इबरानी 11:3 - Korwa Bible

³ बिनिसवासते अबू सुदीयता, जमा राइजबड़ी भगवानराः हुकुमते बड़ाँवयना, अरू नाःआ जमाकून ञिलुःतना हना जिनिसकून अते मेर बड़ाँवगना।

इबरानी 11:3 ပူးပေါင်းရင်းမြစ်များ

एहुना 1:3

हनाँय जमा बरानाः जिनिसकूने तुलाकेरा अरू हाँय बेगर, तोनोंगाः जिनिस मेर बड़ाँवगना।

मूक चेलाकू 14:15

“ने अजी बोपोहकूतालिंग, अपे चिला लगा नाःआ इयापे एचेयतना? अपे इया अलिंग हों मनुवाकिन हवे। नाःआ इया बेलूर बेलूर कताकून अते अपेराः जीव, सेरमो, ओत, समुंदर अरू जे हों सकालाः हनारे इदा हना जमाकूने तुलाकेरा हाँयग भगवान अगीपे कुदान लगा नपाय सरवनलिंग कता उदुःवापेतना।

मूक चेलाकू 17:24

भगवान नाःआ चउंदीस अरू चउंदीसराः जमा जिनिसकूने तुलाकेरा। हाँय जमा सेरमो अरू ओतरीग मालिक हवे अरू हाँय होड़कू तुलायता हना तोनोंगाः मंदिररे मेरेय दोहोनता।

रूमी 4:17

भगवानराः कागदरे इबराहीम बदीरे ओजाःतो इदा, “ईंग आम मुरुक बगरा जइत होड़कूरीग अपांगिंग बड़ाँवकेडमेःआ।” हनन इया हाँय अबू जमा बिसवासी होड़कूरीग अपांग हवे। अरू हाँय, गोएगतो होड़कूय जियाव रेमकूता अरू बनाड़रा बड़राते तोनोंग मेर दोहोगान अते जमाकूने होनोयागोडता हाँयग भगवान एचेरेय बिसवासकेरा।

1 कुरिंती 2:7

मनदो अले, चउंदीस बुँहड़ीन अते मनाड़ंग अबूराः मान मरजइत होयाः लगा, भगवान ओंगोल दोहोकेरा हनानाः ओकोत कनहूनले परसार उदुःगेतना।

1 तिमुतियूस 4:5

हान भगवानराः सरवनते अरू अरजीते सुद जुवाःता।

इबरानी 1:2

मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।

इबरानी 6:5

भगवानराः नपाय सरवन अरू दरवाःआ हना जूगराः जंगर सुदीकेडखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?

2 पतरस 3:5

हँकू जइनके लिड़िंग एंडागोतेड, भगवानराः सरवनते सेरमो मनाड़ंग वरीते इदा अरू भगवान ओत दाः अतेय एटाःकेडखन दाःते झुरा ओते बड़ाँवकेरा।

उदुःतो कताकून 4:11

“ने अलेरीग परबू अरू भगवान, आम अनमराः ओंगोल इया जमा जिनिसकूनमे तुलाकेरा। अरू आम ओंगोल इया हना जमा नुँहू इदा, हान अनम हमा जमालेःआम तुलाकेरा। हनालगा आम जागगे इया अरू मान मरजइतगे इया अरू जंगरदार इदानमेःआ।”