इबरानी 11:37 - Korwa Bible

³⁷ तोनोंग तोनोंग होड़कू दिरितेकू तेके गोएग एंडातेडकुःआ अरू तोनोंग तोनोंगकू अरातेकू सिरावतेडकुःआ अरू तोनोंग तोनोंगकू तलवइरतेकू समाः गोएगतेडकुःआ। हँकू एचेरे कहिसाः मेर दोहोगान अरू हना लगाकू भेड़ाकूराः अरू मेरोमकूराः हेड़े तुसिंगकेडखन नाःआ हना अगीकू दँड़ा चुवेरा अरू सिकिसतारेकू दोहोना अरू एटाःकू हँकूकू बेग-हतावातेरा।

इबरानी 11:37 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:35

दो अधियादारकू हाँयग मालिकरिकुःआ हड़वाहाकू साबतेडखन मी होड़कू लुटीगतिरिया, एटाः होड़कू ञेड गोएग एंडातिरिया अरू मी होड़ दिरितेकू तेकेतिरिया।

मती ओजाःतेरा भगवानराः नपाय सरवन 3:4

एहुना ऊँटराः ऊबते तुलात सोनहे अरू जानरराः हेड़ेतते तुलात पेटार अनँयग मयांगरेय तुसिंगगेःआ। हाँय पंपाकू अरू टयंगाब ततेररिकुःआ रासकूय जोमा।

मती ओजाःतेरा भगवानराः नपाय सरवन 8:20

दो ईसू हाँय एचेरेय कताया, “हुई हुटाकू दोहोन लगा दुलू इदा अरू तितीगकू दोहोन लगा तुका इदा। मनदो मनुवारीग बेटातराः बोः अतड़े लगा हों ततेर कोवानेःआ।”

लूका 13:34

ईसू अरूय कताया, “ने एरुसलेमरिकुःआ होड़कू, अपे भगवानराः बड़रा कता होड़कूपे ञेड एंडाकूता अरू अपे एचेरे भगवान वारतेडकुःआ, हँकुःआ होड़कू दिरितेपे तेकेकूता। ईंग मुरुक तुरहा अपेरिकुःआ लइंकू, सिम अनँयग होनकूय बुरुमता हना इया बनसावकू लगायिंग चहाःआ। मनदो ईंग हना इयायिंग एचेय लगा अपेराः हिछा मेर दोहोगान।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 7:52

अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया।

2 कुरिंती 12:10

ईंग अबड़ावगुःतान मेला, ईसू मसी ईंगे बड़ियाड़गींगता। हनालगा ईंग अबड़गुःतान मेला, अरू कटसियारेयिंग दोहोनतान मेला, अरू ईंगकू ओपतागिंगतान मेला, अरूयिंग गरीबगुःतान मेला अरू ईसू मसी बदीरे ईंगकू संतावगींगतान मेला बनहालतेयिंग दोहोनता।

इबरानी 11:25

हाँय कसूरकेडखन गुनहोन बेला वरी अहाल-बहालरे दोहोन अते भगवानरिकुःआ होड़कू सुदा कटसिया सहाव लगाय सुनावबाःकाड।

इबरानी 13:3

जेहेलरे सींगतोकू दोहोनता हँकुःआ होड़कू अपे, अले हों सींगतो इदानलेःआ, माःआन ओंगोलकेडखन उहियारगोड अरू अले अँननले संतावतो इदानलेःआ माःआन ओंगोलकेडखन संतावतोकू दोहोनता हँकुःआ होड़कूपे उहियारगोड ञवन।

उदुःतो कताकून 11:3

अरू ईंगरिकिनाः बार होड़ हिदइतदारकिन हातपातिंग ओवाकिनता। हँकिन बोराराः सोनहे तुसिंगकेडखन 1,260 दिन वरी भगवानराः बड़राकिन कतागोड ञवनता।”