एकूब 2:25 - Korwa Bible

²⁵ हनन इया मड़ंगरे सनहीय दोहोना हाँयग रहाब हों इसराएलरिकिनाः बराहीलकिने बनसाव लगा अनँयग ओड़ाःरेय नेत-नेवारतेडकिनखन एटाः दूरतेय वारगोतेडकिन। दो भगवान हाँयराः नपाय बुतातेय मंजूरवातिरिया।

एकूब 2:25 ပူးပေါင်းရင်းမြစ်များ

मती ओजाःतेरा भगवानराः नपाय सरवन 1:5

सलमोन, बोअगरीग अपाते दोहोना अरू एंगात राहाब दोहोना, बोअग, ओबेदरीग अपाते दोहोना अरू एंगात रूत दोहोना, ओबेद, एसेरीग अपाते दोहोना,

मती ओजाःतेरा भगवानराः नपाय सरवन 21:31

दो हँकिनाः बार होड़ वगियारे इये अपातराः हिछाकिन पुरावतेरा?” हँकू कतातेरा, “मरंगीग बेटात।” दो ईसू हँकुःआ होड़कूय कतावाड, “अपे ईंगपे अयूम! मलगुजारी गोः होड़कू अरू सनहा-सनही होड़कू अपे अते मड़ंग भगवानराः राइजरेकू बोलता।

मूक चेलाकू 17:7

अरू आसोन हँकुःआ होड़कू अनँयग ओड़ाःरेय नेत-नेवारतेडकुःआ। नँकू अबूरीग कइसर मरंग राजाराः हुकुमकूनकू टड़ावगोडता अरूकू कतायता, मी होड़ एटाः राजा इदा अरू हाँयग होड़राः ञाव दो ईसू हवे, माःआन।

इबरानी 11:31

बिनिसवासते मड़ंगरे सनही अइमीय दोहोना हाँयग राहाब इसराएलरिकिनाः बराहीलकिन वेजेडा दो, हाँय हँकूय नेत-नेवारतेडकुःआ। हनालगा भगवानराः हुकुम मेरकू मनाःआ हँकुःआ होड़कू सुदा हाँय मेरकू ञेड एंडागडीग।

एकूब 2:18

तोनोंगीग होड़ ईंग एचेरेय कतायता, आम ईसू एचेरेम बिसवासगेता अरू ईंग नपाय नपाय बुतायिंग एचेता, माःआन। दो ईंग हाँय एचेरेयिंग कता कुदायतना, आमराः बिसवास आम बेगर नपाय बुतातेम उदुःगे अरू ईंग नपाय बुता सुदा ईंगराः बिसवास आमिंग उदुःवाता।

एकूब 2:22

भगवान एचेरे इबराहीमके बिसवास दोहोना अरू हाँय नपाय बुता होंय एचेतेरा। इबराहीम आँयग बेटात भगवान लगा बलिदान एमेगेय लगाय सपड़ावनेना अरू हनाते हाँयराः बिसवास हों पुरावयान।

एकूब 2:24

दो अपे सुसुदीता, तोनोंगीग होड़राः बिसवास एकलाते, भगवान हाँयग होड़ नपाय मेरेय ओंगलेयता, मनदो हाँयग होड़राः नपाय बुता बुताते हों भगवान हाँय नपाये ओंगलेयता।