एकूब 1:27 - Korwa Bible

²⁷ टुरा होड़कू अरू रंडियाहीनकू अँनकूराः सिकिसता मेलारेय संघरावाकूता अरू अनँयग जीव चउंदीसराः कसूर अतेय बनसावता हाँयग होड़राः लूर-नेवन अबूरीग अपांग भगवान मड़ंगरे, सुद अरू बेगर गारबारतेःआ लूर-नेवन हवे अरू हनानाः भगवान जुकूर इदा।

एकूब 1:27 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:32

अरू तोनोंगीग मनुवारीग बेटात बदीरे तोनोंगाः ओपता बड़राय कता हना कसूर हों भगवान बराव एंडागोडता। मनदो भगवानराः सुद बिरुवा बदीरेकू कतायता हना ओपता बड़रा, भगवान नाःआ जूगरे सहे दरवाःआ हना जूगरे हों कहियो ओरोय बराव एंडातेरा।”

मती ओजाःतेरा भगवानराः नपाय सरवन 5:8

इंदरी सुद इदा, हँकुःआ होड़कूराः जीव भगवान भलावाडखने नपायगेयता, अरू हँकुःआ होड़कू भगवानकू ञेल अवेता।

लूका 1:6

हँकिनाः होड़किन भगवानराः ओंगोलरे बेगर गारबार होड़किन दोहोना अरू हाँयराः जमा हुकुमकून अरू नियमकून बेगर गारबारतेकिन मनाःआ।

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

रूमी 2:13

नियमकून एकलाय अयुमेता हाँयग होड़ भगवानराः ओंगोलरे बेगर गारबारीग होड़ मेरेय बड़ाँःता। मनदो हना नियम इयाय सलाःता, हनाँयग होड़ भगवान बेगर गारबार होड़ माःआने कतावायता।

गलातिया 1:4

नाःआ बेलूर चउंदीसराः जंगरते अबू सडावबू लगा, ईसू मसी अबूरीग अपांग भगवानराः ओंगोल इया, अबूराः कसूर लगा अनँयग आँयग गुजुः लगाय जिमायान।

गलातिया 3:11

भगवानराः कागदरे नाःआ इया हों ओजाःतो इदा, “भगवान बेगर गारबारीग होड़े बड़ाँवकिरिया हाँयग होड़, बिनिसवासतेय जियावगोड ञवनता।” हनालगा तोनोंगीग होड़ जमा नियमकून मनावकियानखन भगवान ओरोय ननाय अवेतिरिया।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

गलातिया 6:14

मनदो ईंग तोनोंग इयायिंग भल-भलायगुः दो, ईसू मसीराः कुनुरूस बदीरे एकलायिंग भल-भलायगुःता। ईसू मसी कुरूसरेय गोएगनेना, हनालगा ईंग चउंदीसराः ओंगोलकून लगा गोएगतो इदानिंगा अरू चउंदीसराः ओंगोलकून ईंग जीवरे गोएगतो इदा।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

1 तिमुतियूस 5:4

मनदो तोनोंगीग रंडियाहीनरिकुःआ बेटा बिटीकू सहे कोपोड़ारकू इदान दो हँकू अँननकू ओड़ाःरिकुःआ होड़कू पला दरीकू लगा इदा। अरू एंगत अपात अरू जीयात-ततात अँकूकू पला दरीतेरा हनन इया हँकुःआ होड़कू भगवान सेवागेय लगाकू चिडुःता, जेमहा भगवान जुकूरकू बड़ाँव जुवाः।

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।

एकूब 3:9

अबूराः आहते परबू अरू भगवानबू जागतना अरू हनानाः आहते अबू भगवान आँयग इयाय तुलाकेडकुःआ हँकुःआ होड़कूबू सती-सरापतना।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

2 पतरस 1:4

अरू अबू नाःआ मरंग अरू मुरुक किमइताः जबानकूनबू पवावकिया, जेमहा अबू हना जबानते, चउंदीसरिकुःआ होड़कूराः ललची ओंगोलते होयाःता हना बेनेलूराः नेवन अतेबू बनसाव जुवाः अरू भगवानराः लूर-नेवनरेबू मिनी जुवाः।

2 पतरस 2:20

होड़कू अबूरीग परबू अरू सडावदार ईसू मसीकू सुदीकेडखन, चउंदीसराः जमा बरानाः बेलूर बुताकून अतेकू बनसावनेन तयोमरे, हँकू अरू हनानाः कसूरकूनरेकू बझाव जुवाःतान दो, हँकूराः हलाइत मड़ंग अते अरू बगरा बेनेलूर जुवाःता।

2 पतरस 3:14

ईंगरिकुःआ अजी बोपोहकूतिंग, अपे नँवा सेरमो अरू नँवा ओत लगापे टकागोड ञवनतना दो, भगवानराः ओंगोलरे अपे सुद अरू बेगर गारबारतेःआ सलसतिया होड़कू दोहोन लगा अपे जीवपे होमगोड।

1 एहुना 5:18

अबू सुसुदीतना भगवानरिकुःआ लइंकू ओरोकू कसूरगोड ञवननेना। भगवानरीग बेटात हँकूय बनसावता अरू बेलूर इदानिया हाँयग कलउ, हँकू तोनोंग इया ओरोय हानी अवेतेडकुःआ।