इबरानी 3:5 - Korwa Bible

⁵ मोसेस भगवानराः ओड़ाःरिकुःआ होड़कू एचेरे मी होड़ सेवकिया होड़ इया बिसवासगेयीगे दोहोना। अरू तयोमरे भगवान उदुःगेता हना सताय कता बदीरे मोसेस हिदइते कता उदुःतेरा।

इबरानी 3:5 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:45

“कनहूनदार अरू नपाय बिसवासगेयीग सेवकिया होड़ इये हवे? एटाः सेवकिया होड़कू नपाय बेलारे जोम जिनिसकून एमेवाकू लगा मालिक मूक होड़े बड़ाँवतिरिया हनाँय हवे।

मती ओजाःतेरा भगवानराः नपाय सरवन 25:21

दो मालिक कता कुदातेरा, नपायमे एचेकेरा, ईंगरीग बिसवासगेयीग अरू नपाय सेवकिया। आम गुनमिन कतारे बिसवासगेयीगमे दोहोना। दो ईंग मुरुक कताकूनराः जिमेवारीयिंग ओवामता। आमरीग मालिक सुदा आम होंम बहाल जुवाः।

लूका 12:42

दो परबू ईसू कतातेड, “अपे अते कनहूनदार अरू नपाय दोदोहोयीग जिमेवारी होड़ इये हवे? एटाः सेवकिया होड़कू नपाय बेलारे जोम जिनिसकून एमेवाकू लगा मालिक मूक होड़े बड़ाँवतिरिया हनाँय हवे।

लूका 24:27

हनते भगवानराः कागदरे मोसेस अरू एटाः जमा भगवानराः बड़रा कता होड़कू ओजाःकेरा हनाते अनँयग बदीरे ओजाःतो दोहोना हना जमा ईसू हँकिने कता समझावतेडकिना।

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

एहुना 5:39

अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

मूक चेलाकू 7:37

ईंग इया मी होड़ भगवानराः बड़रा कतायीग होड़ अपे अँननपे होड़कू लगा भगवान वारेयता, माःआन इसराएल होड़कू एचेरेय कतातेरा हाँयग होड़ ननाँयग मोसेस हवे।

रूमी 3:21

मनदो नुँहू भगवान आँयगराः ओंगोल इया बेगर गारबार होड़कूय बड़ाँवबू लगा, अनँयगराः दूर अबूय एचे उदुःवाता। अरू ननानाः कताकून भगवानराः बड़रा कता होड़कूराः कगदकूनरे अरू मोसेसराः नियमकूनरे हों उदुःवाबूता। मनदो अबू हना नियमकून मनाः लगाबू कुरनिसगे अते, बेगर गारबार होड़कू ओरोबू बड़ाँवनेना।

1 कुरिंती 4:2

अरू मड़ंग अलिंग मालिक एचेरे बिसवासगे इयालिंग दोहोन लगा इदा।

1 तिमुतियूस 1:12

ईंग बिसवासगेयीग होड़ ओंगोलवाडिंगखन, परबू ईसू मसी आँयगराः सेवा सेवागे लगा सुनावकिडिंगखन आँयगराः बुता बुतागे लगा जंगरे ओवाडिंगा। हनालगा हाँयिंग धनियाबादतना।

इबरानी 1:1

ने अजी बोपोहकूतिंग, भगवान मड़ंग जूगरे अबूरिकुःआ खुटिपरिया होड़कू एचेरे आँयग बड़रा कता होड़कूते एटाः एटाः बेलारे एटाः एटाः इयाय बड़रा ञवना,

इबरानी 3:2

मोसेस भगवानराः ओड़ाःरिकुःआ होड़कू लगा बिसवासगेयीगे दोहोना। हनन इया ईसू हों अनँयगे सुनावकेरा हाँयग भगवान एचेरे बिसवासगेयीगे दोहोना।

इबरानी 3:4

जनामा ओड़ाः तुला लगा तोनोगीग दोनोहोनता, मनदो जमाकूनरीग तुलादार भगवान हवे।

इबरानी 8:5

चउंदीसरिकुःआ पुजउरीकू सेसेवातना हना टपइर ओड़ाः सेरमो देसराः सताय टपइर ओड़ाःराः उंबूल अरू अउल-तउल इया इदा। हनालगा मोसेस टपइर ओड़ाः भाये तुलागे मेला भगवान हाँये सेतावतेरा, “अयुमेमे! पहाड़रे नकलिंग उदुःवातेडमेःआ, हनन इया जमालेःआ तुतुला लगा इदा।”

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।

उदुःतो कताकून 15:3

अरू भगवानरीग सेवकिया मोसेसराः सेरेंग अरू भेड़ा होनराः सेरेंगकू सेरेंगा, “ने अगम जंगरदार परबू भगवान, आमराः बुता मरंग अरू बयाव जुवाः इया इदा। ने जूग परिया वरीयीग राजा, आमराः दूर नपाय अरू सताय हवे।