इबरानी 4:14 - Korwa Bible

¹⁴ भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

इबरानी 4:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 4:3

हनते कलउ वेगनेनखन हाँय एचेरेय कतातेड, “आम भगवानरीग बेटा हवे दो, नाःआ दिरिकून रुटी बड़ाँः लगाम हुकुमगोड।”

मरकूस 1:1

भगवानरीग बेटात ईसू मसीराः नपाय सरवन नाःआ इया बुँहड़ीनता।

मरकूस 16:19

दो परबू ईसू हँकू सुदा बड़रानेन तयोमरे सेरमो देस अगी भगवान रेम गोःयाडीग अरू आँयग खउना तिःई गतररेय दुड़ुःयना।

लूका 24:51

हनन इया एचेकेडखन ईसू हँकूय पइड़घावतेरा अरू हँकू ञेनेल ञेला मेला, हाँय सेरमो देस अगी भगवान रेम गोःयाडीग।

मूक चेलाकू 1:11

अरू हँकिन कतातेड, “ने गलीलरिकुःआ होड़कू, अपे नंडा चड़ाँकियानखन चिला लगापे संगीलगेतना? अपे अते सेरमो देस अगी भगवान गोःयडिया हनाँयग ईसू करा इया तोराया हनन इयाय कुदा वेगता।”

मूक चेलाकू 3:21

भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

2 कुरिंती 12:2

ईसू मसी एचेरेय बिसवासगेतना मी होड़ होड़ इदानिया। चउदाह बरिस मड़ंगरे भगवान हाँयग होड़ सेनेरमो सेरमो देसे रेम गोःयडिया। हाँय देनेह देहरे जा बेगर देहरे भगवान रेमयडिया हना ईंग मेरिंग सुसुदीतना, मनदो भनगवान एकला नाःआ बदीरेय सुसुदीतना।

2 कुरिंती 9:13

नाःआ सेवाते होड़कू सुदीगोडता अपे मसीराः नपाय सरवन बिसवास घड़ीनपे मनावगोड ञवनतना अरू अपे गरीब होड़कू अरू एटाः बिसवासी होड़कू संघरावाकू लगा ओसताज इदानपेःआ, माःआन। अरू हना अते हँकू भगवानकू जागता।

इपीसी 4:10

लतार अगीय उतरावनेना, हनाँय सेरमो अते सेनेरमोय रकबयना। हनाते हाँयके जमा राइजबड़ीरे हातपात होयाःता।)

इबरानी 1:8

मनदो अनँयग बेटात बदीरे नाःआ इयाय कतायता, “ने भगवान, आमराः राइज सगर सइट वरी दोहोनता, अरू आम राइजगेराः बोंग साबकेडखन सतायतेम फड़ियावगेता।

इबरानी 10:12

मनदो मसी मिनी तुरहा सगर सइट लगा होड़कूराः कसूरकून बराव एंडा लगाय बलिदाननेना। अरू हना तयोमरे भगवानराः खउना तिःई गतररेय दुड़ुःयना।

इबरानी 10:23

अबूय जबानवारा हाँयग भगवान बिसवासगेयीग इदानिया। हनालगा अबू कबुलावकिया हना असरा, बेगर हिटोः डोबोःते नपायतेबू संभाड़ ञवन।

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

इबरानी 2:1

हनालगा अबू अयूमकेरा हना कताकून मुरुक तिंगीड घड़ीन अबूके मनाः लगा इदा, जेमहा अबू अलोबू बहकावगुः।

इबरानी 2:17

हनालगा हाँय जमालेःआते मनुवाकू इया बड़ाँः लगा दोहोना, जेमहा हाँय भगवानराः सेवारे मी होड़ सोगायीग अरू बिसवासगेयीग मूक पुजउरी इया जमा होड़कूराः कसूर लगा बलिदाने होया अवेन।

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

इबरानी 6:20

हंडा ईसू अबू अते मड़ंग अबू लगाय बोलोयना। हाँय मलिकिसिदिक इया सगर सइट लगा मरंगीग मूक पुजउरीय बड़ाँवयना।

इबरानी 6:6

हँकू भगवानरीग बेटात, अरू कुरूसरे ठोंकावकिडिगखन जमाकू मड़ंगरेकू एचे बेग-हतावायता। हनालगा हँकू बिसवास अतेकू एटाः जुवाः दो, बिसवासरे अरू कहियो ओरोबू कुदा अवेतेडकुःआ।

इबरानी 7:3

हाँयरिकिनाः एंगा अपा कोवाकिना अरू हाँयरिकुःआ खुटिपहार होड़कू कोवाकुःआ। हाँयराः जीवराः बुँहड़ी सहे टुटीग कोवानेःआ, अरू हाँय भगवानरीग बेनेटात इया सगर सइट लगा पुजउरी बड़ाँवतोय दोहोनता।

इबरानी 8:1

दो मनइद कता ननानाः हवे। अबू लगा सेरमो देसरे भगवानराः खउना तिःई गतररे दुड़ुःतो मरंग मूक पुजउरी ईसू हवे।

इबरानी 9:12

मसी मुनुरुक सुद ततेररे मेरोम अरू बसरूराः बलंगी गोःकेडखन मेरेय बोलोगना। मनदो अनँयग बलंगीते हना मुनुरुक सुद ततेररे मिनी तुरहा सगर सइट लगाय बोलोकिया। नाःआते हाँय सगर सइट लगा अबू कसूर अते सडावकेडबूखने अजइतगोतेडबुःआ।

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।