इबरानी 5:13 - Korwa Bible

¹³ दूदकू ञूयता हँकुःआ लइंकू बतीकू दोहोनता अरू हँकू उडु-बुडू मेरकू सुदी अवेयता।

इबरानी 5:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:25

दो हनमेला ईसू कतातेरा, “ने सेरमो देस अरू चउंदीसरीग मालिक, ईंगरीग अपांग भगवान, ईंग आमिंग धनियाबादतना। आम नाःआ कताकून, कनहूनदारकू अरू सुदीदारकू अतेम ओकोतेरा अरू लइंकू इया होड़कू एचेरेम उदुःकेरा।

मरकूस 10:15

अपे ईंगपे अयूम, लइंकू इया भगवानराः राइज मेरकू मनेवाता हँकुःआ होड़कू भगवानराः राइजरे ओनोरोकू बोलो अवेनेना।”

रूमी 2:20

अरू बोया होड़कूरीग अरू लइंकूरीग चेडदार इनिंग हवे। मोसेसराः नियममे पवावकिया अरूम ओंगोलबाःकता, हना नियमराः कनहून अरू सताय ईंग जमालेःआयिंग सुदीतना, माःआन।

1 कुरिंती 13:11

ईंग लँइगिंग दोहोन मेला, लनँइग इयायिंग बुतुड़ुःआ, अरू लइंकू इयायिंग ओंगलेःआ, अरू लनँइग इयायिंग ओंगोल चुवेरगुःआ। मनदो ईंग सयाँड़यान दो, ईंग लँइग इया ओंगोलकून मिनी मुरुखियायिंग अड़ाः एंडागोतेडा।

1 कुरिंती 14:20

ने ईंगरिकुःआ अजी बोपोहकूतिंग, अपे लइंकू इया अहापे ओंगले। मनदो अपे सयाँड़ होड़कू इयापे ओंगले अरू बती लइंकू इया सुझिया होड़कूपे बड़ाँः।

1 कुरिंती 3:1

ने ईंगरिकुःआ अजी बोपोहकूतिंग, ईंग अपे सुदायिंग दोहोन मेला, सुद बिरुवा अगुवाइवाकूता हँकुःआ होड़कू सुदायिंग बुतुड़ुता इया अपे सुदा मेरिंग बुतुड़ु अवेगान। मनदो ईसू मसी एचेरे बिसवास बदीरे बती लइंकू इया अँननकूराः मनबिदियारेकू सलाःता हँकुःआ होड़कू एचेरेकू बुतुड़ुतान इया, अपे एचेरेयिंग बुतुड़ुःआ।

2 कुरिंती 3:9

डंड एमेता हना कता-जमकावतो नपाय दोहोना दो, होड़कू बेगर गारबारकू बड़ाँवगोडकूता हना नँवा कता-जमकावतो, जुना कता-जमकावतो अते अरू बगरा नाय नपाय चिला लगा मेर होयाकुःआ?

इपीसी 4:14

नाःआ इया अबू मसीरेबू हरानता दो, अबू लइंकू इया ओरोबू दोहोनेना। डोंगा लहराते तुकड़ाव हड़ाःता हनन इया अडिग बइना चलहू होड़कू अँकूराः एटाः एटाः लबरा चेडतोते ओरोकू बहकाव अवेतेडबुःआ।

2 तिमुतियूस 3:16

भगवानराः कागदराः जमा सरवन भगवानराः अगुवाइते ओजाःतो इदा अरू अबू होड़कू चेडकू लगा, डंटावकू लगा, मंदरावकू लगा अरू बेगर गारबारते नपाय जीवकू जियाः लगा मुरुक नफा एमेयता,

1 पतरस 2:2

बती लइंकू इया अपे हों सुद दूद इया इदा हना भगवानराः सरवन लगापे रोयोँन, जेमहा हना सरवनतेपे बड़ियाड़ इदीन अरू जमालेःआतेपे सडाव जुवाः।

2 एहुना 1:11

तोनोंगीग होड़ हाँये नेत-नेवारता दो हाँय हों हनाँयग होड़राः बेलूर बुतारेय मेसा जुवाःता।