इबरानी 13:3 - Korwa Bible

³ जेहेलरे सींगतोकू दोहोनता हँकुःआ होड़कू अपे, अले हों सींगतो इदानलेःआ, माःआन ओंगोलकेडखन उहियारगोड अरू अले अँननले संतावतो इदानलेःआ माःआन ओंगोलकेडखन संतावतोकू दोहोनता हँकुःआ होड़कूपे उहियारगोड ञवन।

इबरानी 13:3 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:36

ईंग एकेतेयिंग दोहोना अरू तुसिंग लगा सोनहेपे एमेवातेरिंगा। ईंग हसूरेयिंग दोहोना अरू अपे ईंगपे तिहा हड़ाःतेरा। ईंग जेहेलरेयिंग दोहोना अरू अपे ईंग ञेल लगापे वेजेडा।

मती ओजाःतेरा भगवानराः नपाय सरवन 25:43

ईंग दुरीन देसरीगिंग दोहोना दो, अपे मेरपे नेत-नेवारगडिंग। ईंग एकेतेयिंग दोहोना दो, अपे तुसिंग लगा सोनहे मेरपे एमेवागडिंग। ईंग हसूरे अरू जेहेलरेयिंग दोहोना। मनदो अपे ईंग एचेरे मेरपे वेगगान।

मूक चेलाकू 24:23

हनते हाँय मी सव सइनाकूरीग हातपात होड़ एचेरे पउलूस अगुरागेय लगाय हुकुमवातेरिया। मनदो हाँयरिकुःआ सउंगताकू हाँय संघरावाय अते मेरेय रोंकावगाडकू लगा अरू हुडिंग हुडिंग दँड़ा-पटे ओवाय लगा होंय हुकुमवातेरिया।

मूक चेलाकू 27:3

एटाः दिन सइदा सहररेले उतरावनेना अरू उलियूस, पउलूस एचेरे मयावातेडखन पउलूसरिकुःआ सउंगताकू हाँयकू संघरावा लगा हँकू एचेरेय सेने ओवातिरिया।

रूमी 12:15

बहालतेकू दोहोनता हँकुःआ होड़कू सुदा अपे होँपे बहालगुः अरू इयामतकुःआ होड़कू सुदा अपे होँपे इयाम।

1 कुरिंती 12:26

मीटोंग दगली हसूरे पराव जुवाःतान दो जमा देह हसूरे दोहोनता। अरू मीटोंग दगलीराः भल-भलाय होयाःतान दो जमा देह दगलीकून अहाल-बहाल जुवाःता।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

कुलूसी 4:18

ईंग पउलूस, नाःआ सलाम इनिंग तिःईते अपे लगायिंग ओजाःगेतना। ईंग जेहेलरे इदानिंगा। हनालगा अपे अरजी मेला ईंग अलोपे लिड़िंगींग। भगवान अपेय मयावा।

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।

इबरानी 11:37

तोनोंग तोनोंग होड़कू दिरितेकू तेके गोएग एंडातेडकुःआ अरू तोनोंग तोनोंगकू अरातेकू सिरावतेडकुःआ अरू तोनोंग तोनोंगकू तलवइरतेकू समाः गोएगतेडकुःआ। हँकू एचेरे कहिसाः मेर दोहोगान अरू हना लगाकू भेड़ाकूराः अरू मेरोमकूराः हेड़े तुसिंगकेडखन नाःआ हना अगीकू दँड़ा चुवेरा अरू सिकिसतारेकू दोहोना अरू एटाःकू हँकूकू बेग-हतावातेरा।

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।