एहुना 1:10 - Korwa Bible

¹⁰ हाँय चउंदीसरेय दोहोना अरू चउंदीस हाँयते बड़ाँवकिया, मनदो चउंदीसरिकुःआ होड़कू हाँय मेरकू सिनहागडीग।

एहुना 1:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:27

ईंगरीग अपांग भगवान ईंग एचेरे जमाकूने जिमाकेरा। सनातायते अपात अड़ाःकेडखन तोनोंगीग होड़ बेटात मेरेय सुदीयता, अरू बेटात अड़ाःकेडखन तोनोंगीग होड़ अपात मेरेय सुदीयता। भगवान सुसुदी लगा बेटात सुनावकूता, हँकुःआ होड़कू एकला भगवानकू सुदी अवेता।

एहुना 1:11

हाँय अनँयगरिकुःआ निकता होड़कू एचेरेय वेजेडा, मनदो हँकुःआ होड़कू हाँय मेरकू मनेवागडीग।

एहुना 1:18

तोनोंगीग होड़ भगवान कहियो मेरकू ञेलगडिया, मनदो भनगवानरीग दुलारीग मिनीटोंग बेटात एकला, अबू एचेरे भगवाने एचे उदुःकेरा।

एहुना 1:3

हनाँय जमा बरानाः जिनिसकूने तुलाकेरा अरू हाँय बेगर, तोनोंगाः जिनिस मेर बड़ाँवगना।

एहुना 1:5

मरसल अंदरारे विड़चेड़ता। मनदो अंदरा हना मरसल ओरो इड़ीग अवेतेरा।

एहुना 17:25

अगम नपायीग अपांग, चउंदीसरिकुःआ होड़कू आम मेरकू सुदीगाडमेःआ। मनदो ईंग आमिंग सुसुदीतना अरू ईंगरिकुःआ चेलाकू होंकू सुदीयतना अनम ईंगमे वारकेरा।

एहुना 5:17

हनते ईसू कतातेड, “नुँहू वरी ईंग अपांग बुतागोड ञवनताय। हनालगा ईंग हों हाँय इयायिंग बुतागोड ञवनतना।”

मूक चेलाकू 14:17

हनारे हों भगवान अनँयग बदीरे हिदइते एमेगोड ञवना अरू जमा होड़कू एचेरे मयावाडकूखन नपाय नपाये एचेया। हाँय अपे लगा दाःए एचे उयुःगेता अरू जमा बरानाः बिहानकून ओमोनकियानखन सत बेलारे जोःओकूने एमेयता। हाँय अपे लगा जमा बरानाः जोम जिनिसकून एमेवाडखन अपेराः जीवे बहालगोतेडा।”

1 कुरिंती 1:21

भगवान अगम कनहूनदार इदानिया। अरू हाँय ओंगोल दोहोकेरा, कनहूनदारकू अँनकूराः कनहूनते ईंग बदीरे ओरोकू सुदी अवेतेरा, माःआन। मनदो अले नपाय सरवनले परसारगे अते बिसवासगेताकू हँकुःआ होड़कू सडाव लगा भगवान ओंगोल दोहोकेरा। अरू नपाय सरवन मेरकू बिसवासगेता हँकुःआ होड़कू लगा अलेराः परसार बेगर लूर इया इदा।

1 कुरिंती 2:8

नाःआ चउंदीसरिकुःआ मूक होड़कू तोनोंगीग नाःआ कनहून मेरकू बुझाव अवेगान। हँकू बुझावकुः दो मान मरजइतगे इयायीग परबू कुरूसरे ओरोकू ठोंकाव गोएगकेया।

1 कुरिंती 8:6

अबू लगा मिनीटोंग भगवान इदा अरू हनाँय हवे अबूरीग अपांग। हाँय जमाकूने तुलाकेरा अरू अबू हाँय लगाबू जियाःता। अरू अबू लगा मिनीटोंग परबू इदा। हनाँय हवे ईसू मसी। हाँय जमाकूने तुलाकेरा अरू हनाँयते अबू जीयत इदानबुःआ।

कुलूसी 1:16

जमालेःआ हनाँयते भगवान तुलाकेरा, सेरमो देसरे अरू ओतरे इदा हना जमाकून, अरू होड़कू ञेल अवेयता अरू मेरकू ञेल अवेयता जमा बरानकुःआ जंगरदारकू अरू हातपातदारकू सेरमो देसरिकुःआ बराहीलकू अरू जमा बरानकुःआ भूतकू, नाःआ जमालेःआ हनाँयते अरू हनाँय लगा भगवान तुलाकेरा।

इबरानी 11:3

बिनिसवासते अबू सुदीयता, जमा राइजबड़ी भगवानराः हुकुमते बड़ाँवयना, अरू नाःआ जमाकून ञिलुःतना हना जिनिसकून अते मेर बड़ाँवगना।

1 एहुना 3:1

अबूरीग अपांग भगवान मुरुक बगरा दुलारकेडबूखन ईंगरिकुःआ लइंकू माःआने कतावाबूता, अरू सनातायते अबू हाँयरिकुःआ लनाइंकू हवे। चउंदीसरिकुःआ होड़कू भगवान मेरकू सुदीगेयता। हनालगा हँकू अबू भगवानरिकुःआ लइंकू हवे माःआन मेरकू सुदीबूतना।