इबरानी 6:20 - Korwa Bible

²⁰ हंडा ईसू अबू अते मड़ंग अबू लगाय बोलोयना। हाँय मलिकिसिदिक इया सगर सइट लगा मरंगीग मूक पुजउरीय बड़ाँवयना।

इबरानी 6:20 ပူးပေါင်းရင်းမြစ်များ

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

इपीसी 1:3

सेरमो देसराः जमा बरानाः कताकून ईसू मसीते अबूराः जीवे भलावाडबुःआ अबूरीग परबू ईसू मसीरीग अपांग भगवानराः जाग होयाः।

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

इबरानी 2:10

जनामा भगवानराः हवे अरू जनामा हनाँय हमा तुलाकेरा। दो सडावराः रेःएयीग इदानिया हाँयग ईसू, कटसिया सहाव पारकेडखन उडु-बुडूत बड़ाँवगे लगा भगवानके नपाय लगावनेना, जेमहा हाँय मुरुक होड़कूय एचे मान मरजइतकू।

इबरानी 2:17

हनालगा हाँय जमालेःआते मनुवाकू इया बड़ाँः लगा दोहोना, जेमहा हाँय भगवानराः सेवारे मी होड़ सोगायीग अरू बिसवासगेयीग मूक पुजउरी इया जमा होड़कूराः कसूर लगा बलिदाने होया अवेन।

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

इबरानी 4:14

भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

इबरानी 5:10

अरू मलिकिसिदिक इया मूक पुजउरी बड़ाँः लगा भगवान हातपाते ओवाडिया।

इबरानी 5:6

ननन इया एटाःरे होंय कतायता, “आम मलिकिसिदिक इया, सगर सइट लगा पुजउरी इदानमेःआ।”

इबरानी 8:1

दो मनइद कता ननानाः हवे। अबू लगा सेरमो देसरे भगवानराः खउना तिःई गतररे दुड़ुःतो मरंग मूक पुजउरी ईसू हवे।

इबरानी 9:12

मसी मुनुरुक सुद ततेररे मेरोम अरू बसरूराः बलंगी गोःकेडखन मेरेय बोलोगना। मनदो अनँयग बलंगीते हना मुनुरुक सुद ततेररे मिनी तुरहा सगर सइट लगाय बोलोकिया। नाःआते हाँय सगर सइट लगा अबू कसूर अते सडावकेडबूखने अजइतगोतेडबुःआ।

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।

1 एहुना 2:12

ने ईंगरिकुःआ लइंकू इया होड़कू, ईसूराः ञावते अपेराः कसूर भगवान बराव एंडाकेरा। ननानाः लगा ईंग अपे लगायिंग ओजाःगेतना।