इबरानी 12:3 - Korwa Bible

³ कसूर होड़कू अते मुरुक कटसियाय सहावतेरा हाँयग ईसूपे ओंगोल, जेमहा अपे अदरुजीकियानखन अपेराः जीव अलो हदरावगुः।

इबरानी 12:3 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:19

मनदो मनुवारीग बेटात जमाकूने जोमा अरूय ञूःआ अरू हँकू कतायतना, माँय हरहा होड़ हवे अरू कसूर होड़कू अरू मलगुजारी गोः होड़कूरीग सउंगता हवे, माःआन। मनदो भगवानराः कनहून इयाकू सलाःता हँकुःआ होड़कू नपाय दूररेकू सलाःता।”

मती ओजाःतेरा भगवानराः नपाय सरवन 12:24

मनदो फरीसी होड़कू नाःआ कता अयूमतेडखनकू कतातेड, “भूतकूरीग राजा दरहाते नाँय भूतकूय एचे उडुंगतना।”

मती ओजाःतेरा भगवानराः नपाय सरवन 15:2

“आमरिकुःआ चेलाकू अबूरिकुःआ खुटिपरिया होड़कूराः रिती-बिधी चिला लगाकू टड़ावगेता अरू तिःई बेगर अचंगतेकू जोमता?”

मती ओजाःतेरा भगवानराः नपाय सरवन 21:23

ईसू भगवानराः ओड़ाःरे बोलोनेनखन होड़कूय चेचेडा। दो मरंग पुजउरीकू अरू होड़कूरिकुःआ हातपातदारकू हाँय एचेरे वेगनेनखनकू होंबोरतिरिया, “आम नाःआ इया बुता इयेराः हातपाततेम एचेयता? अरू नाःआ एचेय लगा इये हातपाते ओवाडमेःआ?”

मती ओजाःतेरा भगवानराः नपाय सरवन 21:46

अरू हँकू हाँय सबेय लगा दोंगकू ञामा। मनदो होड़कू हाँय भगवानराः बड़रा कतायीग होड़ माःआनकू मनवेया। हनालगा हँकू होड़कूकू बोरोवाःआ।

मती ओजाःतेरा भगवानराः नपाय सरवन 22:15

हनते फरीसी होड़कू हंडा अतेकू उडुंगनेना अरूकू कता होड़ेंगा, “नाँयग ईसू करा इया बड़रारेबू बझावगेय।”

लूका 14:1

मीटोंग लोड़ोनराः दिनरे ईसू मी होड़ फरीसी होड़कूरीग मरंग होड़ ओड़ाःरे जोम लगाय सेनेडा। दो फरीसी होड़कू ईसू सिरढीटकू ञेलगोड ञवना।

लूका 15:2

दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।

लूका 16:14

ललचीकू दोहोना हँकुःआ फरीसी होड़कू, ईसूराः बड़रा अयूमवाडखन हाँयकू लंदावाःआ।

लूका 2:34

हनते सिमोन उसूप अरू मरियम भलावातेडकिनखन मरियम एचेरेय कतातेरा, “अयुमेमे, नाँयग लँइगते इसराएलरिकुःआ बगरा होड़कूराः जीव लायगुः लगा अरू एटाःकूराः जीव बनसावगुः लगा होयाःता। नाँयग लँइग भगवान अते होड़कू लगा मीटोंग चिनहाय होयाःता अरू मुरुक बगरा होड़कू हाँयकू घंटाता,

लूका 5:21

फरीसी होड़कू अरू नियम चेडदार होड़कू अँननकू जीवरेकू ओंगोलतेरा, भगवान बदीकेडखने कतायतना नाँयग होड़ इये हवे? भगवान अड़ाःकेडखन इये कसूरे बराव एंडा अवेयता, माःआन।

एहुना 10:20

हँकू अते मुरुक बगरा होड़कू कताया, “नाँय एचेरे भूत इदा अरू नाँय बउड़ाहा इदानिया। नाँयराः कता चिला लगाबू अयुमे?”

एहुना 18:22

ईसू नाःआ इयाय कतातेड दो ईसू कुटीरे चड़ाँतेय दोहोना भगवानराः ओड़ाःरीग मी होड़ अगुरा होड़ चपड़तिरिगखने कताया, “मूक पुजउरी एचेरे आम नाःआ इयाम कतायता जा?”

एहुना 5:16

ईसू नाःआ जमाकून लोड़ोनराः दिनरेय एचेतेरा। हनालगा एहूदाकू हाँय संताव लगाकू बुँहड़ीतेरा।

एहुना 7:12

होड़कू ईसू बदीरे जहड़ घड़ीन मुरुककू कताया। अदोमकू कताया, “हाँय नपाय होड़ हवे।” अरू अदोमकू कताया, “हाँय होड़कूय बहकावगोडता।”

एहुना 8:13

फरीसी होड़कू नाःआ अयूमकेडखनकू कताया, “आम अनम बदीरे हिदइतमे एमे दो, आमराः हिदइत तोनोंगीग सताय हवे माःआन ओरोकू मनावनेना।”

एहुना 8:52

हनते एहूदाकू कतातेरा, “नुँहू अले सुदीबाःगोतेरा, आम एचेरे भूत इदा। अबूरीग खुटिपरिया होड़ इबराहीम गोएगयना अरू भगवानराः बड़रा कता होड़कू होंकू गोएगयना। मनदो आम कतायता, तोनोंगीग होड़ ईंगराः कता इयाय सलाः दो, हाँय कहियो ओरोय गोएगनेना, माःआन।

एहुना 8:59

नाःआ अयूमकेडखन हँकू ईसू तेके गोजेय लगा दिरिकूनकू रेमतेरा। मनदो ईसू कलेकाल भगवानराः ओड़ाः अतेय बोसोर उडुंगयान।

एहुना 9:40

दो हाँय सुदाकू दोहोना हँकुःआ फरीसी होड़कू अते अदोम होड़कू नाःआ अयूमतेडखनकू कताया, “अले हों अंधा इदानलेःआ जा?”

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

2 कुरिंती 4:1

भगवान आँयग सेवा लगा अलेय मयावारा। हनालगा अले मेरले अदरुजीनता।

2 कुरिंती 4:16

अलेराः देह लाय एंडानता, मनदो अलेराः जीव सगर दिन नँवा इदीनतना। हनालगा अले मेरले हदराःता।

गलातिया 6:9

अबू नपाय बुताबू बुतागोड ञवन लगा अबूराः जीव अहाबू हदराव ओवागे। दो भगवान तोल दोहोकेरा हना बेलारे हाँय अबू लगा इमाने एमेवाबूता।

2 तिसलूनिका 3:13

ने अजी बोपोहकूतिंग, नपाय नपाय एचेगे लगा अहापे हदासगुः।

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

इबरानी 12:5

अरू अपे लइंकू इयाकू चेडपेता हना सरवनपे लिड़िंग एंडागोतेडा जा, “ने बेटा, परबू आमे चेडतेरा हना नपायमे ओंगले, अरू हाँय आमे डंटाव दो अलोम अदरुजीन।

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

1 पतरस 2:23

हँकुःआ होड़कू हाँयकू बेग-हतावातिरिया दो, हाँय हनन इया बदला मेरेय कुदागाड। अरू कटसियाय सहावा, दो तोनोंगीग मेरेय हुड़कावगाड। मनदो हाँय नपायतेय फड़ियावगेता हाँयग भगवान एचेरेय भरसातेरा।

उदुःतो कताकून 2:3

ईंग नाःआ कता होयिंग सुसुदीतना। अपे ईंगराः ञाव लगा कटसियापे सहाव पारतना अरू नुँहू वरी मेरपे उदबासगना।