एहुना 1:14 - Korwa Bible

¹⁴ दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

एहुना 1:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 1:16

अरू एकूब, उसूपरीग अपाते दोहोना। उसूपरीग अइमी दोहोना मरियम। अरू हाँयग मरियमके मी होड़ हेरेल होन होयानेना अरू हाँयराः ञाव दोहोना ईसू। अरू हाँय मसी, माःआनकू कतावाया।

लूका 2:11

तिसिंग दाऊदराः सहर बेतलहेमरे, अपे लगा मी होड़ सडावदार जनमावकिया। अरू हनाँय हवे, परबू मसी।

लूका 2:7

हंडा हाँयरीग मरंगीग बेटात जनमावनेना। अरू धरमसाला ओड़ाःरे हँकूके दोहोन लगा डेरा मेर दोहोगान अते, हाँय बेटात ओयो रेडतिरिगखन ठोंगारेय गेतेगगोतेडीग।

लूका 9:32

पतरस अरू हाँयरिकिनाः सउंगताकिन दड़ुमा। हँकू चिड़गड़नेन दो, ईसू मरसल उड़ी विड़चेड़तो अरू हाँय सुदा बार होड़ चड़ाँतकू ञेलतेडकिना।

एहुना 1:1

चउंदीस बुँहड़ीन अते मनाड़ंग सरवन दोहोना अरू हना सरवन भगवान सुदा दोहोना अरू सरवन भनगवान दोहोना।

एहुना 11:40

दो ईसू कतातेड, “आम बिसवासगे दो भगवान तुमिन मरंग इदानिया, हनाम ञेलता, माःआन आम एचेरे मेरिंग कतागाड जा?”

एहुना 14:6

दो ईसू कतातेड, “दूर, सताय अरू जीव इनिंग हवे। ईंग अड़ाःकेडखन ईंग अपांग भगवान एचेरे तोनोंगीग ओरोय सेने अवेनेना।

एहुना 14:9

हनते ईसू कतातेड, “ने पिलिपूस, ईंग मुरुक दिन वरी अपे सुदा इदानिंगा अरू नुँहू वरी आम ईंग मेरेम सुदींगतना जा? ईंगे ञेलकेरा हाँयग होड़ ईंग अपांग होंय ञेलकेरा। दो आम करा इयाम कतायतना, अपाममे उदुःवाले, माःआन।

एहुना 17:22

आम ईंगमे एमेवारा, हना मान मरजइत हँकू लगायिंग एमेकेरा, जेमहा अलंग मिनी इदानलंगा हनन इया हँकू होंकू मिनी जुवाः।

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

एहुना 18:37

हनते पिलातूस कतातेड, “दो आम राजा हवे जा?” दो ईसू कतातेड, “आम कतायतना, ईंग राजा हवे। ईंग सतायराः बदीरे कनाता लगा नाःआ चउंदीसरे जनमावनेनखनिंग वेगकिया। सतायरेय बिसवासगेता हाँयग होड़ ईंगराः कताय मनाःता।”

एहुना 2:11

गलील छतरराः काना सहररे ईसू आँयगराः मड़ंगाः बयाव जुवाः इयाःआ बुता एचेतेडखन मान मरजइतगेयीग माःआने एचे उदुःनेना अरू आँयगरिकुःआ चेलाकू हाँय एचेरेकू बिसवासतेरा।

एहुना 3:16

“भगवान चउंदीसरिकुःआ होड़कू सुदा मुरुक दुलारकेडखन अनँयगरीग मिनीटोंग बेटाते एमेगोतेड, जेमहा हाँय एचेरेकू बिसवासगे हँकुःआ होड़कू अहाकू लायगुः, मनदो ओरो टुटीगनेना हना जीवकू पवाः।

एहुना 3:18

हाँय एचेरेकू बिसवासगेता हँकुःआ होड़कू डंड मेरकू पवाःता, मनदो हाँय एचेरे मेरकू बिसवासगेता हँकुःआ होड़कू डंडकू पवाःता। हँकुःआ होड़कू भगवानरीग मिनी होड़ बेटात एचेरे मेरकू बिसवासगाड। हनालगा हँकुःआ होड़कू डंडियावकू लगा भगवान एटाःकेडकुःआ।

एहुना 6:51

सेरमो देस अते उतरावकिया, हना जीवराः रुटी इनिंग हवे। तोनोंगीग नाःआ रुटीय जोम दो, हाँय कहियो ओरोय गोएगनेना। अरू चउंदीसरिकुःआ होड़कू जियाः लगायिंग एमेयता, हना रुटी ईंगराः मास हवे।”

एहुना 8:32

अपे सतायपे सुदी दो हना सताय अपे अजइतपेता।”

मूक चेलाकू 13:33

ननानाः नपाय सरवन अपे एचेरे कता उदुःगे लगा, नंडा अलिंग वेगकिया। सेरेंगकून कागदराः बार नमार पाठरे ओजाःतो इदा, हनन इया नाःआ होयाकिया। आम ईंगरीग बेटा हवे, अरू तिसिंग ईंग आमरीग अपांगिंग बड़ाँवकिया।

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

रूमी 9:5

इबराहीम, इसहाक अरू एकूब हँकूरिकुःआ खुटिपरिया होड़कू हवे अरू जमाकूरीग भगवान ईसू मसी होड़राः सुरइत मुरइतरे, हँकूरीग नइड़-बाँस होड़तेय जनमावनेना। सगर सइट होड़कू हाँयकू जागगोड ञवन। आमीन!

1 कुरिंती 15:47

भगवान मड़ंगीग मनुवा आदम हासतेय तुलातिडिया, मनदो एटाःयीग मनुवा, ईसू सेरमो देसरीग भगवान अगीतेय वेगनेना।

2 कुरिंती 12:9

मनदो हाँय ईंग एचेरेय कतातेरा, ओरो! ईंगराः जंगर अबड़ावगुःतान मेला उडु-बुडूगोडमेता। हनालगा ईंगराः मया आम लगा होनोया जुवाःता, माःआन। दो ईंग अबड़ाव होड़िंग दोहोन अते, ईंग मुरुक बहालतेयिंग भल-भलायगुःता, जेमहा मसीराः जंगर ईंग जीवरे दोहो ञवन।

गलातिया 4:4

मनदो भगवान तोल दोहोतेरा हना बेलारे हाँय अनँयग बेटात नाःआ चउंदीसरेय वारतिरिया अरू हाँय मी होड़ अइमी एचेरेय जनमावनेना अरू नियम मनाः घड़ीने दोहोना।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

कुलूसी 1:19

भगवान जमालेःआते हाँय एचेरे डेरान लगा बहालतेय ओंगोल दोहोतेरा।

कुलूसी 2:3

हनाँयग ईसू भगवानराः जमालेःआ सताय अरू कनहूने उदुःवाबूता।

कुलूसी 2:9

ईसू मसी चउंदीसरेय दोहोन मेला, भगवानराः लूर जमालेःआ हाँय एचेरे दोहोना।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

इबरानी 1:5

दो सेरमोरिकुःआ बराहीलकू अते इये एचेरे भगवान कतातेरा, “आम ईंगरीग बेटा हवे, तिसिंग ईंग आमरीग अपांगिंग बड़ाँवकिया, माःआन?” अरू एटाः कागदरे हाँय कतायता, “ईंग हाँयरीग अपांगिंग बड़ाँःता अरू हाँय ईंगरीग बेटाय बड़ाँःता।”

इबरानी 10:5

हनालगा मसी चउंदीसरेय वेगनेन मेला भगवान एचेरे नाःआ इयाय कतातेरा, “आम बलिदान अरू दान मेरेम चाहावगान, मनदो आम ईंग मीटोंग देहमे ओवातिरिंगा,

इबरानी 2:11

होड़कू सुदे बड़ाँवकूता हाँय, अरू सुदकू बड़ाँव जुवाःता हँकू मिनी मइछुवारिकुःआ होड़कू इदानकुःआ। हनालगा ईसू हँकुःआ होड़कू, ईंगरिकुःआ अजी बोपोहकूतिंग माःआन राःकू लगा मेरेय गियुःता।

इबरानी 5:5

हनन इया मसी हों मूक पुजउरी बड़ाँवकियानखन अनँयग आँयगते मेरेय मान मरजइतगान। मनदो भगवान हाँय एचेरेय कतातेरा, “आम ईंगरीग बेटा हवे, ईंग तिसिंग आमरीग अपांगिंग बड़ाँवकिया।”

1 एहुना 4:14

भगवान आँयगरीग बेटात चउंदीसरिकुःआ जमा होड़कू सडाव लगाय वारकिरिया। अले हाँय अँननले मेडतेले ञेलतिरिया अरू हिदइतले एएमेयतना।

1 एहुना 4:9

भगवान नाःआ इया अबूय दुलारकेरा। भगवान अनँयगरीग मिनी होड़ बेटात ईसू नाःआ चउंदीसरेय वारतिरिया, जेमहा अबू हाँयतेबू जियाव अवेन।

2 एहुना 1:7

होड़कू एचेरेकू अडिग जोमता हँकुःआ होड़कू चउंदीसरे मुरुक इदानकुःआ। हँकू कतायता, ईसू मसी मनुवाराः सुरइत मुरइतरे मेरेय जनमावगान, माःआन। आअडिग होड़कू अरू मसी मुदइ होड़कू नननकू हवे।

उदुःतो कताकून 19:13

हाँय बलंगी इरचीत झोलोंग सोनहेय तुसिंगकेरा अरू हाँयराः एटाः ञाव, भगवानराः सरवन हवे।

उदुःतो कताकून 21:3

अरू ईंग गदी अते तोनोंगीगराः मुरुक सटी खिररीयिंग अयूमतेरा, “भगवान नुँहू मनुवा सुदाय डेरानता, अरू हाँय हँकू सुदाय दोहोनता। हँकू हाँयरिकुःआ होड़कू होयाःता। भनगवान हमा हँकू सुदाय दोहोनता अरू हाँय हँकूरीग भगवाने दोहोनता।