इबरानी 6:19 - Korwa Bible

¹⁹ भगवान एचेरे इदा अबूराः हना असरा अबू जीव लगा मीटोंग पहटाराः खुंटा इया जबड़ अरू बड़ियाड़ इदा। दो नाःआ असराते मरंग परदाराः मार परोम मुरुक सुद ततेररे भगवानराः मड़ंगरे बोलोत इया इदानबुःआ।

इबरानी 6:19 ပူးပေါင်းရင်းမြစ်များ

मती ओजाःतेरा भगवानराः नपाय सरवन 27:51

अरू हननमेला भगवानराः ओड़ाःराः मरंग परदा सेरमो अते लतार वरी बार फड़ायान। ओत डोलाःआ अरू चटइनकून हों बार फड़ायान।

मूक चेलाकू 23:6

दो पउलूस सुदीगोतेड हँकुःआ होड़कू अते अदोम होड़कू सदूकी होड़कू अरू अदोम होड़कू फरीसी होड़कू हवे माःआन अरू हाँय हुमइसके कताया, “ईंग वपक बोपोहकूतिंग, ईंग इनिंग फरीसी होड़ इदानिंगा, अरू मी होड़ फरीसी होड़रीग बेटात हवे। ईंग असरागेतना गोएग गुराः तयोमरे होड़कू जियाव रिमुःता अरू हना असरा बदीरे फड़ियाव लगा नंडा ईंगकू एचे चड़ाँतिरिंगा।”

मूक चेलाकू 27:29

दो हँकू जहाज चटइनरे तुकड़ाःराः बोतोरते हँकुःआ होड़कू जहाजराः तयोम गतर चइरगोटोंग लंगरकून समुंदररेकू जुवांग लोजोरगोतेड। हनते हँकू अंगुः लगाकू अरजीगोड ञवना।

मूक चेलाकू 27:40

हनालगा हँकू जहाजराः लंगरकूनकू बोंगोरतेडखन समुंदररेकू अड़ाः एंडागोतेड। अरू हनन मेला पतवारकून दाःरे अरूकू सोलोंगगोतेड। हनते जहाजरे तोलतो दोहोनता हना मरंग सोनहे जहाजराः मड़ंग होरकू कलथावगोतेड अरू ओत अगी जहाजकू सलावतेरा।

रूमी 4:16

दो नियम इया सलाः लगाकू कुरनिसगेता हँकुःआ होड़कू कोवान, मनदो इबराहीम इया भगवान एचेरेकू बिसवासगेता हँकुःआ होड़कू भगवानराः जबानकू पवाःता। नाःआ जबान भगवान एचेरे बिसवासगे अते इमान इया इबराहीमरिकुःआ जमा नइड़-बाँस होड़कू होंकू पवाःता।

रूमी 4:18

भगवान इबराहीम एचेरेय कतातेरा, “आमरिकुःआ नइड़-बाँस होड़कू तोनोंगीग ओरोकू गँड़ाव अवेतेडकुःआ, हनामिनकू बगरा जुवाःता।” हनमेला हाँय एचेरे असरागे लगा कहिसाः मेर दोहोगान। हनते हों इबराहीम भगवान एचेरे असरानेनखने बिसवासतेरा।

रूमी 5:4

अरू सहाव घड़ीनबू दोहोन अते नपाय लूर-नेवनतेकुःआ होड़कूबू बड़ाँःता, अरू नपाय लूर-नेवनते अबू जीवरे असरा बगरनता। हनालगा कटसियारे हों बहालगुःतनाबू।

1 कुरिंती 13:13

दो अबू बिसवासगेता, अरूबू असरागेता, अरूबू दुलारता, नाःआ पेनेय मेनेर टगाःता। मनदो नाःआ पेनेय अते मनइद मरंग एटाःकू दुलारता हना हवे।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

इपीसी 2:6

अबू ईसू मसी सुदाय जियाव रेमकेडबुःआ अरू सेरमो देसरे हाँय सुदाय एचे दुड़ुःकेडबुःआ,

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

कुलूसी 3:1

भगवान अपे नँवा जीव लगा ईसू सुदाय जियाव रेमकेडपेःआ, दो नुँहू हाँय भगवानराः खउना गतररे राइजगे लगाय दुड़ुःकिया हना सेरमो देसराः कताकूनपे ओंगोलगोड ञवन।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

इबरानी 4:16

अरू डीड़ घड़ीन मयादार भगवानराः गदी अगीबू सेन, जेमहा हाँय अबू मयावा घड़ीन अबूराः जरूरइत मेलाय संघरावाबू।

इबरानी 9:3

अरू बार नमारराः परदा मार परोम मुनुरुक सुद ततेर माःआनकू कतावाता।

इबरानी 9:7

मरंग पुजउरी एकला मी बरिसरे मिनी तुरहा जानरकूराः बलंगी गोःकेडखन भितरी छिनारेय बोलता। हना बलंगी अनँयग अरू एटाः होड़कू बेगर सुदीतेकू कसूरगोडा हना कसूरकून भगवान बराव एंडा लगा बलिदाने एमेगेता।

1 पतरस 1:3

अबूरीग परबू ईसू मसीरीग अपांग भगवानिंग जागगेयता। हाँय अबू मुरुके मयावाडबुःआ अरू ईसू मसी गोएगतो होड़कू अतेय जियाव रेमकिडिगखन अबू लगा नँवा जीवे एमेकेरा, जेमहा अबू एचेरे, ओरो टुटीगनेना हना असरा दोहोन।