इबरानी 11:36 - Korwa Bible

³⁶ हँकू अते तोनोंग तोनोंग होड़कू एटाः होड़कू बेग-हतावातेरा अरू तोनोंग तोनोंगकू गुरुदतेकू ञेडतेडकुःआ अरू तोनोंग तोनोंगकू सिकिड़ीतेकू तोलतेडकूखन जेहेलरेकू एचे सींगगोतेडकू।

इबरानी 11:36 ပူးပေါင်းရင်းမြစ်များ

मती ओजाःतेरा भगवानराः नपाय सरवन 20:19

अरू बेगर एहूदाकूराः तिःईरेकू जिमागेयता अरू लंदा एरंगवा घड़ीनकू ञेडेयता अरू कुरूसरेकू ठोंकाव गोजेयता। मनदो पेय दिनरेय जियाव रिमुःता।”

मती ओजाःतेरा भगवानराः नपाय सरवन 21:35

दो अधियादारकू हाँयग मालिकरिकुःआ हड़वाहाकू साबतेडखन मी होड़कू लुटीगतिरिया, एटाः होड़कू ञेड गोएग एंडातिरिया अरू मी होड़ दिरितेकू तेकेतिरिया।

मती ओजाःतेरा भगवानराः नपाय सरवन 23:34

हनालगा ईंग अपे एचेरे भगवानराः बड़रा कता होड़कू अरू कनहूनदारकू अरू चेडदार होड़कूयिंग वारकूतना। अपे अदोम होड़कूपे ञेड एंडागोडता अरू अदोम होड़कू कुरूसरेपे ठोंकावगोडकूता। अपे अदोम होड़कू अपेराः अरजी ओड़ाःकूनरे गुरुंदतेपे ञेडकूता अरू मी सहर अते एटाः सहर अगी हँकूपे झुटियावता।

मती ओजाःतेरा भगवानराः नपाय सरवन 27:26

हनते पिलातूस हँकू लगा बराबाय अड़ाःगोतेडीग। मनदो हाँय ईसूय एचे ञेडतेरा अरू कुरूसरे ठोंकाव गोजेय लगाय जिमागोतेडीग।

मरकूस 10:34

हनते हँकुःआ होड़कू लंदावायता अरू हाँय सेरमोकू बेगता अरू गुरुंदतेकू ञेंडेयता अरू ञेड गोएगगोडेयताकू। हनते पेय दिन तयोमरेय जियाव रिमुःता।”

लूका 18:32

एहूदाकू हाँय बेगर एहूदाकू एचेरेकू जिमागेयता। हँकुःआ होड़कू हाँयकू लंदा एरांगवायता अरू बेग-हतावायताकू अरू हाँय चोटरेकू बेगगोडता।

लूका 23:11

नाःआ अयूमतेडखन हरदोस आँयग सइनाकू सुदा ईसू बेग-हतावातिरिगखनकू लंदा एरंगवाया। हँकू ईसू राजाकू तुसिंगगेता हना इयाःआ नपाय सोनहे एचे तुसिंगवडीगखन पिलातूस एचेरेकू गोः कुदातिरिया।

लूका 23:36

सइनाकू हाँय एचेरे वेगवाडखन अंबट रस ञूय लगाकू एमेतेरा अरू लंदा एरांगवाडिगखनकू कताया,

मूक चेलाकू 21:33

हाँयग हातपात होड़ वेगवाडखन पउलूसे साबतेरा अरू हाँय बारटोंग सिकिड़ीते तोलेय लगाय हुकुमतेरा। हनते हाँय होड़कू एचेरेय होंबोरतेरा, “नाँय इये हवे अरू नाँय चिलाय एचेकेरा?”

मूक चेलाकू 24:27

दो बार बरिस होयानेन तयोमरे पुरकियूस पिसतूस, पेलिकसराः बदलारे मरंग हातपात होड़े बड़ाँवयान। मनदो पेलिकस एहूदाकू एचे बहालकू लगा पउलूस तोलतो इयाय दोहो ओवातिरिया।

मूक चेलाकू 4:3

दो हनमेला सिंगाड़यान अरू हँकू पतरस अरू एहुनाकू साबतेडखन निंदावा वरी जेहेलरेकू सींगगोतेडकिन।

मूक चेलाकू 5:18

हँकू ईसूरिकुःआ मूक चेलाकूकू एचे साबतेडखन जेहेलरेकू एचे सींगगोतेडकू।

मूक चेलाकू 5:40

दो हना कतारे मरंग पंचाइतरिकुःआ जमा होड़कू रायनेना। हनते हँकू मूक चेलाकू राःतेडखन गुरुंदतेकू एचे ञेडतेडकुःआ। हनते हँकू ईसूराः ञावते तोनोंगीग एचेरे अहाकू कताय लगा सेतावतेडकूखनकू अड़ाःगोतेडकू।

मूक चेलाकू 8:3

अरू साहूल दो कलसियारिकुःआ होड़कू लाय एंडाकू लगाय बुँहड़ीतेरा अरू ओड़ाः ओड़ाः बोल घड़ीन हाँय बिसवासी होड़कू, मरदकू अरू अइमीकू, एचे उडुंगकेडकूखन जेहेलरेय एचे सींगकुःआ।

इपीसी 3:1

ईंग पउलूस, अपे बेगर एहूदाकू एचेरे ईसू मसी बदीरे परसारगे अते जेहेलरे सींगतो इदानिंगा।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

2 तिमुतियूस 1:16

उनेसिपुरुस कइन तुरहा ईंग जीवे कता बहालकेरा। ईंग जेहेलरेयिंग दोहोना हनारे हों हाँय ईंग बदीरे मेरेय गियूगान। हनालगा हाँय ओड़ाःरिकुःआ होड़कू भगवान सोगावाकू लगायिंग अरजीतना।

2 तिमुतियूस 2:9

अरू हनानाः सरवन लगा कटसिया सहाव घड़ीन ईंग जेहेलरे इदानिंगा। मनदो भगवानराः सरवन तोलतो कोवानेःआ।

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।