एहुना 11:44 - Korwa Bible

⁴⁴ अरू गोएगतोय दोहोना हाँयग होड़ कफन सोनहेते तिःईत कटात जमा मोड़हाव रेडतोय उडुंग वेगयान अरू हाँयराः सुरइत मीटोंग सेतराते तोल रेडतो दोहोना। दो हँकुःआ होड़कू एचेरे ईसू कतातेड, “नाँय लड़ाकिडिगखन सेने ओवायपे।”

एहुना 11:44 ပူးပေါင်းရင်းမြစ်များ

मरकूस 5:43

हनते हाँय हँकू एचेरे हुकुमवाडखने कतातेरा, “नाःआ कता तोनोंगीग एचेरे अपे अहापे उदगे”, अरूय कताय, “नाँय जोम लगा कहिसाः एमेवायपे।”

लूका 19:20

अरू मी होड़ सेवकिया होड़ हाँय एचेरेय वेगवाडखने कताया, ने मालिक, नेहेन ञेलमे। सोनाराः आमराः रिचकी ढिबुवा नंडा इदा। नाःआ ईंग तउलीयारे तोलकेडखनिंग दोहोकेरा।

लूका 7:15

हननमेला गोएगतोय दोहोना हाँयग होड़ जीयावनेनखन दुड़ुःयाने अरू हाँय बड़रागोडाय। हनते ईसू एंगात एचेरेय जिमागोतेडीग।

एहुना 10:30

ईंगरीग अपांग अरू ईंग मिनी हवे।”

एहुना 11:39

दो ईसू कतातेड, “दिरि चलाःगेपे।” गोएगतो होड़रीग मेसेत मारता ईसू एचेरेय कताया, “ने परबू, नाँय गोएगकियान अते तिसिंग चइर दिन होयायना अरू सोःओ सिड़िगतनाय।”

एहुना 11:43

नाःआ इया कतातेडखन मुरुक सटीते ईसू कतातेरा, “ने लाजर, उडुंग वेगमे।”

एहुना 19:40

एहूदाकूराः रिती-बिधी इया हँकिन नपाय महका हना जिनिसकून कफन सोनहेते ईसूराः मुरदारे मोड़हाव रेडगोतेडकिन।

एहुना 20:5

अरू हाँय बंगानेनखने कोबोःतेरा दो, लातरे सोनहे एकला दोहोना। हनते हों हाँय मेरेय बोलोगान।

एहुना 20:7

अरू ईसूराः बोःरे तोल पतात दोहोना, हना कफन सेतरा, कफन सोनहे अते एटाःरे मोड़हावकेडखन मंडावतोय ञेलतेरा।

एहुना 5:21

अपात गोएगतो होड़कूय जियाव रेमा, हनन इया बेटात हों हाँय चहाःता हँकुःआ होड़कू जीवे एमेवाकूता।”

एहुना 5:25

अपे ईंगपे अयूम, मी बेला सुदुरुःता, अरू हनमेला गोएगतो होड़कू भगवानरीग बेटातराः अरोकू अयूमता अरूकू जियाःता। मनदो हना बेला नुनुँहू बुँहड़ीयना।

पिलिपी 3:21

दो ईसू मसी कुदा वेग मेला अबूराः अबड़ अरू गुजुः इयाःआ देह बदलाकेडखन आँयगराः देह इयाय अगम नपाये तुलागोडता। हाँयके जमा जिया-जउतकून एचेरे हातपात इदा अरू हाँय अनँयग जंगरते अबूराः देहे बदलावगोडता।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”