एहुना 14:12 - Korwa Bible

¹² अपे ईंगपे अयूम! मी होड़ ईंग एचेरेय बिसवासगेता दो, ईंग एचेयता हनानाः बुता हाँय होंय एचेयता। ईंग अपांग एचेरेयिंग सेनता। हनालगा हाँयग होड़ ईंग अते हों मरंग मरंग बुताय एचेयता।

एहुना 14:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:21

दो ईसू चेलाकूतेने कतावाड, “अपे ईंगपे अयूम! अपे बिसवासकेडखन बार जीवगुः घड़ीन अलोपे दोहोन दो, ईंग लुवा दूब एचेरेयिंग एचेकेरा हना अते अरू मरंग मरंग बयाव जुवाः इयाःआ बुताकूनपे एचे अवेयता। अपे नाःआ पहाड़ होँपे कतावा, नाःआते रवीग उडुंगकियानखन समुंदररे लुजरुः, दो हनन इया होया जुवाःता।

मरकूस 11:13

हनमेला ईसू मीटोंग हड़ियड़ दोहोना हना लुवा दूबे ञेलतेड अरू हना दूबरे जोःओत इदा माःआनते हंडा तोराय। दो हन जोःराः बेला मेर होयागान, हनालगा सनाकम एकला दोहोना।

मरकूस 16:17

बिसवासगेता, हँकुःआ होड़कू नाःआ जमाकूनकू चिनहा इयाकू एचे अवेता। हँकू ईंग ञावते भूतकूकू एचे उडुंगगोडता अरू हँकू एटाः एटाः नँवा नँवा भासीकू बड़राता।

एहुना 14:28

अपे ईंग कतातेरा हनापे अयूमतेरा, ईंग सलाःतना अरू अपे एचेरेयिंग कुदा वेगता, माःआन। ईंग अपांग ईंग अते मरंग इदानिया। हनालगा ईंग अपांग एचेरेयिंग सेनता अरू अपे ईंगपे दुलारकेःआ दो अपे नाःआ कताते बहाल जुवाःकुःआपे।

एहुना 16:7

मनदो अपे एचेरे ईंग मीटोंग सताय कतायिंग कतायतना, ईंग सलाःतना दो, अपे लगा नफा होयाःता। ईंग मेरिंग सेन दो संघरादार अपे एचेरे ओरोय वेजेडा। मनदो ईंग सेन दो, हाँय अपे एचेरेयिंग वारगोडेयता।

एहुना 4:37

मी होड़ वेरताय अरू एटाः होड़ ईरता। नाःआ कहड़ी सताय हवे।

एहुना 5:20

अपात बेटाते दुलारता अरू हाँय एचेयता हना जमाकून बेटाते उदुःवाता। नाःआ अते मरंग मरंग बुता एचेय लगा होंय उदुःवायता। अरू अपे मुरुकपे बयाव जुवाःता।

एहुना 7:33

दो ईसू हँकू एचेरेय कतातेड, “ईंग तोनोंग दिन वरी अपे सुदायिंग दोहोनता अरू हना तयोमरे ईंगे वारकेरा हाँय एचेरेयिंग सलाव जुवाःता।

एहुना 7:39

हाँय एचेरेकू बिसवासगेता हँकुःआ होड़कू लगा भगवान एमेयता हाँयग सुद बिरुवाराः बदीरेय कताया। हना बेला वरी भगवान अते ईसू मरंग मान मरजइत अरीने पवाः। हनालगा बिसवासतेराकू हँकुःआ होड़कू लगा सुद बिरुवा अरीने ओवाकुःआ।

मूक चेलाकू 10:46

भगवान जाग घड़ीन एटाः एटाः भासीरेकू बड़राःआ हना ञेल अयूमतेडखनकू बयावयान।

मूक चेलाकू 16:18

नाःआ इया मुरुक दिन वरी होयानेना। दो मी दिन पउलूस मुरुके रीसनेन अरू हाँय उलटावनेनखन हाँयग भूत एचेरेय कताया, ईसू मसीराः ञावरे ईंग आम एचेरेयिंग कतायतना, नाँयग धंगड़ीतेम उडुंग जुवाः, माःआन। अरू हननमेला हाँय उडुंगनेना।

मूक चेलाकू 19:12

तोनोंगाः साफी सहे सोनहेकून पउलूसराः देहरे टोँवावनेना अरू हना साफी सहे सोनहे तोनोंगीग बेमरिया होड़ एचेरेकू गोःगेःआ दो हँकू हसूतेकू नपाय जुवाःआ अरू भूतकू हों हँकू अतेकू उडुंग जुवाःआ।

मूक चेलाकू 2:33

हाँय जमाकू अते मरंग तुलाकिडिगखन भगवान आँयग खउना तिःई गतरे हातपात सुदाय एचे दुड़ुःकिरिया। मड़ंगरे अपांग भगवान जबानतेरा हाँयग सुद बिरुवा भगवान अते ईसू पवावनेनखन अपे अयुमेतना अरूपे ञेलतना हना अले एचेरेय वारगोतेडा।

मूक चेलाकू 2:41

हाँयराः सरवनकू कबुलावयना, हँकुःआ होड़कू बतिसमाकू गोःतेरा अरू हना दिन पेय हजार होड़कू बिसवासी होड़कू सुदाकू मेसानेना।

मूक चेलाकू 4:16

“नँकिनाः होड़किन करा इयाबू करेगकिन? एरुसलेमरेकू दोहोनता हँकुःआ जमा होड़कू सुसुदीतना, नँकिन ञेनेल ञेलरे बयाव जुवाः इयाःआ बुताकिन एचेकेरा अरू हना अबू ओरोबू आड-बेकार अवेतेरा।

मूक चेलाकू 4:33

हँकुःआ मूक चेलाकू परबू ईसू गोएगतो होड़कू अतेय जियाव रेमकिया हना कता बदीरे मुरुक जंगरते हिदइतकू उदुःगोड ञवना। दो भगवान हँकुःआ जमा बिसवासी होड़कू मुरुके मयावातेडकुःआ।

मूक चेलाकू 4:4

मनदो नपाय सरवनकू अयूमतेरा, हँकुःआ होड़कू अते मुरुक होड़कू बिसवासतेरा अरू हँकुःआ होड़कू अंदांज पाँच हजार होड़कू दोहोना।

मूक चेलाकू 5:15

मूक चेलाकूराः बयाव जुवाः इयाःआ बुताकून अते होड़कू अँननकूरिकुःआ बेमरियाकू दूर संडक गतररेकू अगूतेडकुःआ अरू होनोयाःकून करे पतरस हना दूर सेन होले हाँयराः उंबूल हँकू एचेरे पराः लगा खटी अरू पटियारेकू एचे गेतेगकेकुःआकू।

मूक चेलाकू 6:7

दो हनन इया भगवानराः सरवन मुरुक होड़कू एचेरे सितराव ञवना। चेलाकू एरुसलेम सहररे मुरुककू बगरायान अरू मुरुक बगरा पुजउरी होड़कू हों ईसू एचेरेकू बिसवासतेरा।

मूक चेलाकू 8:7

भूतकू होड़कू अते मुरुक खिररी घड़ीनकू उडुंगनेना अरू लकवा ञेडतो होड़कू अरू ठुठा होड़कू होंकू नपाययान।

मूक चेलाकू 9:34

दो पतरस हाँय एचेरेय कताया, “एनियास, ईसू मसी आमे नपायगोडता। नुँहू रेमकियानखन आम पटिया कोंडोड़गेमे।” हननमेला हाँय रेम चड़ाँयान।

मूक चेलाकू 9:40

दो पतरस जमाकू बाहरीय उडुंगगोतडकू। हनते हाँय उकुड़ोमनेनखन भगवान एचेरेय अरजीतेरा। हनते हाँय मुरदा अगी उलटावनेनखने कताया, “तबीता रिमुःमे!” दो हाँय चिड़गाड़याने अरू पतरस ञेलतेडखने दुड़ुःयान।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।