एहुना 1:32 - Korwa Bible

³² हनते एहुना नाःआ हिदइत एमेवाडखने कताया, “पेरवाँ तितीग इया सेरमो देस अते सुद बिरुवा हाँय एचेरे उतरावतोयिंग ञेलतेरा।

एहुना 1:32 ပူးပေါင်းရင်းမြစ်များ

मती ओजाःतेरा भगवानराः नपाय सरवन 3:16

ईसू बतिसमा गोःतेडखन दाः अतेय उडुंगगुः मेला सेरमो देस गीगयान अरू भगवानराः बिरुवा, पेरवाँ तितीग इया ईसू चोटरे उतराव वेगनेना, हना अनँयग ञेलतेरा।

मरकूस 1:10

ईसू दाः अतेय उडुंगगुः मेला सेरमो देस गीगयान अरू भगवानराः सुद बिरुवा पेरवाँ तितीग इया हाँय चोटरेय उतराव वेगनेन हनाय ञेलतेरा।

लूका 3:22

हनमेला भगवानराः सुद बिरुवा पेरवाँ तितीग इया हाँय चोटरे उतराव वेगनेना। अरू सेरमो होरते बड़रा अयूमनेना, आम ईंगरीग दुलार बेटा हवे अरू ईंग आम सुदा राजू इदानिंगा, माःआन।

एहुना 1:31

हाँय इये हवे माःआन ईंग हों मेरिंग सुसुदीःआ। मनदो नाँय बदीरे इसराएल होड़कू सुदी अवेय लगा दाःते होड़कू बतिसमायिंग एमेवाकुःआ।”

एहुना 1:7

अरू हाँय मरसलराः बदीरे होड़कू उदुःवा लगाय वेगनेना, जेमहा हाँयराः हिदइत होड़कू अयूमकेडखन मरसल हवे हाँयग होड़ एचेरेकू बिसवास अवेय।

एहुना 5:32

मनदो एटाः होड़ ईंग बदीरे हिदइते एमेयतना अरू ईंग सुसुदीतना ईंग बदीरे हाँयराः हिदइत सताय हवे।”