एकूब 5:11 - Korwa Bible

¹¹ सहाव घड़ीनकू दोहोनता हँकुःआ होड़कू सनातायरे ननपायबू कतावाकूता। अयूब करा इया कटसियाय सहावगेःआ अरू करा इया परबू हाँय लगा जमाकूने नपायगोतेड, हना कता अपे अनायूमकेरा। नाःआ अते अबू सुनुदीयतना, अबूरीग परबू अबूय सोगावाबूता अरूय मयावाबूता।

एकूब 5:11 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:22

अरू ईंगराः ञाव अते जमा होड़कू अपेकू हिनइस-बिनइसवापेता। मनदो अरीन टुटीगगुः वरीय सनाहाव ञवन हनाँयग होड़ भगवान सडावगेयता।

लूका 1:50

भगवानकू मनावता हँकुःआ होड़कूरिकुःआ नइड़-बाँस होड़कू हाँय सोगागोड ञवनता।

लूका 11:10

असेयता हँकुःआ होड़कू पवाःता, सपायता हँकूके पवाःता, अरू दुवारकू टोकोःगोड ञवनता हँकू लगा दुवार गीग जुवाःता।

लूका 6:36

अपे ईंगपे अयूम, अपेरीग अपांग भगवान सोगावाकूताय, हनन इया अपे हों एटाः होड़कूपे सोगावा।

रूमी 2:4

भगवान आम सहाव घड़ीने मयावामतना दो हना आम हुनुडिंगमे ओंगलेतना जा? भगवान ईंग मयावाडखन ईंगराः कसूर अते जीव कुदागे लगा दोंगे ओवायिंगतना, माःआन आम मेरेम बुझाःता जा?

इपीसी 1:6

जेमहा आँयगरीग दुलार बेटातते अबूराः जीवरे आँयगराः अगम नपाय मया मिनी जीवतेडखने ओवाडबुःआ हाँयग भगवानराः जाग होयाः।

इपीसी 2:4

मनदो भगवान अगम मयादार इदानिया अरू अबू कसूरते गोएगतोबू दोहोना।

इबरानी 10:39

दो अबू कुदाकियानखन लाय एंडन होड़कू कोवाबुःआ, मनदो अबू दो बिसवासकेडखनकू बनसाव जुवाःता हँकुःआ होड़कू हवे।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

एकूब 1:2

ईंगरिकुःआ अजी बोपोहकूतिंग, अपेराः बिसवास बदीरे एटाः एटाः इयाःआ अंदजाव होयाःतान मेला अपे बनाहाल माःआनपे ओंगोले।

1 पतरस 1:13

हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।

1 पतरस 3:14

मनदो अपे नपाय बुतापे बुताता हना अते कटसिया ससहाव पराः दो, भगवान अपेराः जीवे नपायगोडता। हँकूराः हुड़काव अयूमकेडखन अपे अहापे बोर अरू अहापे हदराःआ,

2 पतरस 2:9

हाँयकू सेवाता हँकुःआ होड़कू भगवान कटसिया अतेय सडावकू लगा अरू बेलूर होड़कू फड़ियावराः दिन वरी डंडियावगोड ञवन लगा होंय सुदीयता।