इबरानी 7:19 - Korwa Bible

¹⁹ हना अते, हना नियमकू चलाः एंडागोतेड। मनदो नुँहू हना नियम बदलारे मीटोंग अरू नाय नपाय असरा रेःएयना, जेमहा अबू भगवान एचेरेबू सेने अवेन।

इबरानी 7:19 ပူးပေါင်းရင်းမြစ်များ

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।

एहुना 14:6

दो ईसू कतातेड, “दूर, सताय अरू जीव इनिंग हवे। ईंग अड़ाःकेडखन ईंग अपांग भगवान एचेरे तोनोंगीग ओरोय सेने अवेनेना।

मूक चेलाकू 13:39

अरू ईसू एचेरेकू बिसवासगेतना हँकुःआ होड़कू भगवान अनँयग ओंगोलरे बेगर गारबार होड़कूय बड़ाँवगोडकूता। मनदो मोसेस एमेतेरा हना नियम मनाःता अते तोनोंगीग होड़ बेगर गारबारीग होड़ हवे माःआन भगवान ओरोय ओंगोलतिरिया।

रूमी 5:2

अबू हाँय एचेरेबू बिसवासकेरा हना अते भगवान अबूय मयावातना, जेमहा अबू बड़ियाड़तेबू दोहो ञवन अरू भगवान सुदा मान मरजइतबू पवाः माःआन असरा घड़ीनबू भल-भलायवा।

रूमी 7:7

नुँहू अबू कता अवेयता जा नियमकून बेलूर इदा, माःआन? ओरोबू कता अवेतेरा। नियमकून अलो दोहोकुः दो, अबू कसूर बदीरे ओरोबू सुदीकेःआ। नियमकूनरे अलोपे ललचीःआ, माःआन मेर कताकेः दो अबू जीवराः ललची ओंगोलराः बदीरे अबू ओरोबू सुदी अवेकेःआ।

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

गलातिया 2:16

तोनोंगीग होड़ एहूदाकूराः नियमकून मनाः अते भगवान हाँय कसूर अते फड़ियावतो होड़ मेरेय बड़ाँवगेयता। मनदो हाँय ईसू मसी एचेरेय बिसवासगेता दो, हनानाः अते भगवान हाँय कसूरते फड़ियावतो होड़े बड़ाँवगेयता, माःआनले सुनुदीयतना। हनालगा अले एहूदाकू हों नियमकूनले मनाःता हना अते कोवान, मनदो ईसू मसी एचेरेले बिसवासगेता हना अते भगवान अले कसूर फड़ियावतो होड़कूय बड़ाँवकेडलेःआ।

गलातिया 3:21

अपे नाःआ इयापे ओंगलेतना जा, भगवानराः जबान अरू मोसेसराः नियमकून मेर जुमाःतना, माःआन? बुरी, नाःआ इया कोवान! अबू तोनोंगाः नियमकूनबू मनाः अते नपाय जीवबू जियाव अवेकुः दो हनानाः नियमकूनते, अबू भगवानराः ओंगोल इया बेगर गारबार होड़कूबू बड़ाँवकुःआ।

गलातिया 3:24

ईसू मसी एचेरे बिसवासकेडखन भगवानराः ओंगोलरे बेगर गारबार होड़कू अरीनबू बड़ाँः वरी अगुवाइवाबू लगा अरू संघरावाबू लगा नाःआ नियमकून भगवान एमेतेरा।

इपीसी 3:12

अबू ईसू मसी एचेरे बिसवासकेडबूखन हनाँयते भगवान एचेरे बेगर बोरते अरू मुरुक डीड़तेबू सेने अवेनता।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

1 तिमुतियूस 1:1

ने तिमुतियूस, अबूरीग सडावदार भगवान, अरूबू असराता हाँयग ईसू मसीराः हुकुमते ईसूरीग मूक चेलायिंग बड़ाँवनेना, ईंग पउलूस,

इबरानी 10:1

दरवाःआ हना सताय नपाय कताकूनराः उंबूल इया मोसेसराः नियमकून इदा। हनालगा सगर बरिस मिनी बरानाः बलिदान घड़ी घड़ी एमेय लगा भगवान एचेरेकू वेगता, हँकुःआ होड़कू हना बलिदानते कहियो ओरोकू उडु-बुडूनेना।

इबरानी 11:40

भगवान हँकू लगा एकला कोवान, मनदो अबू लगा हों मुरुक नाय नपाय कताये ओंगोल दोहोतेरा, जेमहा अबू बेगर हँकू अलोकू उडु-बुडू अवेन।

इबरानी 11:6

बेगर बिसवासते अबू भगवान कहियो ओरोबू एचे ननाय अवेतिरिया। भगवान एचेरेकू सेनता हँकुःआ होड़कू भगवान इनीदानिया अरू हाँय जीवन-जाततेकू ञमेयता, हँकू लगा हाँय इमाने एनेमेयता, माःआन बिसवासगे लगा इदा।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

इबरानी 4:16

अरू डीड़ घड़ीन मयादार भगवानराः गदी अगीबू सेन, जेमहा हाँय अबू मयावा घड़ीन अबूराः जरूरइत मेलाय संघरावाबू।

इबरानी 6:18

दो भगवान अबू सुदाय जबानकेरा, अरू मीटोंग किरिया होंय जोमकेरा। भगवान कहियो ओरोय लबरा अवेनेना। हनालगा नाःआ बनर कहियो ओरो टगावनेना। अरू अबू हाँय एचेरे दांगगुः लगाबू बतकावकिया दो, मुरुक डीड़कियानखन अबू मड़ंगरे इदा हना असराबू पवाव अवेन।

इबरानी 7:11

भगवान अनँयगरिकुःआ एहूदाकू नियमकूने एमेवातेरा हनमेला लेवीरिकुःआ नइड़-बाँस होड़कू पुजउरी बुता लगाय हेलावतेडकुःआ। मनदो हँकुःआ पुजउरीकू भगवान मड़ंगरे होड़कू उडु-बुडू मेरकू बड़ाँव अवेगान। हनालगा हनानाः पुजउरी बुता लगा भगवान एटाः मी होड़े वारतिरिया। हाँयराः पुजउरी बुता मलिकिसिदिकराः इया दोहोना अरू लेवी गोतोररीग हारूनराः खुटिपहार वरीते सलाव वेगतना हना पुजउरी बुता इया कोवानेःआ।

इबरानी 7:20

एटाः पुजउरीकू बेगर किरिया कसट जोमते पुजउरी बुता लगाकू बड़ाँवनेना। मनदो भनगवान हमा किरिया कसट जोमकेडखन मसी पुजउरीय बड़ाँवतिरिया,

इबरानी 7:25

हाँयते भगवान एचेरेकू सेनता हँकुःआ होड़कू लगा अरजी घड़ीन सगर बेला जीयते दोनोहोनता। हनालगा हाँय हँकुःआ होड़कू जमालेःआतेय सडाव अवेकूता।

इबरानी 8:6

ईसू नाय नपाय कता-जमकावतोरीग बिच-बिचवाई होड़ इदानिया, अरू हना कता-जमकावतो नाय नपाय जबानते सनालाःतना। हनालगा ईसू चउंदीसरिकुःआ पुजउरीकू अते नाय नपाय सेवाय पवावकिया।

इबरानी 9:9

नाःआ जमा कताकून नाःआ जूगरिकुःआ होड़कू लगा मीटोंग अउल-तउल कता इया इदा। ननानाः अते अबू सुदी अवेयता, भगवानकू जागता हँकुःआ होड़कूराः ओंगोल, दान अरू बलिदान देग अते मेर सुदगुःता।

एकूब 4:8

भनगवानराः लेसानरेपे दोहोन दो भगवान हों अँननपेराः लेसानरेय दोहोनता। ने कसूर होड़कू, अहापे कसूरगे। ने बार जीव ओंगोल होड़कू, अपेराः जीव सुदगेपे।