इबरानी 12:16 - Korwa Bible

¹⁶ अपे अते तोनोंगीग सनहा-सनही होड़कू सहे एसाव इया गारबार होड़कू अलोपे होयाः। दो मरंग बेटाकू पवाःता हना हातपात एसाव मी जुवारराः जोम जिनिस लगाय अकरिंग एंडागोतेड।

इबरानी 12:16 ပူးပေါင်းရင်းမြစ်များ

मरकूस 7:21

होड़कूराः इंदरी अते बेलूर ओंगोल, जपाल होड़ेंग, इनिग, ञेड गोजेय, सनहा-सनही,

मूक चेलाकू 15:20

मनदो हँकू एचेरे नाःआ कता ओजाः इदीगे लगा इदा। हँकू मुरतीकून मड़ंगरे मंडावतो तोनोंगाः जिनिसकून अहाकू जोम, सनहा-सनहीते तोरेकू दोहोन अरू अइठाव गोएगतो जानरकूराः मास जोजोम लगा कोवानेःआ अरू बलंगी कहियो जोजोम कोवानेःआ।

मूक चेलाकू 15:29

अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम कोवानेःआ अरू सनहा-सनहीते तोनोरे दोहोन लगा इदा। अपे नाःआ जमाकून अते सवासितीपे दोहोन दो नानाः अपे लगा ननपाय दोहोनता। नपायतेपे दोहोन।

1 कुरिंती 10:8

अपे हँकू इया अलोपे सनहा-सनही। हँकू अते अदोम होड़कू सनहा-सनहीनेना अरू मिनी दिन हँकू अते तईस हजार होड़कू गोएगनेना।

2 कुरिंती 12:21

ईंग बोरतना, अपे एचेरे अरूयिंग सेन दो होयाःकून करे अपे मड़ंगरे भगवान ईंगे एचे गियूगोडिंग। अपे अते मुरुक होड़कू मड़ंगरेकू एचेया हना सनहा-सनही, लमचोर-लिमचोर अरू बेलूर बुताकून अड़ाःकेडखन भगवान अगी जीव मेरकू कुदागरा। अरू हँकुःआ होड़कू हनानाः बुताकून एचे घड़ीनकू जियाःतना। दो ईंग हँकुःआ होड़कू लगा मुरुक फिकिराः पराःता करे?

इपीसी 5:3

अपे भगवानरिकुःआ सुद होड़कू हवे। हनालगा अपे तलारे तोनोंग इयाःआ सनहा-सनही, बेलूर बुता सहे ललचीराः गुनमिनाः ओंगोल हों अहापे दोहो ओवागे।

इपीसी 5:5

सनहा-सनही, बेलूर बुता सहे ललची ओंगोल, मुरती सेवा हवे। अरू नाःआ इयाकू एचेयता, हँकुःआ होड़कू लगा ईसू मसी अरू भगवानराः राइजरे तोनोंगाः इताड कोवानेःआ।

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

1 तिमुतियूस 1:9

अबू नाःआ हों सुदीयतनाबू, भगवानराः नियमकून बेगर गारबार होड़कू लगा मेरेय तुलागाड। मनदो गारबार अरू तुड़ेंग-तपेग होड़कू लगा, भगवान मेरकू मनाःता अरू कसूर होड़कू लगा, सुद कोवानेःआ अरू बेलूर होड़कू लगा, एंगात अपातकू ञेड एंडात होड़कू अरू ञेड एएंडा होड़कू लगा,

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।