इबरानी 8:13 - Korwa Bible

¹³ नाःआ नँवा कता-जमकावतो अते मड़ंगाः कता-जमकावतो भगवान जुनाय बड़ाँवगोतेडा। अरू जुना अरू जिलियावतो इदा हना ओहेन टगाव एंडा जुवाःता।

इबरानी 8:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:35

ओत अरू सेरमो टगाव जुवाःता, मनदो ईंगराः सरवन कहियो ओरो टगावनेना।”

लूका 22:20

हनन इया जोम तयोमरे ईसू अंगूर रसराः डुबहाय सेपेंग गोःतेरा अरू नाःआ इया कतातेडखने एमेतेरा, “ईंगराः बलंगी तूःतान अते नँवा कता-जमकावतोयिंग जबानगेता। अरू नाःआ डुबहारे इदा हना अंगूर रस हनाराः चिनहा हवे।

1 कुरिंती 13:8

भगवानराः बड़रा कता होड़कूराः कता चबा जुवाःता, अनबुझ भासीकू बड़राता हँकुःआ होड़कूराः बड़रा केड़े जुवाःता, कनहूनदारकूराः कनहून टुटीग जुवाःता, मनदो एटाः होड़कूय दुलारता हाँयग होड़राः दुलार कहियो ओरो टगावनेना।

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

इबरानी 1:11

हना जमाकून टगाव जुवाःता, अरू सोनहे इया जुना जुवाःता, मनदो आम सगर बेलाम दोनोहोनता।

इबरानी 12:24

अरू हाबीलराः बलंगी अते मसीराः मुरुक नाय नपाय इरचीत बलंगी हों हंडा इदा। अरू नँवा कता-जमकावतोरीग बिच-बिचवाई होड़ इदानिया हाँयग ईसू हों हंडा इदानिया।

इबरानी 7:22

नाःआ किरिया भगवान जोमतेरा अते ईसू नाय नपाय कता-जमकावतोरीग आभा पुरावदारे बड़ाँवनेना।

इबरानी 8:6

ईसू नाय नपाय कता-जमकावतोरीग बिच-बिचवाई होड़ इदानिया, अरू हना कता-जमकावतो नाय नपाय जबानते सनालाःतना। हनालगा ईसू चउंदीसरिकुःआ पुजउरीकू अते नाय नपाय सेवाय पवावकिया।

इबरानी 8:8

मनदो भगवान हना कता-जमकावतोराः गारबार ञामकेडखने कतातेरा, “परबू कतायतना, अयुमेपे! मी दिन दरवाःआ, हना दिन ईंग इसराएल होड़कू अरू एहूदाकू सुदा नँवायिंग कता-जमकावता।

इबरानी 9:15

कसूरतेराकू अरू मड़ंगाः कता-जमकावतोकू टड़ावतेरा हँकुःआ होड़कू सडाव लगा मसी गोएगनेना। नुँहू हाँय नँवा कता-जमकावतोरीग बिच-बिचवाई होड़े बड़ाँवकिया, जेमहा भगवान सुनावकेडकुःआ हँकुःआ होड़कू आँयगराः जबान इया ओरो टुटीगनेना हना इताडकू पवाः।