इबरानी 9:15 - Korwa Bible

¹⁵ कसूरतेराकू अरू मड़ंगाः कता-जमकावतोकू टड़ावतेरा हँकुःआ होड़कू सडाव लगा मसी गोएगनेना। नुँहू हाँय नँवा कता-जमकावतोरीग बिच-बिचवाई होड़े बड़ाँवकिया, जेमहा भगवान सुनावकेडकुःआ हँकुःआ होड़कू आँयगराः जबान इया ओरो टुटीगनेना हना इताडकू पवाः।

इबरानी 9:15 ပူးပေါင်းရင်းမြစ်များ

मती ओजाःतेरा भगवानराः नपाय सरवन 19:29

अरू अँनकूराः ओड़ाः सहे वपक-बोपोहकूतेन सहे अपात, लइंकूतेन सहे दोहोड़कून ईंग लगाकू अड़ाःगोतेडा, हँकू मी सव गुनाकू पवाःता अरू ओरो टुटीगनेना हना जीवकू पनावाःता।

मती ओजाःतेरा भगवानराः नपाय सरवन 22:3

हनते हाँय टिवा एमेत होड़कू, राः लगा सेवकियाकूतेने वारगोतेड। मनदो तोनोंगीग बियाह ओड़ाःरे सेन लगा मेरकू चाहावगान।

मती ओजाःतेरा भगवानराः नपाय सरवन 25:34

हनते हाँयग मरंग राजा हाँयराः खउना तिःई गतररेकू चड़ाँनता हँकुःआ होड़कू एचेरेय कतायता, दबूपे, ईंगरीग अपांग भगवान अपेराः जीवे नपायगोतेडा। चउंदीसराः बुँहड़ीन अते भगवान अपे लगाय सपड़ाव दोहोकेरा हना इताडपे पवाः।

मती ओजाःतेरा भगवानराः नपाय सरवन 25:36

ईंग एकेतेयिंग दोहोना अरू तुसिंग लगा सोनहेपे एमेवातेरिंगा। ईंग हसूरेयिंग दोहोना अरू अपे ईंगपे तिहा हड़ाःतेरा। ईंग जेहेलरेयिंग दोहोना अरू अपे ईंग ञेल लगापे वेजेडा।

मरकूस 10:17

दो ईसू हना अते उडुंगनेनखन दूररेय सेन मेला मी होड़ ईसू एचेरे वेजेडखन उकुड़ोमनेनखने होंबरेःआ, “ने नपाय गुरुजी, ओरो टुटीगनेना हना जीव पवाः लगा चिलायिंग एचे?”

लूका 18:18

मी दिन मी होड़ हातपात होड़ ईसू एचेरेय होंबरेःआ, “ने नपाय गुरुजी, ओरो टुटीगनेना हना जीव पवाः लगा चिलायिंग एचेय?”

लूका 22:20

हनन इया जोम तयोमरे ईसू अंगूर रसराः डुबहाय सेपेंग गोःतेरा अरू नाःआ इया कतातेडखने एमेतेरा, “ईंगराः बलंगी तूःतान अते नँवा कता-जमकावतोयिंग जबानगेता। अरू नाःआ डुबहारे इदा हना अंगूर रस हनाराः चिनहा हवे।

एहुना 10:28

ईंग हँकू लगा ओरो टुटीगनेना हना जीविंग एमेवाकूता। हँकू कहियो ओरोकू लायनेना अरू तोनोंगीग हँकू ईंग तिःई अते ओरोकू गोः अवेतेडकुःआ।

मूक चेलाकू 20:32

नुँहू ईंग भगवान एचेरेयिंग जिमापेतना अरू भगवान अपेय मयावाडपेःआ हना सरवन अपेराः जीव बड़ियाड़केडखन भगवान सुदकेडकुःआ हँकुःआ जमा होड़कू सुदा इताडपे पवाः लगा संघरावापेता।

रूमी 5:10

अबू भगवानरिकुःआ मुदइ होड़कूबू दोनोहोन मेला, हाँय अनँयग बेटा गुजुः लगा एमेतिडिगखन अनँयग सुदाय हेल-मेलगोतेडबुःआ। नुँहू अबू हाँय सुदाबू हेल-मेलयना अरू ईसू मसी जीयत इदानिया दो हना अते चिला लगा मेरेय बनसावकेबुःआ?

रूमी 5:6

अबू अबड़बू दोनोहोन मेला, भगवान तोल दोहोतेरा हनानाः बेला, ईसू मसी अबूराः कसूर बदलारेय गोएगनेना।

रूमी 5:8

मनदो भगवान अनँयग दुलार नाःआ इयाय उदुःतेरा, अबू कनासूर कसूररेबू दोहोन मेला, मसी अबू लगाय गोएगनेना।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

रूमी 8:28

दो अबू सुनुदीबाःगोतेरा, अबू भगवानबू दुलारता अरू भगवानराः ओंगोल इया राः अगूतो इदानबुःआ। दो अबूराः जीवरे होयाःता हना जमाकून अते अबू जीवरे नफा होनोया जुवाःता।

रूमी 8:30

भगवान मनाड़ंगतेय सुनाव दोहोकेडकुःआ हँकुःआ होड़कू अनँयग एचेरेय राः अगुकेडकुःआ अरू फड़ियावतो होड़कूय बड़ाँवगोतेडकुःआ। हनते हाँय हँकू होंय मान मरजइतकेडकुःआ।

रूमी 9:24

दो अबू एहूदाकू सहे बेगर एहूदाकू दोहोन अते भगवान मनाड़ंगतेय ओंगोल दोहोकेडखन अबू जमा होड़कूय सुनावकेडबुःआ।

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

गलातिया 3:20

भगवान इबराहीम एचेरेय कता-जमकावतेरा हना जबान तोनोंगीग बिच-बिचवाई होड़ साबतेडखन मेरेय जबानगाड, मनदो हाँय अनँयग आँयगतेय जबानतेरा।

इपीसी 1:7

भगवानराः अगम मयाते ईसू मसीराः बलंगीते अबू अजइतयना अरू अबूराः कसूरे बराव एंडाकेरा।

2 तिसलूनिका 2:14

अले अपे एचेरे ईसू मसीराः नपाय सरवनले कता उदुःतेरा अरू हना सरवनते भगवान, अपे ईसू मसीराः मान मरजइतरे मेसान लगाय राःकेडपेःआ।

1 तिमुतियूस 2:5

भगवान मिनीटोंग इदानिया अरू होड़कू अरू भगवान तलारे मिनी होड़ बिच-बिचवाई इदानिया। हनाँयग होड़ हवे ईसू मसी।

2 तिमुतियूस 2:10

भगवानरिकुःआ सुनावतो होड़कू लगा जमा इयाःआ कटसिया सहाव लगा सपड़ावतो इदानिंगा, जेमहा ईसू मसी हँकुःआ होड़कूय सडाव अरू सगर सइट मान मरजइतते भगवान सुदाकू दोहो अवेन।

तितूस 1:2

अरू कहियो मेरेय लबराता हाँयग भगवान मुनुरुक जूग परियारेय जबानतेरा ओरो टुटीगनेना हना जीव लगाकू असरागे।

तितूस 3:7

अरू मयावाडबूखन बेगर गारबार होड़कूय बड़ाँवकेडबुःआ, जेमहा ओरो टुटीगनेना हना जीवराः असरा इया इतडदारकूबू बड़ाँः।

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।

इबरानी 10:36

अपे सहावगोड ञवन लगा इदा, जेमहा भगवानराः हिछा पुरावकेडखन हाँय जबानकेरा हनापे पवाव जुवाः।

इबरानी 11:13

हँकू जमाकू बिसवासकेडखनकू गोएगयान। अरू भगवान जबानतेरा हना हँकू मेरकू पवावगान। मनदो भगवान जबानतेरा हनाकून हँकू लनंकाते ञेलकेडखनकू अहाल बहालयान अरू हँकू अबू चउंदीसरे दुरीन देसरिकुःआ होड़कू इया इदानबुःआ, माःआनकू मनावयान।

इबरानी 12:24

अरू हाबीलराः बलंगी अते मसीराः मुरुक नाय नपाय इरचीत बलंगी हों हंडा इदा। अरू नँवा कता-जमकावतोरीग बिच-बिचवाई होड़ इदानिया हाँयग ईसू हों हंडा इदानिया।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

इबरानी 2:14

भगवानरिकुःआ लइंकू, मास अरू बलंगीते बड़ाँवतो मनुवाकू इदानकुःआ। दो ईसू हों मनुवाय बड़ाँवनेना। हाँय मनुवाकू इयाय गोएगनेना, जेमहा होड़कू गोएगकू लगा जंगर इदा हाँयग कलउए लाय एंडा अवे,

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

इबरानी 6:13

भगवान इबराहीम एचेरेय जबानगेःआ हनमेला किरियाय जोमतेरा। मनदो हाँय किरियाय जोम मेला, आँयग अते मरंग तोनोंगीग मेरकू दोहोगान। हनालगा हाँय अनँयग आँयग अते किरिया जोमकेडखने कतातेरा,

इबरानी 6:15

दो इबराहीम सहाव घड़ीने दोहोना अरू भगवान जबानतेरा हनाय पवावनेना।

इबरानी 7:22

नाःआ किरिया भगवान जोमतेरा अते ईसू नाय नपाय कता-जमकावतोरीग आभा पुरावदारे बड़ाँवनेना।

इबरानी 8:13

नाःआ नँवा कता-जमकावतो अते मड़ंगाः कता-जमकावतो भगवान जुनाय बड़ाँवगोतेडा। अरू जुना अरू जिलियावतो इदा हना ओहेन टगाव एंडा जुवाःता।

इबरानी 9:12

मसी मुनुरुक सुद ततेररे मेरोम अरू बसरूराः बलंगी गोःकेडखन मेरेय बोलोगना। मनदो अनँयग बलंगीते हना मुनुरुक सुद ततेररे मिनी तुरहा सगर सइट लगाय बोलोकिया। नाःआते हाँय सगर सइट लगा अबू कसूर अते सडावकेडबूखने अजइतगोतेडबुःआ।

इबरानी 9:16

तोनोंगीग अनँयगराः आन-धान एटाः होड़ एमेवा लगा जबान चिठीय तुला दो, जबानगेताय हाँयग होड़ अरीने गुजुः वरी एटाः होड़ हना इताड मेरेय गोः अवेयता।

इबरानी 9:28

हनन इया मसी हों मुरुक बगरा होड़कूराः कसूर बराव एंडागे लगा मिनी तुरहाय बलिदाननेना। दो मसी अरू मी तुरहाय वेगता। हाँय होड़कूराः कसूर, अरू चलाः एएंडा लगा ओरोय वेजेडा। मनदो हाँयकू टका ञवनता हँकुःआ होड़कू सडावकू लगाय वेगता।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

1 पतरस 3:18

भगवानराः ओंगोलरे अबू बेगर गारबार होड़कूय बड़ाँवबू लगा, बेगर गारबारीग इनीसू मसी मिनी जूदा अबू जमा कसूर होड़कू लगा, कटसिया सहावतेडखने गोएगनेना। हाँय देनेह देहरेय गोएगनेना मनदो भगवान हाँयराः बिरुवाय जियाव रेमगोतेडा।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।

उदुःतो कताकून 5:9

हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।