इबरानी 3:14 - Korwa Bible

¹⁴ अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

इबरानी 3:14 ပူးပေါင်းရင်းမြစ်များ

रूमी 11:17

नपाय जइतून सींगराः तोनोंग तोनोंग डइड़कून भगवान तपेग एंडागोतेडा अरू पहाड़राः जइतून सींगराः डइड़कून हना नपाय जइतून सींगरेय तोल जोड़ावगोतेडा अरू नुँहू जियाः लगा हना सींगराः जेरते दाःकून पवाःतना।

रूमी 11:22

अपे नाःआ कता बदीरेपे उहियारगोड ञवन। भगवान मया ञवनताय अरू डंडियावकू लगा होंय सुदीयता। हाँय एचेरे मेरकू बिसवासगाड, हँकुःआ होड़कूय डंडियावतेडकुःआ अरू हाँय एचेरेकू बिसवासकेरा अपेय मयावागोड ञवनतना। अपे मेरपे बिसवासगे दो अपे हों हना डइड़ इयाय तपेग एंडागोडपेताय।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

1 कुरिंती 10:17

अबू मुरुक बगरा होड़कू इदानबुःआ। मनदो रुटी मिनीटोंग इदा। नाःआ रुटी डुंडीग हटिंगकियानखन अबू जमाकूबू जोमता। हना नाःआ उदुःता, अबू जमाकू मिनी देह इया इदानबुःआ।

1 कुरिंती 9:23

जमा होड़कू नपाय सरवन बिसवासगे लगा ईंग नाःआ इयायिंग एचेयतना, जेमहा हँकुःआ होड़कू इया भगवान ईंगराः जीव होंय नपायगे।

इपीसी 3:6

ओकोत कता ननानाः हवे, ईसू मसीराः नपाय सरवनते अपे बेगर एहूदाकू, एहूदाकू सुदा इताडदारपे बड़ाँवयना अरू मिनीटोंग देहराः दगलीकूनपे बड़ाँवयना अरू ईसू मसीतेकू पवाःता हना जबान अपे होँपे पवावयना।

1 तिमुतियूस 6:2

तोनोंगीग बेगारी होड़रीग मालिक बिसवासी होड़ दोहोन दो, हाँय बिसवासी होड़ इदान अते हाँयग मालिकतेन अलोय आड-बेकारवाय। हँकुःआ बेगारी होड़कू अते नफाकू पवाःता हँकुःआ मालिककू बिसवासी होड़कू अरू दुलारतो इदनकुःआ। हनालगा बेगारी होड़कू अँननकूरिकुःआ मालिककू अनउर नपायते सेवाकू लगा इदा। दो तिमुतियूस, नाःआ जमा कताकूनमे चेडवाकू अरूकू एनेचेगोड ञवन लगाम समझावकू।

इबरानी 11:1

अबूराः बिसवास अबू असराता हना कताकून पका-निकागोडता अरू मेरबू ञेनेलता, हना कताकून सनाताय हवे माःआन एचे सुदीबाःकाता।

इबरानी 12:10

अबूरिकुःआ अआपकू अँननकूराः ओंगोल इया गुनमिन बेला वरीकू सुटियावबुःआ। मनदो भगवान अबूराः नफा लगा अबूय सुटियावता, जेमहा अबू हों हनाँय इया सुदबू होया जुवाः।

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

इबरानी 6:11

अपे जमाकू एचेय लगा ननन इया टुटीग बेला वरी ओसताजपे दोहोन लगाले चहाःतना, जेमहा अपे असराकेरा हना जमा दहिनकूनपे पवाव जुवाः।

इबरानी 6:4

मी तुरहा भगवानराः मरसल अरू दहिनकू पवावनेना, अरू एटाःकू सुदा सुद बिरुवातेकू मिनीनेनखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?

1 पतरस 4:13

मनदो अपे जेमिन ईसू मसीराः कटसियारेपे मेसानता, हिनिनमिनपे बहालगुः, जेमहा ईसू मसी जमा होड़कू अते मान मरजइते पवाः मेला, अपे हों मुरुक बहालतेपे भबराः।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

1 एहुना 1:3

अले ञेलकेरा अरूले अयूमकेरा, हनानाः अपे एचेरे होंले कतायतना, जेमहा अपे अले सुदापे मिनी जुवाः। अरू अले हों अबूरीग अपांग भगवान अरू आँयगरीग बेटात ईसू मसी सुदा मिनी इदानलेःआ।