एहुना 10:32 - Korwa Bible

³² मनदो ईसू हँकू एचेरेय कताया, “ईंग अपांग अगीते मुरुक बयाव जुवाः इयाःआ बुताकूनिंग एचे उदुःवाडपेःआ। हना अते करा बुता लगा, दिरिते ईंग ञेड एंडा लगापे ओंगलेतना?”

एहुना 10:32 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:5

अंधाकू ञेलतना, टुठा होड़कू सेनतना, कुड़गा होड़कू नपाययना, भइरा होड़कू अयुमेतना, गोएगतो होड़कू जियाव रिमुःतना अरू गरीब होड़कू एचेरे नपाय सरवनकू परसारगेतना।

एहुना 10:25

दो ईसू कतातेड, “ईंग अपे एचेरेयिंग कनाता उदुःगोतेडा। मनदो अपे मेरपे बिसवासगेतना। ईंग अपांगराः ञावतेयिंग एचेयता, हनानाः बुता ईंगराः हिदइत हवे।

एहुना 10:31

नाःआ अयूमतेडखन एहूदाकू ईसू तेके गोएगगेय लगा दिरिकू रेमतेरा।

एहुना 10:33

एहूदाकू कतातेरा, “नपाय बुताम एचेतेरा हना अते अले आम दिरिते ञेड एंडामे लगा मेरले ओंगलेतना। आम मी होड़ होनोड़ एकला हवे अरू ईंग भगवान हवे, माःआनमे कताकेडखन भगवान बदीरे ओपता बड़राम कतायतना। हनालगा अले आम दिरितेले तेके गोएग एंडामेता।”

एहुना 10:37

ईंग भगवानराः बुता मेरिंग एचेयतना दो ईंग एचेरे अलोपे बिसवासगे।

एहुना 5:36

“बुता पुरावगे लगा अपांग ईंग एचेरेय जिमाःतेरा अरू नुँहूयिंग एचेयतना, हना बुता पुरावगे लगा अपांग ईंगे वारकेरा। नाःआ ईंग बदीरे हिदइत इया दोहोनता अरू एहुनाराः हिदइत अते मरंग इदा।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

मूक चेलाकू 2:22

ने इसराएल होड़कू, ईंगपे अयूम, अपे तलारे ञेनेल ञेलरे होड़कू नपाय जुवाःता हना बुता, मुरुक बयाव जुवाः इयाःआ बुताकून अरू चिनहाकून नसरत सहररीग ईसूते एचेतेडखन भगवान हाँये लुंबाड़ दोहोकिरिया, हना कता अपे नपायतेपे सुदीयतना।

1 एहुना 3:12

अपे कलउरीग होड़ काइन इया अहापे होयाः। हाँय अनँयग बोहोते ञेड एंडातेरा। हाँय चिला लगाय ञेड एंडातिरिया? हाँयगराः बुता बेलूर दोहोना अरू बोहोतराः नपाय दोहोना। हनालगा हाँय ञेड एंडातिरिया।