता अपांग सुदायिंग मिनीयना अरू अपांग ईंग सुदा होंय मिनीयना।”

एहुना 13:16

अपे ईंगपे अयूम! तोनोंगीग सेवकिया होड़ आँयग मालिक अते मरंग कोवाया अरू तोनोंगीग आँयग बराहीले वारता हाँय आँयगरीग बराहील अते मरंग इदानिया।

एहुना 14:12

अपे ईंगपे अयूम! मी होड़ ईंग एचेरेय बिसवासगेता दो, ईंग एचेयता हनानाः बुता हाँय होंय एचेयता। ईंग अपांग एचेरेयिंग सेनता। हनालगा हाँयग होड़ ईंग अते हों मरंग मरंग बुताय एचेयता।

एहुना 14:18

ईंग टुरा लइंकू इया अपे एकला ओरोयिंग अड़ाःतेडपेःआ, मनदो अपे एचेरेयिंग कुदा वेगता।

एहुना 16:7

मनदो अपे एचेरे ईंग मीटोंग सताय कतायिंग कतायतना, ईंग सलाःतना दो, अपे लगा नफा होयाःता। ईंग मेरिंग सेन दो संघरादार अपे एचेरे ओरोय वेजेडा। मनदो ईंग सेन दो, हाँय अपे एचेरेयिंग वारगोडेयता।

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

एहुना 20:21

दो ईसू अरूय कतातेरा, “भगवान अपेराः जीवे सलसतगे। अपांग ईंगे वारकेरा, हनन इया ईंग अपे होयिंग वारपेतना।”

एहुना 5:18

ईसू लोड़ोनराः दिन मेरेय मनावगाड अरू हाँय भगवान ईंग अपांग माःआन कता घड़ीन ईंग भगवान इया इदानिंगा, माःआने कतानता। हना ओजाहते एहूदाकू ईसू ञेड गोजेय लगा अरू मुरुककू कुरनिसतेरा।

एहुना 7:33

दो ईसू हँकू एचेरेय कतातेड, “ईंग तोनोंग दिन वरी अपे सुदायिंग दोहोनता अरू हना तयोमरे ईंगे वारकेरा हाँय एचेरेयिंग सलाव जुवाःता।

1 कुरिंती 11:3

अपे नाःआ कतापे सुदीबाःगोड लगायिंग चहाःतना। मेमेडटोंग अइमीकूरीग मूक अँननकूरिकुःआ हेपेरेलकू हवे। अरू जमा मरदकूरीग मूक ईसू मसी हवे अरू ईसू मसीरीग मूक भगवान हवे।

1 पतरस 1:8

अपे नुँहू वरी ईसू मसी मेरपे ञेलगडिया। हनते हों अपे हाँयपे दुलारतना। अपे नुँहू हों हाँय मेरपे ञेलेयतना, हनते हों अपे हाँय एचेरेपे बिसवासगोड ञवनतना, अरू ओरोपे उदुः चबा अवेतेरा हना मुरुक बगरा बहालते इदानपेःआ।

उदुःतो कताकून 1:11

“आम ञेलता हना मीटोंग कागदरेम ओजाःगे अरू सातगोटोंग कलसियारिकुःआ होड़कू एचेरेम इदीगोड। इपीसी सहर, इसमुरना सहर, पिरगामून सहर, थायतिरा सहर, सरदीस सहर, पिलादिलपिया सहर अरू लउदिकिया सहररे इदानकुःआ हँकुःआ कलसियारिकुःआ होड़कू एचेरे नाःआ सरवनमे इदीगोड।”