इबरानी 3:18 - Korwa Bible

¹⁸ अरू भगवान आँयगराः हुकुम मेरकू मनावगान हँकुःआ होड़कू सुदा किरियाय जोमतेरा, ईंग लोड़ोन लगायिंग एमेवाकूता हंडा कहियो ओरोपे बोलो अवेनेना, माःआन।

इबरानी 3:18 ပူးပေါင်းရင်းမြစ်များ

एहुना 3:36

बेटात एचेरेय बिसवासगेता हाँयग होड़ ओरो टुटीगनेना हना जीवे पवाःता। मनदो बेटाते आड-बेकारवाता हाँय, ओरो टुटीगनेना हना जीव ओरोय पवावनेना अरू भगवान हाँय सुदा मुरुक रीसतोय दोहोनता।”

रूमी 11:30

अपे बेगर एहूदाकू, मड़ंगरे भगवानराः कता मेरपे मनाःआ। मनदो एहूदाकू भगवानराः कता मेरकू मनाःतान अते भगवान अपेय मयावारा।

इबरानी 3:11

दो ईंग रीसते किरियायिंग जोमतेरा, ईंग लोड़ोन लगायिंग एमेवाकूता हंडा कहियो ओरोकू बोलो अवेनेना।

इबरानी 4:11

हनालगा अबू जमा इयाःआ मिहनइत घड़ीन हनानाः लोड़ोन अटकारगे लगाबू कुरनिसगोड ञवन, जेमहा तोनोंगीग हुकुम मेरकू मनावगान हँकुःआ होड़कू इया अलोबू बेगेनान।

इबरानी 4:2

हँकुःआ होड़कू अयूमतेरा हना नपाय सरवन अबू हों अयूमकेराबू। हँकुःआ होड़कू हना सरवन अयूमतेडखन बिसवास घड़ीन अँनकूराः जीवरे मेरकू दोहोगाड। हनालगा हँकू अयूमतेरा हना सरवनते हँकूके तोनोंगाः नफा मेर होयागान।

इबरानी 4:6

दो अदोम होड़कू नाःआ लोड़ोन अटकारगे लगा हन नुँहू वरी सनालाव वेगतना अरू मड़ंगरे नपाय सरवनकू अयूमतेरा हँकुःआ होड़कू हुकुम मेरकू मनावगान अते, हना लोड़ोन मेरकू अटकार अवेगाड।