इबरानी 6:12 - Korwa Bible

¹² अरू सुखवार अलोपे होयाः, मनदो बिसवास अरू सहाव घड़ीन भगवानराः जबानरे इताडदारकू इदानकुःआ हँकुःआ होड़कू इया अपे होँपे एचेय।

इबरानी 6:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 22:32

ईंग इबराहीमरीग भगवान अरू इसहाकरीग भगवान अरू एकूबरीग भगवान हवे, माःआन। हाँय गोएगतो होड़कूरीग भगवान ना लवे। मनदो जीयत होड़कूरीग भगवान हवे।”

मती ओजाःतेरा भगवानराः नपाय सरवन 25:26

दो हाँयग मालिक कता कुदातेरा, ने बेनेलूर अरू कुड़ही सेवकिया। आम सुसुदीतना ईंग मेरिंग वेरगेता हनातेयिंग ईरता अरू मेरिंग लेवायता हनातेयिंग गरोम ठुड़ीगेता, माःआन।

लूका 16:22

तयोमरे हाँयग गरीब होड़ गोएगयाने अरू सेरमो देसरिकुःआ बराहीलकू हाँय इबराहीम सुदा सेरमो देसरे दुड़ुः लगाकू गोःयाडीग। हना तयोमरे हाँयग गिरहत होड़ होंय गोएगयान अरू हाँयकू तीलगोतेरीग।

लूका 8:15

नपाय ओतरे लोजोरनेना हना बिहान नाःआ इया होड़कू हवे, हँकू सरवन अयूमवाडखन मुरुक नपायते अँकू जीवरेकू दोहोगोडता अरू सहाव घड़ीन नपायते जोःओ जोःता।”

रूमी 12:11

तोनोंगाः बुतारे अलोपे ओडोसगुः, मनदो सुद बिरुवाराः अगुवाइते मिहनइत घड़ीन परबूपे सेवागोड ञवन।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

रूमी 4:12

अरू खतनानेन अते मड़ंग इबराहीम भगवान एचेरेय बिसवासतेरा। हनन इया खतनात होड़कू होंकू भगवान एचेरेकू बिसवासगेता दो हँकू हों हाँयरिकुःआ नइड़-बाँस होड़कूकू बड़ाँव जुवाःता।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

2 तिसलूनिका 1:4

हनालगा अले अपे बदीरे भगवानराः कलसियाकूनरिकुःआ बिसवासी होड़कू एचेरे अपे भल-भलावातेडखनले कतायता, एटाः होड़कू हँकूकू संतावतना अरू हँकू एचेरे हलकइनकू अगूतना। हनते हों हँकू सहाव घड़ीन असतिरकू दोहोनता अरू हँकू बिसवास मेरकू अड़ाःगेता, माःआन।

इबरानी 1:14

जमा सेरमो देसरिकुःआ बराहीलकू भगवान सडावकूता हँकुःआ होड़कू सेवाकू लगाय वारतेडकुःआकू ना लवे जा?

इबरानी 10:36

अपे सहावगोड ञवन लगा इदा, जेमहा भगवानराः हिछा पुरावकेडखन हाँय जबानकेरा हनापे पवाव जुवाः।

इबरानी 11:33

बिनिसवासते हँकू एटाः राजाकू अतेकू जितावयान अरू सतायतेकू फड़ियावतेरा अरू भगवान जबानतेरा हनाकू पवावनेना अरू कूलकूराः आहकू रिपूडगोतेड,

इबरानी 12:1

भगवान एचेरेकू बिसवासतेरा हँकुःआ जमा होड़कू अबूराः चाइरो गतर, बदरी इया हिदइतदारकू इदानकुःआ। हनालगा मान अबू रोंकावबूता हनाकून अरू अबू दाःबूता हना कसूरकूनबू चलाः एंडाय। अरू भगवान अबू लगाय संजोड़केरा हनानाः बतकाः, सहाव घड़ीनबू बतकाव ञवन।

इबरानी 13:7

भगवानराः सरवनकू कता उदुःवातेडपेःआ हँकुःआ मूक होड़कूपे उहियारकू अरू हँकूराः नपाय जीवते चिला नफा होयाःतना हना ञेलकेडखन अपे हों हँकू इया भगवान एचेरे बिसवासकेडखनपे सलाः।

इबरानी 5:11

नाःआ कता बदीरे ककाता लगा मुरुक बड़राकून इदा। मनदो अपे ओहेन ओरोपे अयूम ठुड़ाव अवेतेरा। हनालगा अपे कता बुझावपे लगा मसकिल इदा।

इबरानी 6:15

दो इबराहीम सहाव घड़ीने दोहोना अरू भगवान जबानतेरा हनाय पवावनेना।

एकूब 1:3

अपे सुदीयतना, हनाते अपे सहाव घड़ीन बिसवासरे बड़ियाड़गुः लगापे चिडुःता।

2 पतरस 1:10

दो ईंगरिकुःआ अजी बोपोहकूतिंग, अपे मुरुक ओसताज घड़ीन नपाय लूर-नेवनते जियाः लगापे कुरनिसगे, जेमहा जमा होड़कू सुदीगोड भगवान अपेय सुनावकेडपेःआ अरू अनँयगरिकुःआ निकता होड़कूय बड़ाँवकेडपेःआ, माःआन। नाःआ इयापे एचेय दो अपे भगवानराः दूर कहियो ओरोपे अड़ाःतेरा।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।

उदुःतो कताकून 13:10

बिसवास बदीरे सींगगेय लगा इदानिया, हाँयग होड़ सिनिंगगुःता। अरू बिसवास बदीरे तलवइरते ञेड एंडागेय लगा इदानिया हाँयग होड़ तनलवइरतेय ञेड एंडनता। हनालगा नाःआ जमाकून होयाः हों भगवानरिकुःआ सुद होड़कू सहाव घड़ीन बिसवासगोड ञवन लगा इदा।”