एहुना 14:27 - Korwa Bible

²⁷ ईंग अपे जीविंग सलसतगेता। ईंग इनिंग अपे जीविंग सलसतगेता, मनदो चउंदीसरिकुःआ होड़कू सलसतगेता हना इया कोवान। हनालगा अपेराः जीव अहापे कुंभलाव ओवा अरू अहापे बोर।

एहुना 14:27 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:26

एटाः होड़कू अते ओकोकेडखनकू पसावगोडता हन कताकून भगवान उडुंगगोडता, अरू ओकोत बड़रा भगवान जमा होड़कूय एचे सुदीगोडकूता। हनालगा अपे होड़कू सुदा अहापे बोर।

लूका 1:79

जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः, अरू अबू सलसतराः दूररे सलाः लगाय अगुवाइवाबू।”

लूका 10:5

तोनोंगीगराः ओड़ाःरे बोलोकियानखन मड़ंगरे नाःआ उड़ीपे कताय, नाःआ ओड़ाःरिकुःआ होड़कू भगवान सलसतकू।

लूका 12:4

ने ईंग सउंगताकू, अयुमेपे, अपेराः देह एकलाकू ञेड गोएग अवेयता हँकुःआ होड़कू अलोपे बोरोवाकुःआ।

लूका 2:14

“सेरमो देसरे इदानिया हाँयग भाबी भगवानले जागतना। भगवान ननायकूता हँकुःआ होड़कू लगा हाँय सलसते एमेता।”

एहुना 14:1

ईसू अनँयग चेलाकू एचेरेय कतातेरा, “अपेराः इंदरी अहापे कुंभलावगे। भगवान एचेरेपे बिसवासगे अरू ईंग एचेरे होँपे बिसवासगोड ञवन।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

एहुना 20:19

हनानाः एतवार दिन सिंगाड़ मेला, चेलाकू एहूदाकूरिकुःआ मूक होड़कूराः बोतोरते ओड़ाःरे सींग रेडतोकू दोहोना। दो ईसू हंडाय वेजेडा अरू हँकू तलारे चड़ाँनेनखने कतावाकुःआ, “भगवान अपेराः जीवे सलसतगे।”

एहुना 20:21

दो ईसू अरूय कतातेरा, “भगवान अपेराः जीवे सलसतगे। अपांग ईंगे वारकेरा, हनन इया ईंग अपे होयिंग वारपेतना।”

एहुना 20:26

आठ दिन तयोमरे ईसूरिकुःआ चेलाकू ओड़ाः पेंदारेकू दोहोना। अरू हँकू सुदा तोमा होंय दोहोना। हना ओड़ाःराः दुवार सींगतो दोहोना। हननमेला ईसू वेगनेना अरू हँकू तलारे चड़ाँनेनखने कतातेरा, “भगवान अपेराः जीवे सलसतगे।”

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

मूक चेलाकू 18:9

मी रइत परबू ईसू पउलूस एचेरे मीटोंग दरसनरेय कतातेरा, “ईंग आम सुदा इदानिंगा अरू तोनोंगीग आम ओरोकू हनी अवेतेडमेःआ। ईंगरिकुःआ चेलाकू बड़ाँः लगा मुरुक होड़कू नाःआ सहररे इदानकुःआ।

रूमी 1:7

रूमी सहररे भगवान दुलारकूता अरू अनँयगरिकुःआ सुद होड़कू होयाः लगाय एटाःकेडकुःआ हँकुःआ जमा बिसवासी होड़कू लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

रूमी 5:1

अबू बिसवासकेडखन बेगर गारबार होड़कूबू बड़ाँवयना दो नुँहू अबूरीग परबू ईसू मसीते भगवान सुदा हेल-मेलरेबू दोहो अवेनता।

रूमी 5:10

अबू भगवानरिकुःआ मुदइ होड़कूबू दोनोहोन मेला, हाँय अनँयग बेटा गुजुः लगा एमेतिडिगखन अनँयग सुदाय हेल-मेलगोतेडबुःआ। नुँहू अबू हाँय सुदाबू हेल-मेलयना अरू ईसू मसी जीयत इदानिया दो हना अते चिला लगा मेरेय बनसावकेबुःआ?

रूमी 8:6

कसूर लूर-नेवन इयाकुःआ होड़कू भगवान अते एटाःकियानखनकू गोएग जुवाःता। मनदो सुद बिरुवाराः ओंगोल इयाकुःआ होड़कू सलसत जीव अरू ओरो टुटीगनेना हना जीवकू पनावाःता।

1 कुरिंती 1:3

अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

गलातिया 1:3

अबूरीग अपांग भगवान अरू परबू ईसू मसी, अपेकिन मयावा, अरू सलसतरेकिन दोहो ओवापे।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

गलातिया 6:16

नाःआ इयाकू सलावगोड ञवनतना हँकुःआ होड़कू, सतायरे भगवानरिकुःआ इसराएल होड़कूकू बड़ाँःता। अरू भगवान हँकुःआ होड़कूय सोगावा अरू सलसतरेकू दोहो ओवा।

पिलिपी 4:7

हनन इयापे एचेय दो ईसू मसी सुदा मिनीयान अते भगवान अपेराः जीव अरू ओंगोल सलसतरेय दोनोहोगोडता। अबू मनुवाकू नाःआ सलसत, कहियो ओरोबू सुदी तजाः अवेतेरा।

कुलूसी 1:2

कुलूसी सहररे ईसू मसी एचेरेकू बिसवासगेतना हँकुःआ सुद होड़कू, अपे लगा नाःआ चिठीयिंग ओजाःगेतना। अबूरीग अपांग भगवान अपेय मयावा अरू सलसतरेय दोहो ओवापे।

कुलूसी 1:20

हाँय कुरूसरे अनँयग बलंगी तूतेडखन सेरमो देसरे अरू ओतरे इदानकुःआ हँकुःआ जमा जिया-जउतकू, भगवान अनँयग सुदा राजू नमाकू लगाय ओंगोल दोहोकेरा।

कुलूसी 3:15

हेल-मेलरे मिनी जुमूटकियानखन, मिनी देह इया दोहोन लगा, भगवान अपेय राःकेरा। दो मसी एमेकेरा हना सलसतते, अपेराः जीव सलसत जुवाः। अरू अपे भगवानपे धनियाबादगोड ञवन।

2 तिसलूनिका 1:2

अबूरीग अपांग भगवान अरू परबू ईसू मसी, अपेकिन मयावा, अरू सलसतरेकिन दोहोगोड ञवनपे।

2 तिसलूनिका 3:16

अबू जीवरे सलसते एमेयता हाँयग परबू ईसू, अपे लगा जमा इयाःआ सलसत सगर सइटे एमे हड़ाःवापे। अरू परबू ईसू अपे जमाकू सुदाय दोहोन।

2 तिमुतियूस 1:7

भगवान अनँयग सुद बिरुवा अबू पोंकाहन लगा मेरेय एमेगडा, मनदो भगवानाराः सुद बिरुवा अबू जीव बड़ियाड़गुः लगा अरू एटाः होड़कू अलार-दुलारकू लगा अरू अबू ओंगोल समझाः घड़ीन जियाः लगाय एमेकेरा।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

इबरानी 7:2

हनते इबराहीम हनाँय एचेरे लड़ाइते जितावनेनखन लुड़ी अगूत आन-धान अते दस बंटारे मी बंटाय ओवातिडिया। हाँयग मलकिसिदिकराः ञावराः अरत सतायराः राजा हवे। मनदो सालेमराः अरत सलसत हवे। हनालगा हाँय सलसतराः राजा हों इदानिया।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”