इबरानी 8:4 - Korwa Bible

⁴ चउंदीसरे मोसेस एमेतेरा हना नियमकून इया दान एएमे लगा लेवी गोतोररिकुःआ मुरुक पुजउरीकू इदानकुःआ। हनालगा नाँय नाःआ चउंदीसरे दोहोकुः दो पुजउरी ओरोय बड़ाँवकुःआ।

इबरानी 8:4 ပူးပေါင်းရင်းမြစ်များ

इबरानी 10:11

दो पुजउरीकू सगर दिन टपइर ओड़ाः पेंदारे चड़ाँकियानखनकू सेवागोड ञवनता अरू हनानाः बलिदानकून घड़ी घड़ीकू देगगोड ञवनता। मनदो हना बलिदानकूनते होड़कूराः कसूरकून कहियो मेर बराव एंडा अवेयता।

इबरानी 11:4

बिनिसवासते हाबील वगात काइन अते मुरुक नाय नपाय बलिदान भगवान लगाय देगतेरा अरू भगवान हाँयराः बलिदान बदीरेय ननायनेना। हनानाः लगा हाबील बेगर गारबारीग होड़ हवे, माःआन भगवान भल-भलायवातेरिया। हाँय गोएगयनाय हनारे हों, नुँहू वरी हों हाँयराः बिसवास बदीरेबू चेडगोड ञवनतना।

इबरानी 5:1

होड़कू अते सुनावतो मी होड़ होड़ हवे मूक पुजउरी। हाँय भगवानराः कताकून बदीरे होड़कू अगीते बिच-बिचवाई होड़े दोहोनता। हाँय हँकू लगा दान अरू कसूरराः बदलारे बलिदान भगवाने एमेवाता।

इबरानी 7:27

एटाः पुजउरीकू इया हाँय सगर दिन मड़ंग अनँयगराः कसूर लगा अरू हना तयोमते होड़कूराः कसूर लगा बलिदान एएमे लगा कोवानेःआ। हाँय मिनी तुरहा होड़कूराः कसूर लगा अनँयग बलिदानकियानखने पुरावगोतेडा।

इबरानी 8:3

जमा मूक पुजउरीकू दान अरू बलिदान देग लगा सुनावतोकू दोहोनता। हनालगा नाँयग मूक पुजउरी ईसू एचेरे हों दान अरू बलिदान एएमे लगा तोनोंगाः होनोयाः इदा।

इबरानी 9:9

नाःआ जमा कताकून नाःआ जूगरिकुःआ होड़कू लगा मीटोंग अउल-तउल कता इया इदा। ननानाः अते अबू सुदी अवेयता, भगवानकू जागता हँकुःआ होड़कूराः ओंगोल, दान अरू बलिदान देग अते मेर सुदगुःता।