इबरानी 9:14 - Korwa Bible

¹⁴ मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

इबरानी 9:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:28

ईंग भगवानराः जंगरते भूतकूयिंग उडुंगतान दो, भगवानराः राइज अपे तलारे बुँहड़ीकिया।”

मती ओजाःतेरा भगवानराः नपाय सरवन 16:16

दो सिमोन पतरस कता कुदातेरा, “आम मसी हवे, जीयत इदानिया हाँयग भगवानरीग बेटात हवे।”

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

मती ओजाःतेरा भगवानराः नपाय सरवन 7:11

अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपेरीग सेरमो देसरीग अपापे भगवान एचेरेकू असेयता हँकुःआ होड़कू लगा नपाय जिनिसकून चिला लगा मेरेय एमेकेःआ?

लूका 1:74

अबूरिकुःआ मुदइ होड़कू अतेय सडावबूता अरू बेगर गारबार अरू सुद जीवते

लूका 12:24

कवाःकूराः बदीरेपे ओंगले। हँकू मेरकू वेरता अरू ईरकेडखन ओड़ाःरे सहे पलारे हुड़ू मेरकू दोहोयता। मनदो भगवान हँकू जोम लगाय ओवाकूता। दो अपे तितीगकू अते मुरुक मइद कोवापेःआ जा?

लूका 12:28

अपे ईंगपे अयूम। बीर तोनोंग दिन वरी हड़ियड़ दोहोनता अरू तयोमरे झुरा जुवाःता अरू होड़कू हना बीर ईर जुमावकेडखनकू बाल लो एंडागोडता। हनारे हों भगवान हना बीरकून सुघरे तुसिंगेता। दो ने हुडिंग बिसवास होड़कू, अपे तुसिंगे लगा नपाय सोनहे भगवान चिला लगा मेरेय एमेकेःआ?

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

एहुना 3:34

भगवान अनँयग सुद बिरुवा मिनी जीवकेडखने एमेयता। हनालगा भगवान वारकिरिया हाँयग होड़, भनगवानराः कताकूने कता उदुःता।

मूक चेलाकू 1:2

अरू सेरमो देस अगी भगवान रेम गोःगे अते मड़ंग हाँय आँयगरिकुःआ सुनावतो मूक चेलाकू एचेरे भगवानराः सुद बिरुवाते हुकुमकूने एमेवातेडकुःआ हनायिंग ओजाःकेरा।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

मूक चेलाकू 14:15

“ने अजी बोपोहकूतालिंग, अपे चिला लगा नाःआ इयापे एचेयतना? अपे इया अलिंग हों मनुवाकिन हवे। नाःआ इया बेलूर बेलूर कताकून अते अपेराः जीव, सेरमो, ओत, समुंदर अरू जे हों सकालाः हनारे इदा हना जमाकूने तुलाकेरा हाँयग भगवान अगीपे कुदान लगा नपाय सरवनलिंग कता उदुःवापेतना।

मूक चेलाकू 15:9

हाँयग भगवान अबू अरू हँकू एचेरे तोनोंगाः पाचपटी सुदा मेरेय एचेकेरा। हँकू ईसू एचेरेकू बिसवासतेरा, हनालगा हाँय हँकूराः जीवे एचे सुदकेरा।

रूमी 1:20

भगवानराः लूर तोनोंगीग कहियो मेरकू ञेलगडा। मनदो भगवान चउंदीसे तुलाकेरा हना वरीते होड़कू हाँय तुलाकेरा हना जमाकूनकू ञेञेलतना। नाःआ ञेलकेडखन होड़कू सुदी अवेयता भगवानराः जंगर कहियो ओरो ओहरावनेना। हनालगा तोनोंगीग ओरोकू कता अवेतेरा, भगवान ईंग मेरिंग सुदीयतना, माःआन।

रूमी 1:4

अरू भगवान हाँय गोएगतो अतेय जियाव रेमकिरिया अरू हना अते सुद बिरुवा अबूय उदुःवाता, ईसू भगवानरीग बेटात हवे अरू हाँय एचेरे जमालेःआ जंगर इदा, माःआन।

रूमी 11:12

भगवान इसराएल होड़कू सडावकू लगाय ओंगोलतेरा। मनदो हना अते हँकू अइठावयान अरू बेगर इसराएल होड़कू लगा नफा होयाकिया। दो इसराएल होड़कू भगवानराः सडावकू मनेवा दो हँकू अते चउंदीसरिकुःआ जमा होड़कूराः जीव अरू नपाय चिला लगा मेर होयाकुःआ?

रूमी 11:24

अपे पहाड़राः जइतून सींगराः डइड़ इयापे दोहोना। मनदो भगवान अपे हना सींग अते नपाय जइतून सींगरेय तोल जोड़ावगोतेडपेःआ। दो हना नपाय जइतून सींगरे मड़ंगरे दोहोना हना डइड़कून भगवान अरू ओरोय जोड़ाव अवेतेरा जा?

रूमी 6:13

अपेराः देह दगलीकून बेलूर ओंगोल इया कसूरगे लगा अहापे एमेय। अपे कसूरते गोएगतो इयापे दोहोना, मनदो नुँहू अपे नँवा जीवपे पवावकिया। हनालागा अपेराः देह दगलीकून नपाय बुता बुता लगा भगवान एचेरेपे जिमागोड।

रूमी 6:22

मनदो अपेराः कसूर जीव टुटीगयना अरू भगवानरिकुःआ बेगारी होड़कूपे बड़ाँवयना। नुँहू अपे सुद होड़कू बड़ाँवकियानखन ओरो टुटीगनेना हना जीवपे पवाःता।

1 कुरिंती 15:45

भगवानराः कागदरे ओजाःतो इदा, “भगवान मड़ंगीग मनुवा आदम एचेरे साँसे ओंगगोतेड अरू हाँय जीयत होड़े बड़ाँवनेना,” मनदो टुटीग आदम ईसू हवे अरू हाँय जीवे एमे कुदावाबूता।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

2 कुरिंती 6:16

भगवानराः ओड़ाः अरू मुरतीकून तोनोंग इया मेसानता जा? भगवान कताकेरा, “ईंग हँकूराः इंदरीरेयिंग बसाःता, अरू हँकू एचेरेयिंग सेन दूरता, ईंग हँकूरीग भगवानिंग होयाःता, अरू हँकू ईंगरिकुःआ होड़कूकू दोहोनता।” हनन इया अबू जीयत भगवानराः ओड़ाः हवे।

गलातिया 2:19

ईंग मेरिंग मनाव अवेगान हनानाः नियमते ईंग कसूर बदीयना। दो ईंग हना नियम मनाव पुरावगे लगायिंग अड़ाःगोतेडा, जेमहा ईंग भगवान लगायिंग जियाव अवेन। ईंग मसी सुदा कुरूसरे गोएगतो इदानिंगा,

इपीसी 2:5

हनते हों हाँय अबू मुरुके दुलारकेडबुःआ अरू ईसू मसी सुदा नँवा जीव एमेकेडखने जियावकेडबुःआ, अरू आँयगराः मनायाते अपेय सडावकेरा।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

1 तिसलूनिका 1:9

हँकू अँननकू कतायतना, पउलूस अरू सउंगताकूतेन हँकू एचेरेकू सेनेड मेला, हँकू नपायतेकू नेत-नेवारतेडकुःआ, माःआन। हँकू अले एचेरे अपे बदीरे नाःआ होंकू कता उदुःगेता, हँकूराः जीव बदलावयना अरू जीव मेर दोहोनता हना मुरतीकून अड़ाःकेडखन जीयत अरू सताय भगवानकू मनवेयतना,

1 तिमुतियूस 1:17

जूग परिया अते राजा इदानिया अरू सगर सइट लगा जीयत इदानिया अरू तोनोंगीग ओरोकू ञेल अवेतिरिया हनाँयग मिनीटोंग भगवानराः मान मरजइत अरू जाग सगर सइट होनोयागोड ञवन, आमीन!

1 तिमुतियूस 3:15

जेमहा ईंग सेनरे कुबेर जुवाः दो आम सुदी अवेयता, बिसवासी होड़कू करा इया भगवानराः ओड़ाःरे नपाय लूर नेवनते जियाः लगा इदा, हना। भगवानराः ओड़ाः सताय सरवनराः खुंटा अरू पया इया दोहोनता हना जिनियत भगवानराः कलसिया हवे।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

इबरानी 10:10

भगवानराः हिछा इया ईसू मसीराः देह सगर सइट लगा मिनी तुरहाय बलिदानयान। हनाते अबू सुदे बड़ाँवकेडबुःआ।

इबरानी 10:12

मनदो मसी मिनी तुरहा सगर सइट लगा होड़कूराः कसूरकून बराव एंडा लगाय बलिदाननेना। अरू हना तयोमरे भगवानराः खउना तिःई गतररेय दुड़ुःयना।

इबरानी 10:2

नाःआ बलिदानते होड़कू उडु-बुडू जुवाःकुः दो, घड़ी घड़ी चिला लगा बलिदानकू एमेकेःआ? भगवान जाग लगाकू वेगता हँकुःआ होड़कू मिनी तुरहारे नाय नपायतेकू सुद जुवाःकुः दो हँकू, अबू कसूर होड़कू हवे, माःआन ओनोरोकू ओंगोलकुःआ।

इबरानी 10:22

दो हनालगा अबू नपाय ओंगोलते अरू मिनी जीवते बिसवासकेडखन भगवान एचेरेबू सेन। अबूराः इंदरी बेलूर ओंगोलते इरची सुदकेडखन अरू अबूराः देह सुद दाःते एचे बुहालकियानखन हाँय एचेरेबू सेन।

इबरानी 11:21

बिनिसवासते एकूब हों गुजुः मेला, अनँयग बेटा उसूपरिकिनाः बनर बेटाकिन भलावातेडकिनखने कतातेरा, अबाराः जीव-जहन नपाय जुवाः, माःआन। अरू आँयगराः हापते तुनु टेकावकियानखन भगवाने जागतेरा।

इबरानी 13:12

हनन इया ईसू हों अनँयगराः बलंगीते होड़कू सुदगुः लगा सहरराः हता बाहरी कटसियाय सहावतेरा।

इबरानी 3:12

दो ईंगरिकुःआ अजी बोपोहकूतिंग, जीयत भगवानराः दूर अते बहकावपेता हना बेनेलूर अरू बेगर बिसवासराः जीव अपे अते तोनोंगीग एचेरे अहा होयाः लगा सवासितीपे दोहोन।

इबरानी 6:1

हनालगा अबू मसीराः बदीरे रिता-रिता चेडतो अते अनउरबू बुधियाड़ इदीन। अबू गोएगतो इया बेलूर बुताकून अते जीव कुदा बदीरे अरू भगवान एचेरे बिसवासगे बदीरे,

इबरानी 7:16

दो ईसू, लेवी गोतोररीग हारूनराः खुटिपहार वरीते सलाव वेगतना हना इया पुजउरी मेरेय बड़ाँवगना, मनदो ओरो टुटीगनेना हना जीवराः जंगरते पुजउरीय बड़ाँवकिया।

इबरानी 7:27

एटाः पुजउरीकू इया हाँय सगर दिन मड़ंग अनँयगराः कसूर लगा अरू हना तयोमते होड़कूराः कसूर लगा बलिदान एएमे लगा कोवानेःआ। हाँय मिनी तुरहा होड़कूराः कसूर लगा अनँयग बलिदानकियानखने पुरावगोतेडा।

इबरानी 9:12

मसी मुनुरुक सुद ततेररे मेरोम अरू बसरूराः बलंगी गोःकेडखन मेरेय बोलोगना। मनदो अनँयग बलंगीते हना मुनुरुक सुद ततेररे मिनी तुरहा सगर सइट लगाय बोलोकिया। नाःआते हाँय सगर सइट लगा अबू कसूर अते सडावकेडबूखने अजइतगोतेडबुःआ।

इबरानी 9:26

ननन इया हाँय घड़ी घड़ी बलिदानगुः लगा दोहोकुः दो चउंदीस रेःएन वरीते घड़ी घड़ी कटसिया हों हाँयके ससहाव परावकुःआ। मनदो मसी, नाःआ टुटीग बेलारे अनँयग बलिदाननेनखन होड़कूराः कसूर बराव एंडागे लगा मिनी तुरहा चउंदीसरेय वेगनेना।

इबरानी 9:7

मरंग पुजउरी एकला मी बरिसरे मिनी तुरहा जानरकूराः बलंगी गोःकेडखन भितरी छिनारेय बोलता। हना बलंगी अनँयग अरू एटाः होड़कू बेगर सुदीतेकू कसूरगोडा हना कसूरकून भगवान बराव एंडा लगा बलिदाने एमेगेता।

इबरानी 9:9

नाःआ जमा कताकून नाःआ जूगरिकुःआ होड़कू लगा मीटोंग अउल-तउल कता इया इदा। ननानाः अते अबू सुदी अवेयता, भगवानकू जागता हँकुःआ होड़कूराः ओंगोल, दान अरू बलिदान देग अते मेर सुदगुःता।

1 पतरस 1:19

मनदो बेगर गारबार अरू बेगर कसूरते इदानिया हाँयग भेड़ा होन ईसू मसीराः मुरुक किमइताः बलंगीते भगवान अपेय सडावकेडपेःआ।

1 पतरस 2:22

“हाँय तोनोंगाः मेरेय कसूरगाड, अरू हाँय एचेरे तोनोंगाः अडिग ओंगोल मेर दोहोगान।”

1 पतरस 2:24

हाँय अनँयग देहरे अबूराः कसूरे लदाव गोःतेडखन कुरूसरेय गोएगनेना, जेमहा कसूर बदीरे गोएगतोबू दोहोन, अरू भगवानराः ओंगोल इया नपाय जीवबू जियाव अवेन। हाँयराः घाँवकूनते अबूराः जमा बरानाः बेमरियाकून नपाययना।

1 पतरस 3:18

भगवानराः ओंगोलरे अबू बेगर गारबार होड़कूय बड़ाँवबू लगा, बेगर गारबारीग इनीसू मसी मिनी जूदा अबू जमा कसूर होड़कू लगा, कटसिया सहावतेडखने गोएगनेना। हाँय देनेह देहरेय गोएगनेना मनदो भगवान हाँयराः बिरुवाय जियाव रेमगोतेडा।

1 पतरस 4:2

अरू हाँय नुँहू वरीते अनँयगराः मनबिदिया इया ओरोय जियावनेना, मनदो भगवानराः हिछा इयाय जियाःता।

1 एहुना 1:7

मनदो भगवान मरसल इदानिया अरू अबू मरसल इया नपायबू जियाःता दो, अबू अँननबू अबू मिनी इदानबुःआ अरू भगवानरीग बेटात ईसूराः बलंगीते अबूराः जीव अते जमा कसूरकूने बुहाल अमिंगगोडता।

1 एहुना 3:5

अपे सुदीयतना ईसू मसी अबूराः कसूर चलाःगे लगा नाःआ चउंदीसरेय वेजेडा अरू हाँय एचेरे तोनोंगाः कसूर कोवानेःआ।

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।