इबरानी 12:5 - Korwa Bible

⁵ अरू अपे लइंकू इयाकू चेडपेता हना सरवनपे लिड़िंग एंडागोतेडा जा, “ने बेटा, परबू आमे चेडतेरा हना नपायमे ओंगले, अरू हाँय आमे डंटाव दो अलोम अदरुजीन।

इबरानी 12:5 ပူးပေါင်းရင်းမြစ်များ

लूका 24:6

ईसू नंडा कोवाया। हाँय दो जियाव रेमयनाय। ईसू गलील छतररेय दोहोन मेला, अपे एचेरे चेले चेले माःआने कतातेरा हनापे उहियार।

लूका 24:8

हनमेला अइमीकू ईसूराः हना बड़राकू उहियार अगूतेरा।

1 कुरिंती 11:32

मनदो परबू अबू सोझावबू लगाय डंडियावबूता, जेमहा चउंदीसरिकुःआ एटाः होड़कू सुदा अहाय डंडियावबू।

गलातिया 6:9

अबू नपाय बुताबू बुतागोड ञवन लगा अबूराः जीव अहाबू हदराव ओवागे। दो भगवान तोल दोहोकेरा हना बेलारे हाँय अबू लगा इमाने एमेवाबूता।

1 तिमुतियूस 1:20

बहकावतो होड़कू अते बार होड़ हुमिनियुस अरू सिकंदर हवे। दो नँकिनाः होड़किन ईंग कलउ तिःईरेयिंग जिमागोतेडकिना, जेमहा हँकिन भगवान ओपताकेडखन अहा कताय लगाकिन चिडुः।

इबरानी 12:7

अपात मेरेय सुटियावगेयता हना इयायीग तोनोंगीग लँइग इदानिया जा? भगवान अपे, ईंगरिकुःआ लइंकू हवे, माःआने ओंगोलपेतना। हनालगा अपे जीवरे कटसिया होयाः दो, हना भगवान सुटियावलेतना माःआन ओंगोलकेडखनपे सहावया।

इबरानी 13:22

ने अजी बोपोकूतिंग, ईंग नाःआ चिठीरे अनादोम कताकूनिंग ओजाःकेरा। हनालगा अपे एचेरेयिंग असेयतना, नाःआ चिठीरे ओजाःतो इदा हना कताकून नपायतेपे अयूम ठुड़ावगे।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

उदुःतो कताकून 3:19

ईंग दुलारकूता हँकुःआ जमा होड़कू ईंग सोएग दूररेयिंग नपायकूता अरूयिंग डंटावकूता। हनालगा अपेराः जीवपे होमगोड, अरू कसूर अते भगवान अगी जीवपे कुदा।