इबरानी 11:31 - Korwa Bible

³¹ बिनिसवासते मड़ंगरे सनही अइमीय दोहोना हाँयग राहाब इसराएलरिकिनाः बराहीलकिन वेजेडा दो, हाँय हँकूय नेत-नेवारतेडकुःआ। हनालगा भगवानराः हुकुम मेरकू मनाःआ हँकुःआ होड़कू सुदा हाँय मेरकू ञेड एंडागडीग।

इबरानी 11:31 ပူးပေါင်းရင်းမြစ်များ

मती ओजाःतेरा भगवानराः नपाय सरवन 1:1

ईसू मसीराः खुटिपरिया होड़कूराः सूची कागद नाःआ इया इदा। ईसू मसी इबराहीमरीग नइड़-बाँस होड़ अरू दाऊद राजारीग नइड़-बाँस होड़ होंय दोहोना।

मती ओजाःतेरा भगवानराः नपाय सरवन 1:5

सलमोन, बोअगरीग अपाते दोहोना अरू एंगात राहाब दोहोना, बोअग, ओबेदरीग अपाते दोहोना अरू एंगात रूत दोहोना, ओबेद, एसेरीग अपाते दोहोना,

मूक चेलाकू 15:33

हँकिन तोनोंग बेला वरी हंडाकिन दोहोना अरू बिसवासी होड़कू भगवान हँकिनराः जीव सलसतरे दोहोन लगाकू अरजीतेरा अरू हँकिनकू वारतेरा हँकुःआ होड़कू एचेरेकू वार कुदागोतेडकू।

इबरानी 3:18

अरू भगवान आँयगराः हुकुम मेरकू मनावगान हँकुःआ होड़कू सुदा किरियाय जोमतेरा, ईंग लोड़ोन लगायिंग एमेवाकूता हंडा कहियो ओरोपे बोलो अवेनेना, माःआन।

एकूब 2:25

हनन इया मड़ंगरे सनहीय दोहोना हाँयग रहाब हों इसराएलरिकिनाः बराहीलकिने बनसाव लगा अनँयग ओड़ाःरेय नेत-नेवारतेडकिनखन एटाः दूरतेय वारगोतेडकिन। दो भगवान हाँयराः नपाय बुतातेय मंजूरवातिरिया।

1 पतरस 2:8

अरू भगवानराः कागदरे एटाःरे नाःआ इया ओजाःतो इदा; “नाःआ दिरि होड़कू एचे तोहोडकूता अरू हान होड़कू एचे तामगोडकूता।” हँकुःआ होड़कू सरवन मेरकू बिसवासगाड। हनालगा भगवान हँकूय दोहो ओवाडकुःआ हनन इया हँकुःआ होड़कू तोहोडयनाकू।

1 पतरस 3:20

तोलतोकू दोहोना हँकुःआ गोएगतो होड़कू नूहराः जूग परियारे भगवानराः कता मेरकू मनावगान हँकुःआ होड़कू हवे। हनमेला नूह मरंग दाः जहाजे तुलाःआ अरू होड़कू भगवान एचेरे बिसवासगे लगा, भगवान सहाव घड़ीने तंगी ञवना। मनदो आठगोटोंग होड़कू एकला हना दाःतेकू बनसावनेना।