इबरानी 4:9 - Korwa Bible

⁹ हनन इया इदान दो भगवानरिकुःआ होड़कू लगा मीटोंग मनइद लोड़ोन बनसावतो इदा।

इबरानी 4:9 ပူးပေါင်းရင်းမြစ်များ

मती ओजाःतेरा भगवानराः नपाय सरवन 1:21

हाँय मी होड़ हेरेल होने हेवेता अरू हाँय अनँयगरिकुःआ होड़कू अँनकूराः कसूर अतेय सडावकूता। हनालगा आम हाँयराः ञाव ईसू माःआनमे साबगे।”

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

इबरानी 11:25

हाँय कसूरकेडखन गुनहोन बेला वरी अहाल-बहालरे दोहोन अते भगवानरिकुःआ होड़कू सुदा कटसिया सहाव लगाय सुनावबाःकाड।

इबरानी 3:11

दो ईंग रीसते किरियायिंग जोमतेरा, ईंग लोड़ोन लगायिंग एमेवाकूता हंडा कहियो ओरोकू बोलो अवेनेना।

इबरानी 4:1

हनालगा भगवान जबानकेरा हना लोड़ोन अबू अटकार अवेय लगा हन नुँहू वरी सलाव वेगतना। दो अबू अते तोनोंगीग होड़ हना लोड़ोन मेरेय अटकार अवेगे अते सवासिती दोहोन लगा इदा।

इबरानी 4:10

तोनोंगीग भगवानराः लोड़ोने अटकार, हाँय भगवान अनँयग बुता पुरावतेडखने लोड़ोनेना हनन इयाय लोड़ोनता।

इबरानी 4:3

नुँहू अबू अतेकू बिसवासकेरा हँकुःआ होड़कू हना लोड़ोनकू अटकारगेता। दो नाःआ कता भगवान कतातेरा हनन इया इदा। हाँय कतातेरा, ईंग रीसते किरियायिंग जोमतेरा, लोड़ोन लगायिंग एमेवाकूता हंडा कहियो ओरोकू बोलो अवेनेना। भगवान चउंदीस तुलातेड वरी नाःआ लोड़ोन होड़कू अटकारगे लगाय संजोड़ दोहोतेरा। हनारे हों हाँय नाःआ इयाय कतातेरा।

इबरानी 4:8

एहोसू हँकुःआ होड़कू हना लोड़ोने एचे अटकार अवेकेकुः दो भगवान एटाः दिन बदीरे ओरोय कताकेःआ।

1 पतरस 2:10

“मड़ंगरे अपे हाँयरिकुःआ होड़कू मेरपे दोहोगान, मनदो नुँहू अपे हाँयरिकुःआ निकता होड़कूपे बड़ाँवयना; मड़ंगरे भगवान अपे मेरेय मयावागाडपे, मनदो नुँहू हाँय अपेय मयावारा।”

उदुःतो कताकून 14:13

हनते ईंग सेरमो देस अते मीटोंग अरोयिंग अयूमतेरा, “नाःआम ओजाः। नुँहू वरीते परबू एचेरे बिसवासकेडखनकू गुजुःता, हँकुःआ होड़कूराः जीव-जहन भगवान नपायगेता।” हनते भगवानराः बिरुवा कता कुदातेरा, “हाव, हँकू अँननकूराः बुता इया इमानकू पवाःता, अरू अँननकू मुरुककू मिहनइतकेरा अतेकू लोड़ोनता।”

उदुःतो कताकून 21:4

हाँय हँकूराः जमा मेड दाःए जोड अमिंगकूता। अरू हना तयोमरे गुजुः अरू फिकीर, अरू इयाम, अरू हसू कहियो ओरो दोहोनेना। नाःआ जमाकून सगर सइट लगा टनाड़ाव एंडा जुवाःता।”