एहुना 10:10 - Korwa Bible

¹⁰ इनिग होड़ इनिगगे लगा, अरू ञेड एएंडा लगा अरू लाय एएंडा लगाय वेगता। मनदो हँकू जीव पवाः लगायिंग वेगकिया अरू मुरुक बडे बगराकू पवाः।

एहुना 10:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:10

“अपे ईंगपे अयूम, ईंग एचेरेकू बिसवासगेता हँकुःआ होड़कू अते तोनोंगीग हुडिंगीग होड़ अहापे आड-बेकारवाय। सेरमो देसरे नँकूरिकुःआ अगुरादार बराहीलकू, हंडा इदानिया ईंगरीग अपांग भगवान सुदा सगर बेला इदानकुःआ।

मती ओजाःतेरा भगवानराः नपाय सरवन 18:11

[मनुवारीग बेटात केड़ेत होड़कू ञामकेडखन सडावकू लगाय वेगकिया।]

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

मती ओजाःतेरा भगवानराः नपाय सरवन 21:13

अरू ईसू हँकू एचेरेय कताया, “भगवानराः कागदरे ओजाःतो इदा, ईंगराः ओड़ाः अरजी ओड़ाः माःआनकू कतावाता, मनदो अपे नान इनिग होड़कूराः लातपे बड़ाँवगोतेडा।”

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

मरकूस 11:17

अरू हाँय चेडवाडखने कतावाडकू, “भगवानराः कागदरे नाःआ इया ओजाःतो कोवानेःआ जा? ईंगराः ओड़ाः जमा जइतकू लगा अरजीराः ओड़ाःकू कतायता, मनदो अपे इनिग होड़कूराः लातपे बड़ाँवगोतेडा।”

लूका 19:10

मनुवारीग बेटा, केड़ेत होड़कू ञामकू लगा अरू सडावकू लगा चउंदीसरेय वेगकिया।”

एहुना 10:1

दो ईसू कतातेरा, “अपे ईंगपे अयूम! भेड़ाकूराः गुदड़ीराः दुवारते मेरेय बोलता, मनदो एटाः अगीतेय देग बोलता हाँयग होड़, इनिग होड़ अरू लुड़ी होड़ इदानिया।

एहुना 10:11

नपाय सरवाहा ईंग हवे। नपाय सरवाहा आँयगरिकुःआ भेड़ाकू लगा गुजुः लगा हों सपड़ावतो दोहोनता।

एहुना 12:47

ईंगराः सरवने अयूमता मनदो हना सरवन इया मेरेय सलाःता हाँयग होड़ ईंग मेरिंग फड़ियावगेयता। ईंग चउंदीसरिकुःआ होड़कू फड़ियाव लगा मेरिंग वेगगना, मनदो हँकू सडावकू लगायिंग वेगकिया।

एहुना 12:6

(हाँय नाःआ कता गरीबगोडकू बदीरे ओंगोल दोहोकेडखन मेरेय कतागाड, मनदो हाँय इनिग होड़े दोहोना अरू मूक चेलाकूराः बगली हाँय एचेरे दोहोना। जेमिन ढिबुवाकूनकू सोलोंगा हना हाँय उडुंग इनिगगेःआ।)

एहुना 3:17

चउंदीसरिकुःआ होड़कू डंडियावकू लगा कोवान, मनदो हँकुःआ होड़कू सडावकू लगा भगवान अनँयग बेटाते वारतिरिया।

एहुना 5:40

हनारे हों अपे ओरो टुटीगनेना हना जीव पवाः लगा ईंग एचेरे वेग लगा मेरपे चहाःता।”

एहुना 6:33

सेरमो देस अते उतरावनेनखन चउंदीसरिकुःआ होड़कू लगा जीवे एमेता हनाँय हवे, भगवानराः रुटी।”

एहुना 6:51

सेरमो देस अते उतरावकिया, हना जीवराः रुटी इनिंग हवे। तोनोंगीग नाःआ रुटीय जोम दो, हाँय कहियो ओरोय गोएगनेना। अरू चउंदीसरिकुःआ होड़कू जियाः लगायिंग एमेयता, हना रुटी ईंगराः मास हवे।”

रूमी 2:21

मनदो आम एटाः होड़कूम चेडकूता दो अनम मेरेम चिडुःता जा? आम एटाः होड़कू एचेरे, अहापे इनिगगे, माःआनमे चेडकूता अरू आम अनम इनिग होड़ हवे।

1 तिमुतियूस 1:15

कसूर होड़कू सडावकू लगा चउंदीसरे ईसू मसी वेगनेना, अरू नाःआ कता सनाताय अरू जमाःलेःआते मनाः जुकूर इदा। अरू जमा कसूर होड़कू अते मरंगीग कसूर होड़ इनिंग इदानिंगा।

इबरानी 6:17

ननन इया भगवान आँयगराः जबानराः इताडदारकू एचेरे, अनँयगराः ओरो टगावनेना हना बुइद उदुःबाः लगा मीटोंग किरियाय जोमकेरा।

इबरानी 7:25

हाँयते भगवान एचेरेकू सेनता हँकुःआ होड़कू लगा अरजी घड़ीन सगर बेला जीयते दोनोहोनता। हनालगा हाँय हँकुःआ होड़कू जमालेःआतेय सडाव अवेकूता।

2 पतरस 1:11

अरू अपे ईंग कताकेरा हनन इयापे जियाः दो अबूरीग परबू अरू सडावदार ईसू मसीराः ओरो लुलिगनेना हना देसरे मुरुक मान मरजइततेपे बोलो अवेनता।