इबरानी 9:10 - Korwa Bible

¹⁰ नाःआ जमा नियमकून जोम ञूय अरू एटाः एटाः रिती-बिधी इयाःआ बुहालगुःराः बदीरे एकला दोहोना। अरू नाःआ नियमकून, नाःआ अते तोनोंगाः नपाय इलम अरीन होयाः वरी लगा एकला दोहोना।

इबरानी 9:10 ပူးပေါင်းရင်းမြစ်များ

मरकूस 7:4

अरू हनन इया हँकू बजार अते ओड़ाःरेकू वेगता दो हँकू अरीनकू उमुः वरी तोनोंगाः जिनिस मेरकू जोमा। हँकू अँकूराः रिती-बिधी इया गिलासकून, दाः बुराः भंडाकून, पितड़राः इसिंग चटूकूनकू बुहाला अरू एटाः एटाः कताकूनकू एचेया।)

गलातिया 4:9

मनदो नुँहू अपे भगवानपे सुदीकेरा, बलकि भगवान अपेय सुदीकेडपेःआ। दो अपे हनानाः बेगर लूर अरू सदाःआ नियमकून, मनाः लगा चिला लगापे बहुराःतना? दो हना नियमकूनपे मनाः अते अपे हना नियमकूनराः आड़रे अरूपे दोहो जुवाःता।

इपीसी 1:10

अरू भगवान तोल दोहोकेरा हनानाः बेलाराः बुइद इया, सेरमोरे अरू ओतरे इदानकुःआ, हँकुःआ जमाकू मसीराः हातपातरेकू होया जुवाः।

इपीसी 2:15

ईसू अनँयग गुजुःते एहूदाकूराः नियमकून, रिती-बिधी अरू हुकुमकून सुदाय चलाः एंडागोतेडा, जेमहा हाँय बनर गतररिकुःआ होड़कूय एचे राजू नमागोडकू अरू मिनी देह इया सलसतरेय एचे जुमावगोडकू।

कुलूसी 2:16

हनालगा अपे ञूय-जोम बदीरे, सहे तोनोंगाः परोब बदीरे सहे आँच तेपेनराः परोब बदीरे सहे लोड़ोनराः दिन बदीरे तोनोंगीग अपे अलोय फड़ियावपे।

इबरानी 10:22

दो हनालगा अबू नपाय ओंगोलते अरू मिनी जीवते बिसवासकेडखन भगवान एचेरेबू सेन। अबूराः इंदरी बेलूर ओंगोलते इरची सुदकेडखन अरू अबूराः देह सुद दाःते एचे बुहालकियानखन हाँय एचेरेबू सेन।

इबरानी 13:9

होड़कू अपे मसीराः चेडतो अते एटाः एटाःकू चेडपे दो, हनारे अलोपे बहकाःआ। जोजोमराः नियमकून मनावकेडखन अपेराः जीवरे तोनोंगाः नफा ओरो होयानेना। मनदो मसीराः मयाते अपेराः जीव बड़ियाड़गुःता।

इबरानी 2:5

दरवाःआ हना चउंदीस बदीरेबू कतायतना दो, हना तोनोंगीग सेरमो देसरिकुःआ बराहीलकूराः आड़रे भगवान मेरेय जिमागरा।

इबरानी 6:2

अरू बतिसमा बदीरे अरू तिःई खेपा बदीरे अरू गोएगतो अते जियाव रिमुः बदीरे अरू ओरो टुटीगनेना हना डंड बदीरे चेडतो इया नेव अनउर अहाबू गडाय।

इबरानी 6:5

भगवानराः नपाय सरवन अरू दरवाःआ हना जूगराः जंगर सुदीकेडखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?

इबरानी 7:12

पुजउरी बुतारे बदलाव होयाःतान दो, नियम हों बबदला पनाराःता।

इबरानी 7:16

दो ईसू, लेवी गोतोररीग हारूनराः खुटिपहार वरीते सलाव वेगतना हना इया पुजउरी मेरेय बड़ाँवगना, मनदो ओरो टुटीगनेना हना जीवराः जंगरते पुजउरीय बड़ाँवकिया।

इबरानी 9:1

दो मड़ंगाः कता-जमकावतोरे होड़कू भगवानकू जाग लगा चउंदीसरे मीटोंग सुद ततेर अरू नियमकून हों दोहोना।